Skip to Content

Convocatoria Erasmus+ para prácticas FCT alumnado 2º CM

Lun, 04/12/2023 - 10:01
04/12/2023 09:49
Europe/Madrid

Neste curso 2023-24 o IES Félix Muriel como centro acreditado Erasmus+ pon en marcha o seu proxecto KA121 VET. O cal está dotado de 3 prazas para realizar mobilidades no exterior de alumnado do 2º curso do Ciclo Medio de Atención a Persoas en Situación de Dependencia.

O alumnado interesado e seleccionado poderá realizar o módulo da FCT (formación en Centros de Traballo) nunha entidade, organización, institución nun país estranxeiro.

É requisito fundamental que o alumnado seleccionado teña superados o resto dos módulos do ciclo na convocatoria ordinaria de marzo.

En adxunto poden consultarse:

- A convocatoria.

- As bases.

- O formulario de solicitude.

Consideramos importante a internalización do noso centro pero sobretodo sabemos que é unha experiencia enriquecedora para o noso alumnado.

Anímate a participar. O prazo para a presentación das candidaturas é ata o 31 de decembro.

 

GUÍA MEDIACIÓN PARENTAL PARA UN USO SEGURO E RESPONSABLE DE INTERNET POR PARTE DOS MENORES

Mar, 28/11/2023 - 14:16

Achegamos como ficheiro adxunto, esta guía elaborada polo INCIBE (Instituto Nacional de Ciberseguridade) que agardamos sexa de interese e utilidade.

Publicación do Glosario Violeta

Mar, 21/11/2023 - 11:34

Temos o enorme pracer de comunicarvos que o venres, 24 de novembro, ás 19:00 horas,  presentarase no Auditorio de Rianxo a Publicación do Glosario Violeta, no marco dos actos contra a violencia de xénero.

Lembramos que este Glosario foi realizado por alumnado de 2º de bacharelato durante o curso 2021-2022, no noso IES co apoio da docente Sofía Rama.

Dous cursos despois por fin ve a luz esta publicación que tanto esforzo e adicación supuxo para o noso alumnado.

Animamos a toda a comunidade educativa a acudir á presentación oficial organizada polo Concello de Rianxo.

  • APIs de Blogue

Cursos formación Erasmus + profesorado

Lun, 20/11/2023 - 18:36

En febreiro de 2023 o IES Félix Muriel acreditouse como Centro Erasmus+ tanto para a modalidade de escolar (SCH) como de Formación Profesional (VET).
Isto permítenos que tanto o profesorado de Educación Secundaria Obrigatoria e/ou Bacharelato como o profesorado de Formación profesional do IES poida solicitar a súa participación nun curso de formación no estranxeiro co financiamento do programa Erasmus.

O prazo de presentación das solicitudes e documentos será dende hoxe ata o 12 de decembro, ao correo ies.felix.muriel@edu.xunta.gal  indicando no asunto “Mobilidade Erasmus+”, ou a través da secretaría do IES.

Nos documentos anexos dispoñedes de toda a información.


Animádevos a participar, é unha experiencia realmente enriquecedora.

Participación nunha aprendizaxe por observación (Job Shadowing) de profesorado

Lun, 20/11/2023 - 18:27

En febreiro de 2023 o IES Félix Muriel acreditouse como Centro Erasmus+ tanto para a modalidade de escolar (SCH) como de Formación Profesional (VET).
Isto permítenos que tanto o profesorado de Educación Secundaria Obrigatoria e/ou Bacharelato como o profesorado de Formación profesional do IES poida solicitar a súa participación nunha aprendizaxe por observación (job shadowing) no estranxeiro co financiamento do programa Erasmus.

O prazo de presentación das solicitudes e documentos será dende hoxe ata o 12 de decembro, ao correo ies.felix.muriel@edu.xunta.gal  indicando no asunto “Mobilidade Erasmus+”, ou a través da secretaría do IES.

A información completa e mais os formularios de solicitude están ao voso dispor nos anexos.


Animádevos a participar, é unha experiencia realmente enriquecedora.

Programa EduMob de Francés

Lun, 20/11/2023 - 18:17

O IES Félix Muriel, como centro que promove a internalización do seu alumnado e que considera as competencias lingüísticas fundamentais na formación, ten decidido no Claustro a participación en programas de intercambio e mobilidade do alumnado.
Esta aposta de centro lévanos a animar o noso alumnado de 1º de bacharelato que cursa francés a presentar a súa candidatura para o Programa EduMob impulsado desde o Servizo de Innovación e Programas educativos da Dirección Xeral de Ordenación e Innovación Educativa.

O programa EduMob está dirixido a alumnado matriculado na materia de Segunda Lingua Estranxeira I: Francés (1º de Bacharelato) durante o curso 2023-24 e que desexe integrarse durante catro semanas nun centro escolar francés e acoller unha alumna ou alumno francés nos mesmos termos.
Consiste nun programa de intercambio individual de alumnado en réxime de reciprocidade co alumnado matriculado en centros pertencentes á Rexión Académique de Grand Est (Francia) durante o curso 2023/24.

O alumnado interesado poderá presentar a súa solicitude segundo se establece na convocatoria e as bases, enviando un email a ies.felix.muriel@edu.xunta.gal. Indicando no asunto "Programa EduMob".
Deberá presentar os seguintes anexos cubertos e asinados:
- Anexo I (solicitude).
- Anexo II (baremo).
- Anexo III (condicións de saúde)
- Anexo IV (código de conduta)
- E no corpo do email indicar en que grupos, colectivos de voluntariado participa no centro (ex: clube de lectura, voluntariado biblioteca, EDGL,...).

O prazo de presentación remata o 27 de novembro de 2023.

Constituirase unha Comisión de selección que terá en conta os criterios de selección incluídos nesta convocatoria e que poden comprobarse no documento Baremo publicado na web do IES Féliz Muriel.

Recollida de aceite usado de cociña

Xov, 16/11/2023 - 11:05

A partir de hoxe, o IES Félix Muriel conta cun contedor onde podedes depositar en recipientes (envases de plástico pechados) o voso aceite de cociña usado.

A nosa comunidade educativa quere participar no proxecto de economía social e medioambiental que leva a cabo a cooperativa Mulleres Colleiteiras, a cal recolle, almacena, valoria e recicla o aceite doméstico cun dobre obxectivo:

- Reducir a contaminación ambiental, xa que un litro de aceite reciclado equivale a 1000 litros de auga limpa no mar.

- Proporcionar emprego a un grupo de mulleres en situación de exclusión social.

 

O contedor está situado na entrada principal do centro.

Máis información sobre Mulleres Colleiteiras en https://mullerescolleiteiras.blogspot.com/

  • APIs de Blogue

Magosto no Félix Muriel

Xov, 02/11/2023 - 10:33

O vindeiro luns celebraremos o magosto e mais o concurso de cabazas. Trae a túa cabaza e participa no concurso.

  • APIs de Blogue

Xornadas por un Monte Vivo

Lun, 23/10/2023 - 11:00

ADIADAS POR RAZÓNS CLIMATOLÓXICAS ATA NOVO AVISO

O IES Félix Muriel por medio do proxecto Biocultura e territorio, integrado no curso 2023/24 por profesorado de 11 departamentos didácticos, participa nas Xornadas por un Monte Vivo que ao longo da fin de semana do 28 e 29 de outubro desenvolveranse nos terreos das Comunidades de Taragoña e Leiro, promovidas pola Plataforma pola Defensa do Monte e o Laboratorio Ecosocial do Barbanza.
As actividades a desenvolver consideramos que supoñen unha moi boa oportunidade para compartir valiosas experiencias e aprendizaxes necesarias para o noso presente, e importantes para a nosa mocidade, que nun tempo non afastado terá que xestionar con criterio os recursos comunitarios.

Animámos a participar ao conxunto da comunidade educativa do Félix Muriel!

Xúntase o programa de actividades.

En caso de chuvia, as xornadas trasladaranse á fin de semana do 4 e 5 de novembro.

Distribuir contido


by Dr. Radut