NOTICIAS SOBRE A PLANIFICACIÓN DO FIN DE CURSO. TODO POR DECIDIR

A conselleira de Educación hoxe na Conferencia Sectorial de Educación, convocada para analizar o impacto e as medidas en relación coa interrupción da actividade lectiva presencial con motivo da declaración do Estado de Alarma por parte do Goberno Central.

No encontro houbo consenso xeneralizado de manter o calendario escolar, co obxectivo de transmitir unha mensaxe de continuidade e normalidade respecto ao ámbito académico.

Nós seguimos agardando por instrucións concretas sobre o proceso.

 

Pode consultarse a nova neste enlace:

http://www.edu.xunta.gal/portal/node/30634

 

O ALUMNADO DO LOSADA DÁ AS GRAZAS

O alumnado e o profesorado do Losada queda na casa pero non para. Aí queda este emotivo vídeo, resultado do traballo realizado polo alumnado de 1º de ESO e a súa profe Alexandra da materia de Lingua Galega.

Parabéns!!!

 

Guía para a aprendizaxe a distancia durante a suspensión das clases polo COVID-19

A Consellería de Educación, Universidade e Formación Profesional vén de difundir, a través do Centro Autonómico de Formación e Innovación do Profesorado (CAFI) e da súa rede de formación permanente, unha guía para facilitarlles aos docentes a aprendizaxe a distancia durante o período de suspensión das clases polo COVID-19.

Podes consultar a nova completa neste enlace.

Descargar a GUíA

 

AULAS GALEGAS

Tamén queremos destacar unha moi boa iniciativa de moitos docentes que nos pode axudar a todos e a todas a mellorar o noso traballo nestes días. Chámase AULAS GALEGAS e pode consultarse aquí:

http://aulasgalegas.org/

NOVO AVISO IMPORTANTE SOBRE A SUSPENSION DAS CLASES (16 DE MARZO)

A raíz da aprobación do Real Decreto 463/2020, do 14 de marzo, polo que se declara o estado de alarma para a xestión da situación de crisis sanitaria ocasionada polo COVID-19  e do Acordo do Centro de Coordinación Operativa (Cecop), mediante o que se adoptan medidas preventivas en lugares de traballo do sector público autonómico como consecuencia da evolución epidemiolóxica do coronavirus COVID-19 informamos que o IES PLURILINGÜE ANTÓN LOSADA DIÉGUEZ permanecerá pechado ao público desde hoxe 16 de marzo e ata novo aviso.

En función do citado anteriormente, quedan suspendidos TODOS OS PROCESOS ADMINISTRATIVOS.

O centro atenderá ao público a través do correo electrónico do mesmo: ies.losada.dieguez@edu.xunta.es

O alumnado recibirá a través dos MEDIOS TELEMÁTICOS utilizados habitualmente tarefas de carácter xenérico non avaliable para a súa realización neste período.

 

 

NOVAS INSTRUCIÓNS EN RELACION COA SUSPENSIÓN DAS CLASES POLO COVID-19 PARA OS CENTROS DE ENSINO

A Consellería de Educación acaba de anunciar a modificación das indicacións iniciais en relación coa suspensión das clases por causa do COVID-19.

Amplíase provisionalmente o prazo de presentación telemática e presencial de solicitudes de admisión que finalizará 1 semana despois do reinicio das clases.

As insturcións completas poden consultarse na seguinte ligazón:

 

Novas instrucións en relación co COVID-19 para os centros educativos(13/03/2020)

MEDIDAS PUBLICADAS POLA CONSELLERÍA DE EDUCACIÓN EN RELACIÓN COA SUSPENSIÓN DAS CLASES

A  Consellería de Educación da Xunta de Galicia publicou onte luns a última hora da tarde as instrucións que recollen as medidas a adoptar en todos os centros de ensino en relación coa pandemia covid- 19 para os vindeiros 14 días naturais contados dende o día 16 de marzo de 2020.

 

MEDIDAS PARA OS CENTROS EDUCATIVOS

 

 

SUSPENSIÓN DAS CLASES A PARTIR DO LUNS 16 DE MARZO

Á comunidade educativa do IES Plurilingüe Antón Losada Diéguez

Segundo o anunciado esta mañá polo presidente da Xunta de Galicia, e a agarda de novas indicacións da Consellería de Educación, quedan suspendidas, a partir do vindeiro luns, todas as actividades lectivas e extraescolares durante os seguintes 14 días, nos que o centro estará pechado.

Mañá venres, o centro permanecerá aberto e, na medida do posible, o alumnado non acudirá ás clases.

Na páxina web do centro publicarase información das novidades que vaian xurdindo.

 

INFORMACIÓN SOBRE A ALERTA SANITARIA POR CORONAVIRUS

O ENTROIDO 20 NO LOSADA

O pasado venres, día 28, celebramos a festa do entroido no Losada. Aínda que tivemos que facelo unha semana despois do habitual, por causa dos exames B1 e B2 de inglés que tivo que facer o alumnado o día 21, a festa foi espectacular. Moitos grupos e disfraces e moita diversión. Parabéns para o alumnado de 4º ESO, encargado con éxito da súa organización. E parabéns tamén a todo o alumnado e profesorado que participou na festa e que colaborou para que todo saíse ben.

 

 

 

Carlos Hernández fala dos campos de concentración de Franco no Losada.

Este xoves 27 de febreiro, no Salón de usos múltiples do  IES Plurilingüe Antón Losada Diéguez, impartiu unha charla o prestixioso xornalista e escritor Carlos Hernández baixo o título 'Os campos de concentración de Franco'.Foi destinada ao alumnado de 4º da ESO, 1º de Bacharelato e 2º de Bacharelato.

No ano 2019 publicou o libro libro Los campos de concentración de Franco(Ediciones B), un exhaustivo e completo estudo sobre os poucos coñecidos campos abertos polo franquismo por toda a xeografía española para encerrar e reprimir aos seus adversarios políticos.

Foi precesamente o tema abordado neste libro o que centrou a súa brillante exposición no noso centro.

A actividade foi organizada polos Departamentos de Biblioteca e Xeografía e Historia.

 

ÁBRESE O PRAZO PARA A INSCRICIÓN NAS PROBAS DE ACCESO A CICLOS FORMATIVOS

Xa está aberto o prazo para inscribirse nas probas de acceso aos ciclos medios e superiores da Formación Profesional.

Inscrición no grao superior: do 10 ao 19 de febreiro

Inscrición no grao medio: do 2 ao 13 de marzo

Pódese consultar e descargar o calendario competo no seguinte enlace. CALENDARIO PROBAS DE ACCESO A CICLOS 2020