Estimadas familias:
No DOG do 7 de maio, publícase a orde que regula a participación no fondo solidario de libros de texto e axudas para material escolar, para 1º, 2º, 3º e 4º da ESO, curso 2024/25.
Presentación das solicitudes:
- A través da sede electrónica da Xunta de Galicia, https;//sede.xunta.gal/.
- Nos centros docentes ou en calquera rexistro establecido na normativa reguladora do procedemento administrativo común. Neste caso poderán descargar a documentación e información sobre o procedemento na propia aplicación de fondo libros, na páxina web do centro ou recollela en papel na secretaría. (Anexos I e II, ambos editables en liña)
Prazo ata o 21 de xuño.
Recorden que o fondo solidario estará formado polos libros comprados con vale e tamén polos que, de xeito desinteresado, vostedes queiran aportar. Para iso é necesario que comproben o bo estado do material e o entreguen no centro, nas datas que lle informarán proximamente.