Blogues

Matrícula no CM Atención a Persoas en Situación de Dependencia

Xov, 31/08/2023 - 13:16

Do 1 ao 29 de setembro ás 13.00 horas está aberto o prazo de matrícula para cursar 1º de CM en Atención a Persoas en Situación de Dependencia para as prazas que quedaron sen cubrir. As prazas cubriránse por orde de chegada e matrícula. O requisito para cursar o ciclo é ter a titulación mínima da ESO ou unha FP Básica.

O formulario de matrícula vai adxunto a esta nova, e tamén está a disposición na Administración do IES de 8.30 a 14.00 horas. Ademáis do formulario, haberá que entregar certificación académica ou título de ter acadado o requisito académico correspondente, fotocopia do DNI, dúas fotografías e o xustificante do pago de seguro escolar se a persoa é menor de 28 anos.

blogue de
APIs de Blogue
1 adxunto

AXUDAS FCT

Xov, 31/08/2023 - 13:00

No taboleiro de novas de ciclo encóntrase exposta a listaxe provisional de persoas solicitantes de axudas para a FCT do curso 2022-2023.

blogue de mamen.teijido
APIs de Blogue

Pesar no IES

Mér, 23/08/2023 - 10:30

A comunidade educativa do IES Félix Muriel está hoxe de loito polo falecemento de Adrián Neo Romero, alumno do centro. Enviamos o noso cariño e apoio máis sentido á súa familia e amizades.

blogue de
APIs de Blogue

Solicitude cambio materia

Ven, 21/07/2023 - 12:40

A solicitude de cambio de materias deberase presentar antes do día 22 de setembro e esta deberá ser razoada e só se permitirá cando non implique un cambio da organización académica e o número de alumnos/as da materia orixinaria e ou destinataria o permita.

O/A alumno/a manterase na materia en que está matriculado/a inicialmente ata que se lle responda á solicitude a través de Abalar.

blogue de
APIs de Blogue
1 adxunto

BOLSAS DO MINISTERIO

Mér, 29/03/2023 - 18:58

Está aberto o prazo para solicitar as bolsas de estudo do Ministerio para o curso 2023-24. Para máis información tedes que clicar ou escribir o seguinte enlace: https://www.becaseducacion.gob.es

ou empregar este código Qr

NON ESQUECER ASINAR E PRESENTAR ELECTRÓNICAMENTE A SOLICITUDE

IMPRIMIR A XUSTIFICACIÓN DE PRESENTACIÓN E PRESENTAR A DOCUMENTACION QUE SE LLE REQUIRE SE ESTÁ VOSTEDE NALGUNHA DAS CIRCUNSTANCIAS QUE SE LLE INDICAN. Esta documentación ten que enviala:

a) Se ten vostede a chave 365 a través da páxina: https://sede.xunta.gal

b) Ou a través dos rexistros administrativos (CONCELLO, DEPUTACIÓN, XUNTA, DA ADMINISTRACIÓN PERIFÉRICA DO ESTADO, OU POR CORREO POSTAL).

Diríxao sempre ao seguinte enderezo:

CONSELLERÍA DE CULTURA, EDUCACIÓN, FORMACIÓN PROFESIONAL E UNIVERSIDADES

XEFATURA TERRITORIAL DA CORUÑA

R/ Vicente Ferrer, 2 - 15071 A Coruña

blogue de mamen.teijido
APIs de Blogue

Aprendendo a emprender

Mar, 25/10/2022 - 20:07

O alumnado de 2º de ciclo participou onte nunha actividade no Viveiro de Empresas do CIFP Portovello en Ourense acompañado por Xabi ferrín e Yolanda Paz, docentes do IES; completaron a xornada cunha visita á Fundación Andrea en Allariz na que traballaron sobre o emprendemento en novas terapias asistidas con animais para persoas en situación de dependencia.

Alumnado de 4º ESO en Granadilla (Cáceres)

Mar, 25/10/2022 - 19:14

Do 23 ao 29 de outubro 15 alumnos e alumnas de 4º ESO do IES Félix Muriel participan no Programa de Recuperación y Utilización Educativa de Pueblos Abandonados do Ministerio de Educación y FP. Durante esta semana convivirán en Granadilla (Cáceres) con outros tantos mozos e mozas dun instituto murciano, aprenderán oficios, participarán en diversos obradoiros e realizarán actividades lúdicas conxuntas, ademais de realizar un proxecto de centro titulado "Give me my town back" ideado polas profesoras de Tecnoloxía e Inglés que os acompañan (Pilar Pérez e Rosa Súarez).

Celebrando Erasmus Days coas nosas alumnas tituladas

Xov, 13/10/2022 - 22:22

Hoxe, co gallo dos ErasmusDays visitáronnos de forma telemática as nosas antigas alumnas Antía Viturro e Bianca Fernandes, que falaron ás alumnas de 1º de TAPSD da súa experiencia Erasmus+.

E adiviñade o que... as dúas recomendan a experiencia.

E ti? apúntaste?

Antía e Bianca falando da experiencia ErasmusPlus ao alumnado de 1º TAPSD