O alumnado de 4º de ESO e do 2º curso do Ciclo Superior de Programación da produción en moldeamento de metais e polímeros, participa neste curso no Programa Lanzadeiras Lugo, que ten a finalidade de promover a innovación e o emprendemento en todas as etapas do sistema educativo co obxectivo de potenciar as competencias profesionais, sociais e persoais do alumnado a través da creación de miniempresas nos centros educativos.
A nosa miniempresa, Bolos Sarón. está destinada á elaboración e comercialización de xogos de birlos celtas. Un modelo dirixido ao público infantil e outro ao público adulto.
A finalidade é promocionar un xogo tradicional, propio do Concello de Xove, os Bolos celtas, que se se segue practicando na actualidade, con moitos aficionados/as, incluso entre as novas xeracións, e fomentar a práctica deportiva.
Para a súa elaboración utilizanse resinas, plásticos reciclados e cargas de aluminio para conseguir pesos ideais.
Os alumnos/as participantes no proxecto e a súa profesora Lucía Noelia García, asistirán como invitados ó congreso FPInnova o próximo día 8 de maio, para presentar oficialmente a miniempresa, Bolos Sarón.