Durante o pasado mes de febreiro e marzo e, dentro da materia de Proxecto Competencial, profesionais do ámbito sanitario acudiron ó noso Instituto para mostrar ó noso alumnado algunhas técnicas sobre cómo facer un anuncio contrapublicitario relacionado coas bebidas enerxéticas e o alcohol; en qué cousas deberíamos fixarnos, qué cousas debemos destacar, etc.
O fin é que cada aula participante elabore un traballo en equipo no que terán que entregar unha campaña de contrapublicidade do consumo de bebidas alcohólicas ou enerxéticas en soporte audiovisual ou en cartel ou slogan publicitario.
Este Obradoiro ven precedido por outro que tivo lugar no mes de novembro e que consistiu nunhas charlas de sensibilización sobre adicións ao alcohol e bebidas enerxéticas.
O Proxecta + "Apuntámonos a non beber" é un programa da Consellería sobre a prevención do consumo do alcohol e das bebidas enerxéticas e busca, con isto, promover no alumnado a necesidade de ter hábitos máis saudables.
