ACTIVIDADES

O 27 de marzo celebrouse o Día dos escritores e escritoras europeos. Desde o IES Félix Muriel contribuímos a esta celebración coa lectura da obra de Rafael Dieste Dos arquivos do trasno, a cal se realizou en directo e da que podes ver a gravación premendo na ligazón: 

https://www.youtube.com/live/978JVNxBkkE?app=desktop&feature=share&fbclid=IwAR2wCpkejBlJaxTFVH0RBGTsRNzEl7oqXcb3WLla7rRTcpeT8Eto-aXR23c 

Como todos os anos a comunidade educativa do IES Félix Muriel celebra o Día da Paz e o Día de Castelao, conxuntamente, xa que, se hai unha figura que se identifica coa paz en Galiza, esta non é outra ca o rianxeiro Alfonso Daniel Rodríguez Castelao.

Este ano, entre outras moitas actividades, optouse por un lectura continuada da súa obra, a cal está sendo retransmitida en directo.

A lectura comezou coa intervención do director do centro, Ramón Veiga, o alcalde de Rianxo, Adolfo Muíños, en representación do pobo de Rianxo, e continuou co alumnado, profesorado, persoal non docente, pais e nais...

Onte, o Día Mundial dos Océanos, soubemos que o IES Félix Muriel foi admitida como a primeira Escola Azul Europea de Galicia. 

Comezamos novos proxectos educativos con moita ilusión!

A curta Monte Vivo escollida como finalista dos premios Cineduca do Ateneo de Santigo.

O mércores 18 celebrarase a entrega de premios do certame Cineduca do Ateneo de Santiago. A curta Monte Vivo  foi escollida para a final xunto cos traballos presentados polo IES Rosalía de Castro de Santiago e o Colexio Escolapios de Monforte. As tres curtas proxectaranse no Teatro Principal a partir das 19h no acto de entrega de premios. Noraboa ao alumnado e profesorado participante e ao proxecto de Biocultura.