Título: Bala perdida.
Autor: Manuel Rivas .
Ilustrador: Miguelanxo Prado.
Editorial: Edicións Obradoiro.
Resumo: Bala Perdida é un vello pirata dos últimos que navegan polo Atlántico europeo e Rosa Ribeiro é unha xornalista moi nova e valente que dirixe o Celtic News, un xornal moi peculiar. Cando escribe utiliza o pseudónimo Ganso Salvaxe. Bala Perdida coñece a Ganso Salvaxe e amósalle o tesouro maldito gardado nunha grandiosa cova mariña. Aquel tesouro era parte da riqueza roubada polos nazis a prisioneiros internados nos campos de concentración.
Pero non era un tesouro como os demais, senón que procedía de fundir os dentes e as moas de ouro arrincados aos miles de prisioneiros xudeus asasinados con gas e logo queimados nos fornos do campo de concentración. Antes de terminar a guerra esta parte do botín nazi foi cargada nun submarino e levada a un lugar de África. Alí permaneceu oculta ata que o malvado Herr Doktor, único sobrevivente coñecedor do segredo, volveu para recuperar o tesouro.
Bala Perdida quere atopar aos descendentes das vítimas e devolverlles o ouro maldito. Para iso necesita que Rosa conte a historia de tesouro no seu xornal. E así o fai a moza. Ao decatarse o malvado Herr Doktor, Rosa é secuestrada e a punto está de morrer nun manicomio. Menos mal que Bala Perdida e os seus homes non están dispostos a consentilo.
Máis información:
Artigo da Galipedia sobre Manuel Rivas: http://gl.wikipedia.org/wiki/Manuel_Rivas
Entrevista a Manuel Rivas en La2: http://www.rtve.es/alacarta/videos/la-entrevista/entrevista-manuel-rivas...
Comentarios
BALA PERDIDA
Manuel Rivas é un gran escritor galego de narrativa. Bala Perdida é unha obra ficticia e cómica. É unha historia para nenos e nenas moi entretida e poderíase considerar unha das máis lidas polos rapaces en Galicia.
María Domínguez Picón
Alicia Fernández Insua
Bala Perdida
O libro de Manolo Rivas é unha historia de varios piratas aos que lle suceden diferentes aventuras. A min gustoume moito porque emprega un vocabulario que eu considero coloquial.
Penso que é unha historia moi recomendable para rapazas e rapaces da miña idade.
Manuel Sobradelo.