IES Plurilingüe Antón Losada Diéguez

O xoves 7 de marzo recibimos a visita de Juan Manuel Soutelo e Manuela Gestoso en representación da Cruz Vermella A Estrada para facerlles entrega dos 200 euros recadados a través do proxecto CORAZÓN SOLIDARIO. Durante a semana do 19 ao 23 de abril un grupo de alumnos e alumnas de 3º e 1º ESO recadou este diñeiro coa venda de cartas e bombóns no mes do amor e da amizade. A colaboración e participación da comunidade educativa foi excepcional e o traballo do equipo organizador, exemplar. Parabéns a todos e a todas: Iago Cabaleiro, Enma Villanueva, Iván Barbeito, Lía González, Andrés Duro, Manuel Matalobos, Lía Rey de 1º ESO e Laura Álvarez, Carla Calviño, Hugo Cao, Marta Vilas, Ainhara Mata e Xián Torres de 3º ESO.

Maís fotos AQUÍ

Desde este luns, unha selección de 20 retratos do proxecto Mulleres Valentes da artista estradense Rosa de Cabanas están expostos no corredor da Biblioteca do centro, aos que se suman 3 paneis informativos da mostra. Para achegar o alumnado á mostra deseñouse tamén un caderno de actividades sobre a mesma, que estará no centro ata o día 22.

A actividade complementouse cunha charla da propia autora do proxecto que se achegou o mércores 6 ao centro educativo para explicar ao alumnado de 3º e 4º ESO os detalles, obxectivos e característas da exposición e do seu traballo en xeral.

Ademais na Biblioteca do centro instalouse unha mesa violeta con diversas publicacións de mulleres ou referidas a elas.

Estas actividades encádranse dentro do obxectivo do centro de poñer o foco  nesta data no traballo que desenvolveron e desenvolven mulleres de todos os ámbitos sociais, profesionais e culturais, en moitos casos descoñecidos polo comunidade educativa e pola sociedade en xeral.

Dirixido a alumnado doutros centros que estea interesado en facer os seus estudos para o curso que ven no IES Plurilingüe Antón Losada Diéguez (cursos 2º, 3º, 4º ESO e 1º e 2º BACHARELATO). 

PRAZO DE PRESENTACIÓN DE SOLICITUDES

Do 1 ao 20 de marzo ambos incluídos.

DOCUMENTACIÓN A PRESENTAR

Solicitude cuberta e asinada dispoñible no centro, na aplicación admisión alumnado ou na sede electrónica da Xunta de Galicia. 

Copia do DNI ou NIE do/a alumno/a.

Copia do libro de familia ou documento acreditativo dos membros da unidade familiar.

CALENDARIO DE PUBLICACIÓN DA LISTAXE DE ADMITIDOS E PRAZOS DE RECLAMACIÓN

Publicación da listaxe provisional:  25 abril.

Prazo de reclamacións: 5 dias hábiles posteriores a da de publicación da listaxe.

Publicación da listaxe definitiva de admitidos: 15 de maio.

PRAZO DE FORMALIZACIÓN DA MATRÍCULA ORDINARIA

Do 23 de xuño ao 7 de xullo.

Pub

P

O IES Pl. Antón Losada Diéguez recibiu o XI premio do Padroado da Fundación Down Compostela xunto con Ofelia Vieites García e El Corte Inglés de Santiago de Compostela.
O centro quere expresar a súa ledicia e tamén o agradecemento a Down Compostela por este recoñecemento que ven poñer en valor o esforzo do centro e os seus equipos docentes por acadar un ensino diverso e integrador, sempre na procura de metodoloxías que posibiliten estas realidades.

A xustificación de dito Padroado foi a seguinte:
Premio Down Compostela 2024 ao IES Antón Losada Diéguez
No IES Antón Losada saben como poñer o foco no contexto educativo e non nas dificultades da persoa, como puideron comprobar Sara Romero, no seu momento, e agora Fabián de Paz, nas aulas de formación profesional.
Este centro da Estrada favorece que o alumnado con necesidades educativas desenvolva as súas capacidades e habilidades ao máximo para conseguir unha calidade de vida digna. O equipo docente sabe que é necesario instaurar novas metodoloxías educativas e cambiar estruturas para fomentar unha inclusión real.
Entender que detrás do alumnado con síndrome de Down ou discapacidade intelectual hai soños, ilusións e capacidades é o primeiro paso para que o sistema educativo sexa realmente accesible e inclusivo.
No IES Antón Losada as persoas con discapacidade contan.
Na páxina da Fundación pode consultar máis información sobre este tema.

Axudas dirixidas ao alumnado para a realización de actividade de formación en linguas estranxeiras (ano 2024)

A Consellería de Cultura, Educación, FP e Universidades acaba de publicar a convocatoria de axudas para a realización de actividades de formación en linguas estranxeiras, dirixida ao alumnado de 1º ou 2º de bacharelato. O prazo de presentación de solicitudes está aberto dende o 13 de febreiro ata o 12 de marzo (incluído). Para ampliar información podese consultar un “Cartel informativo” sobre as axudas, a convocatoria publicada no DOG e a aplicación para realizar a solicitude.

Un ano máis o Losada celebrou o agardado entroido. Neste curso o alumnado de 4º ESO A realizou un completo programa de actividades para todos os días da semana. Día do complemento, día do vermello, día do pixama, día de gala e o concurso e festa final de entroido o venres 9 de febreiro.

Esta programación provocou unha moi participativa resposta da comunidade educativa, que culminou o venres cun concorrido concurso de disfraces e unha animadísima festa. 

A organización do alumnado de 4º merece cualificarse como excelente así como a resposta e compromiso do resto do alumnado. Abaixo podes ver e descargar as mellores fotos do evento, realizadas por Noel Ramos Caramés.

PROBAS PARA A OBTENCIÓN DO TÍTULO DE EDUCACIÓN SECUNDARIA OBRIGATORIA PARA MAIORES DE 18 ANOS.

Prazo de presentación de solicitudes: do 5 ao 21 de febreiro (convocatoria de abril) e do 8 ao 19 de abril do 2024 (convocatoria de xuño)

PROBAS PARA A OBTENCIÓN DO TÍTULO DE BACHAREL PARA PERSOAS MAIORES DE 20 ANOS.

Prazo de presentación de solicitudes: do 15 ao 28 de febreiro

Toda a información AQUÍ

d

O IES Pl. Antón Losada Diéguez retoma as actividades da Escola de Familias

Por segundo curso consecutivo, o Losada pon en marcha esta iniciativa que  naceu co obxectivo decrear un espazo  e un tempo de formación conxunta entre as familias e a escola, no que poidamos aprender xuntos, identificar os puntos fortes e débiles das nosas actuacións como educadoras e educadores, e acompañar o desenvolvemento o noso alumno (e dos nosos fillos e fillas) do xeito máis óptimo posible. 

Despois do encontro mantido coas familias no primeiro trimestre deste curso, do que xurdiron ideas e propostas, poñemos en marcha a programación deste ano.

A primeira actividade será:

Redes sociais e saúde mental na adolescencia.
Iria Veiga Ramos – Psiquiatra
Data: xoves 25 de xaneiro de 2024
Hora: 19.30
Lugar: Biblioteca do IES Plurilingüe Antón Losada Diéguez

A actividade están convidadas as familias da comunidade educativa do Losada, así como as familias do alumnado de 6º curso do CEIP Figueiroa, centro adscrito ao Losada. O convite faise estensivo ao profesorado tamén.
Na iniciativa, contamos coa colaboración da ANPA do noso centro.

Iria Veiga (Ferrol, 1981). Médica psiquiatra e divulgadora científica. Exerce a psiquiatría no Hospital Psiquiátrico de Conxo e colabora cunha columna de opinión na que falo sobre ciencia en Nós Diario. Participou en diversas iniciativas relacionadas coa lingua e a divulgación científica, como Escépticos no Pub, Pint of Science, Naukas Coruña, Concienciadas, LGx15, O galego a miña lingua propia e a canle de Twitch Balea Vermella, xunto a Javier Balea, na que realizamos entrevistas e conversas sobre ciencia. Tamén realiza actividades de divulgación sobre saúde mental en centros de ensino.

PODES VER AS FOTOS DA ACTIVIDADE AQUÍ

Xa está publicada a convocatoria das PROBAS DE ACCESO CICLOS DE GRAO MEDIO E SUPERIOR correspondentes á convocatoria 2024. Aquí queda o calendario das mesmas. Podes Consultar máis información AQUÍ

Podes descargar un documento con información xeral sobre a inscrición, estrutura, características, etc. AQUí

Descargar calendario PDF

NO LOSADA NON MIRAMOS PARA OUTRO LADO

Este sábado celébrase o Día Internacional pola eliminación da violencia contra as mulleres. Para este venres, día 24, o IES Plurilingüe Antón Losada Diéguez proxectou unha serie de actividades, que teñen como fin visibilizar esta problemática entre a comunidade educativa e tratar de incidir o máis posible na reflexión e concienciación sobre a violencia machista e as súas consecuencias.

Para isto deseñouse a seguinte programación:

1. Concentración da comunidade educativa no patio posterior do centro na que o alumnado de 1º e 2º ESO mostrará os lemas elaborados arredor do día pola eliminación da violencia contra as mulleres. Lectura de manifesto elaborado por alumnado de 1º Bac.
Horario: 12:25 horas.
2. Photocall contra a violencia e pola igualdade na entrada do edificio, nos diferentes recreos. O alumnado de 3º ESO preparou a actividade realizando unha serie de cartóns con mensaxes alusivas ao tema que toda a comunidade poderá utilizar para retratarse.
3. Intervención artística realizada polo alumnado de 1º de ESO consistente en deseños tridimensionais alusivos á mirada sobre a violencia de xénero. Na entrada do centro.
4. Distribución de marcapáxinas conmemorativos entre toda a comunidade.
5. Mesa violeta na Biblioteca do centro, con publicacións arredor da igualdade preparada polo equipo de biblioteca do Losada.
6. O alumnado e profesorado está convidado a traer posta algunha prenda de roupa de cor violeta.