IES Plurilingüe Antón Losada Diéguez

O 26 de febreiro de 2014 o alumnado de 3º da ESO participa no segundo dos concertos pertencentes ao V ENCONTRO MUSICAL. Nesta ocasión a cita é no IES "Mestre Landín" (Marín). O programa realizado abrangue tres pezas relacionadas coa Historia da Música e unha peza de Música Popular. Son as que seguen por orde de actuación:

1- "Branle" de P. Phalèsse (s. XVI)

2- "Stella Splendens" do Llivre Vermell (s. XIV)

3- "Rosa das Rosas". Cantiga de Santa María de Afonso X, O Sabio (s. XIII)

4- "Miñas cousas". Canción tradicional galega.

Parabéns polo traballo realizado e ánimo para seguir mellorando nos próximos concertos...

Aquí vos deixo os videos da actuación do alumnado de 2º de ESO e 4º de ESO no V ENCONTRO MUSICAL, realizado no Salón de Usos Múltiples do noso centro o 5 de febreiro de 2014.

Como sabedes, este é o quinto ano que organizamos os concertos conxuntamente os Departamentos de Música do IES "Mestre Landín" de Marín e do noso centro. Parabéns polo traballo realizado e ánimo para continuar mellorando!!!

O 26 de febreiro de 2014 achegámonos a Marín para celebrar o segundo concerto do V Encontro Musical entre o noso centro e o IES “Mestre Landín”. O alumnado que participa neste concerto é o de terceiro da ESO cun programa que abrangue a Idade Media, o Renacemento e tamén a nosa música popular.

O alumnado de 3º e 4º da ESO asistirá hoxe a un concerto didáctico no Auditorio de Novacaixagalicia en Pontevedra ás 12.00 h, que leva por título: "Odaiko nas escolas II". "Farase un percorrido musical pola historia da humanidade dende os seus inicios", relacionando o mundo da percusión coa humanidade. Haberá un narrador en "Off", cunha escenificación chea de ritmos e sons e mesturados cunha pincelada de imaxinación, creatividade e curiosidade polas distintas manifestacións artísticas.

Este venres, 14 de febreiro, o grupo de teatro do noso centro, Avelaíñas Teatro, presentou en rolda de prensa, en Ourense, a súa nova obra: Faíscas. A peza representarase en dúas funcións: ás 12,30 para o público escolar, e ás 20,30 para o público en xeral no Teatro Principal de Ourense, xunto ao Obradoiro Municipal de Teatro de Palas de Rei e a Aula de Teatro do CPI de Touro. A recadación destínase integramente á ONG ‘Meniños’. Tamén haberá unha preestrea da obra no Salón de Actos do IES Antón Losada, o mércores ás 19 horas. Abaixo tedes o vídeo da rolda de prensa que saiu en Telemiño.

Estes son os traballos gañadores dos concursos de fotografía e relatos convocados por Vicedirección, a Biblioteca e o Club de Lectura Retelladores do Galiñeiro.

No concurso de fotos só houbo unha gañadora, María Bastida, de 4º da ESO A.

No concurso de relato curto as gañadoras na categoría de 1º a 3º da ESO e PCPI foron Irene Blanco, de 1º ESO A e Lorena Rodríguez de 1º ESO A. Na categoría de 4º da ESO, Bacharelato, Ciclos e Adultos os relatos gañadores foron os de Lorena Ramos, de 4º da ESO B, e Iris Lale Montoto, de 4º ESO B.

Premios Violencia Muller.docx by retelladores

A Biblioteca do Losada convoca un concurso de ‘bicos de cine’ destinado ao alumnado do centro. Os participantes deberán descubrir o título das películas ás que pertencen os fotogramas de bicos, cubrindo un formulario que poden recoller na Biblioteca ou mandando un correo electrónico a ler.nolosada@gmail.com co nome, curso, e as respostas. A data límite para participar é o 16 de febreiro. Entre os que entreguen todas as respostas correctas sortearanse tres películas.