VII Festival Galego de Teatro Escolar na Estrada.

Arrincará ás 11.00 horas no Teatro Principal, cunha actuación conxunta do cinco grupos participantes: Avelaíñas Teatro, a aula de Teatro do IES Antonio Fraguas de Compostela , a aula de Teatro do CPI de Touro, a Escola Municipal de Teatro de Laxe e o Obradoiro Municipal de Teatro de Palas de Rei. Baixo a premisa de promover o intercambio e a interacción nestas aulas, os actores e as actrices subiranse ao escenario para actuar xuntos, de maneira que o espectador non saberá de que localidade é cada intérprete.

Xa ás 13.00 horas, as agrupacións participantes daranse cita en Sabucedo. Os da Estrada serán en leste caso protagonistas, guiando aos integrantes das demais formacións polo curro vello, o curro novo ou o Muíño do Mestre. Ademais de aproximalos ao rico patrimonio desta emblemática parroquia, faranos partícipes do seu patrimonio inmaterial a través de cinco escenas durante a ruta centradas en lendas e contos ligados a Sabucedo. Ao terminar, todos os asistentes compartirán un xantar de confraternidade no curro do Campo do Medio.

 

O CORO IES ANTÓN LOSADA DIÉGUEZ NO ENCONTRO MUSICAL DE SECUNDARIA 2019

O martes 30 de abril o coro do  IES Antón Losada participou na VIII edición do Encontro Musical de Alumnado de Secundaria que tivo lugar no Auditorio de Galicia de Santiago de Compostela.

O evento foi organizado pola Asociación de Profesorado de Música de Secundaria de Galicia (ASOMÚSICA)  contando coa colaboración do concello da cidade. No encontro, ademais do estradense, participaron 15 centros toda Galicia sumando máis de 500 rapaces e rapazas no no escenario. O coro do IES Antón Losada, formado por 30 persoas (alumnos e profes)  foi dirixido pola profesora Chelo Millán, interpretou as pezas:  Perfect, de Ed Sheeran e Cor esperanza, versión en galego da canción de Diego Torres

A xornada completouse con diversos obradoiros formativos nos que puideron participar os rapaces e rapaces integrantes do encontro. O Coro celebra o seu cuarto curso consecutivo de existencia, e leva participado en numerosas iniciativas musicais tanto dentro como fóra do centro educativo. É unha actividade promovida polo Departamento de Música do centro.

 

 

O LOSADA RECIBE AO ALUMNADO E PROFESORADO DO COLLÈGE DU HOULME DE BRIOUZE, NORMANDÍA, FRANCIA

O IES Antón Losada Diéguez acolle a alumnado do Collège du Houlme de Briouze (Normandía, Francia).

 

Foto: Puri Sangiao (Voz de Galicia)

O pasado luns 29, un grupo de 28 rapaces e tres profesores do instituto francés chegaron ao centro estradense dentro do programa de intercambio entre ambas institucións educativas. Esta é a devolución da visita realizada polo noso alumnado a terras francesas o pasado mes de marzo. Foron recibidos ás 12 da mañá no Losada no que realizaron as primeras actividades de coñecemento do centro.

 

Ese mesmo día, ás seis da tarde foron recibidos no Concello da Estrada a cargo do Alcalde da Estrada, don José López Campos. 

O alumnado francés permanecerá con nós toda esta semana, sendo acollido nas casas das familias do alumnado estradense. O mércores realizan unha excursión polas terras de Noia, Ribeira e Castro de Baroña. O xoves visitarán a capital de Galicia e ás 9 da noite dese mesmo día representarán conxuntamente co noso alumnado unha adaptación trilingüe de O principiño, que prepararán nestes días de estancia no Losada. A entrada é libre. No Teatro Principal da Estrada.

O vendes 3 de maio realizarán unha visita e roteiro pola Fervenza e castro de Callobre e unha visita guiada ao Pazo de Oca, antes de partir cara terras francesas. No transcurso da semana participarán na vida académica do centro, asistindo a clases, irealizando ensaios da obra e facendo presentacións da súa terra de orixe ao alumnado estradense.

 

 

O alumnado do Losada visita o Collège du Holme en Briouze (Normandía, Francia)

 

Trátase dun programa de intercambio cultural e lingüístico, no que 12 estudantes de 1º ESO do IES Antón Losada Diéguez viaxaron a Francia, instalados en familias francesas desde o pasado 17 de marzo ata o sábado 23, acompañados por Edith Pazó, profe de Lingua Galega e de Francés e Afonso García, profe de Lingua Castelá e responsable do Aula de Teatro do centro. Participaron da vida académica dun centro escolar (Collège du Houlme, en Briouze, Normandía) para convivir durante unha semana co alumnado francés, seguindo parcialmente a actividade ordinaria do centro. Isto permitiralles coñecer outro sistema escolar cunha vivencia activa, ademais de integrarse na vida cotiá das familias que os acollían, procedentes tanto do ámbito urbano como rural. A experiencia está resultour realmente agradable, intensa e moi enriquecedora.

Por outra parte, dirixidos polo profesorado francés e galego responsable da actividade, os alumnos participaron na posta en escena en común co alumnado francés da adaptación da obra teatral Le petit prince/El principito/O principiño.. Realizan tamén actividades culturais complementarias, como a visita ao Mont Saint-Michel ou á localidade de Saint Malo.

No mes de maio desenvolverase a segunda parte desta actividade de convivencia, cando o alumnado francés viaxe á Estrada, para convivir coa alumnado galego durante unha semana. Daquela, daráselle continuidade tamén á actividade teatral común, como parte do proxecto de convivencia cultural e práctica lingüística, que culminará coa posta en escena do traballo dramatizado no Teatro Principal da Estrada, o día 2 de maio. Unha vintena de familias estradenses participarán nesta acollida do alumnado francés.

O IES Plurilingüe Antón Losada Diéguez e o Collège du Houlme de Briouze levan traballando conxuntamente desde o pasado mes de outubro no desenvolvemento deste marco de intercambio cultural e lingüístico. No primeiro trimestre, o alumnado dos dous centros, estudantes de francés e de español de distintos niveis da ESO como linguas estranxeiras, realizaron xa un intercambio epistolar, que tivo continuidade a través de distintas redes sociais, e que agora se completa con esta convivencia nos dous países.

Esta actividade enmárcase no programa plurilingüe desenvolvido polo centro educativo, que ademais de impartir varias materias en inglés, ten grupos de alumnado estudando francés e portugués. 

PODES LER MÁIS INFORMACIÓN E VER MÁIS FOTOS, NO BLOG DO EDL LOSADA, PICANDO AQUÍ

 

CALENDARIO DE EXAMES DA 2ª AVALIACIÓN DE PERSOAS ADULTAS

PUBLICADO O CALENDARIO DE EXAMES DA 2ª AVALIACIÓN DE PERSOAS ADULTAS

 

PODES CONSULTALO AQUÍ: DESCARGA CALENDARIO PDF

ACCIÓNS FORMATIVAS DIRIXIDAS PRIORITARIAMENTE A PERSOAS DESEMPREGADAS (AFD)

Convocatoria CURSOS dirixidos a persoas desempregadas no IES Antón Losada Diéguez.

 

Curso de

MONTAXE E MANTEMENTO DE INSTALACIÓNS DE MEGAFONÍA, SONORIZACIÓN DE LOCAIS E CIRCUÍTO PECHADO DE TELEVISIÓN

Data da proba de selección: 7 de marzo de 2019 ás 10:00 horas.

Descarga toda a información AQUÍ

 

Curso de

TRABALLOS DE CARPINTARÍA E MOBLE

Data da proba de selección: 2 de abril de 2019 ás 10:00 horas.

Descarga toda a información AQUÍ

 

 

 

Calendario de probas de acceso a ciclos medios e superiores de Formación Profesional Convocatoria 2019

Xa está publicado o calendario de probas para o acceso aos ciclos medios e superiores da FP.

Convocatoria 2019.

DESCARGAR DOCUMENTO PDF CON TODA A INFORMACIÓN AQUÍ

ERASMUS + MOBILIDADES PARA O ALUMNADO DOS CICLOS SUPERIORES

 Podes acceder a toda a info da convocatoria de Mobilidades para o alumnado de C.S. proxecto:KA103 PraxEuropa2018-2020 AQUÍ