Hoxe terá lugar no Salón Multiusos do Concello de Viveiro a inauguración da exposición EscribirArte na Mariña, da Microrrede A Mariña de Bibliotecas escolares.
Está composta por un total de 16 obras moi orixinais, con diferentes técnicas e un traballo colaborativo que agardamos que sexa do voso agrado. As obras que aí se presentan transpasan as paredes da sala de exposición. Grazas á linguaxe dos códigos QR, achegan o/a visitante a temáticas dispares traballadas nos proxectos dos distintos centros educativos.
A exposición estará aberta ao público no Salón Multiusos do Concello de Viveiro de 18h a 20h do 8 ao 11 de maio.
Máis información no Instagram da Biblioteca do IES Illa de Sarón e na páxina web do centro.
Esperámosvos!
| Adxunto | Tamaño |
|---|---|
| Programa Exposicion_Microrrede_EscribirARTE_2023.pdf | 870.4 KB |
