Actividades

Erasmus days e máis

Erasmus +

O luns 9 de outubro comezou cunha charla na biblioteca do centro para o alumnado dos ciclos de Atención a persoas en situación de dependencia e de Electromecánica de vehículos automóbiles sobre as posibilidades de realizar este curso o periodo de prácticas

O alumnado participante o curso pasado, relatou as súas experiencias tanto a nivel profesional e de formación como a nivel relacional e de ocio, a cal delas máis produtiva.

O mércores 11 continuouse co relato sobre as experiencias ERASMUS+, neste caso para profesorado e para o alumnado dos primeiros cursos dos ciclos de Formación Profesional.

Así mesmo, inaugurouse un espazo ERASMUS+ na biblioteca, que nace coa idea de que o noso alumnado poda atopar recursos de interese para as súas viaxes e experiencias: guías de viaxe, dicionarios, guías de conversa, e recursos dos países onde vaian realizar as súas viaxes.

Talleres micófilos con 1º e 3º ESO

O pasado xoves cinco de outubro recibimos a visita dunha formadora da asociación Amabul para introducirnos no sorprendente mundo dos fungos.

Exposición

A actividade realízase ao redor dunha exposición na que se realiza un percorrido sobre a Wood Wide Web, a rede dos micelios fúnxicos que dan soporte á vida nos bosques. Sabiades que os bosques están artellados a través dunha inmensa rede formada polo micelio dos fungos? E que a seta é a estrutura que usan os fungos para reproducirse? Revisa os paneis premendo no enlace e aprende algo máis sobre este reino esquecido. (Unidade didáctica)