IES Castelao

 O día 15 de xaneiro o alumnado de 1º de bacharelato asistiu á representación da obra “A louca historia de Galicia” na sala Ártika de Vigo, acompañados por  Helena, Lorena, Begoña, Elena e Gloria, profesoras do centro.  

Esta divertida comedia fai un percorrido polas orixes, costumes e tradicións da nosa terra, dende os celtas ata a  actualidade. Os alumnos, ademais de pasalo moi ben, aprenderon algo máis sobre a nosa historia.

A peza foi representada pola compañía Fulano, Mengano e Citano.

     O xoves 15 de novembro os alumnos de terceiro e cuarto tiveron a oportunidade de disfrutar de novo da actividade de Contacontos en inglés e galego, da man das narradoras Patricia McGill e Charo Pita. Escoitamos contos con elementos tradicionais coma bruxas, cabaleiros, princesas e o rei Arturo, amenizados por estas profesionais do relato. Foi unha experiencia moi interesante! Aquí vos deixamos un fragmento da actuación:

     Un grupo de alumnos de cuarto fixeron varias reseñas desta actividade, aquí volas deixamos:

• Adrián Oliveira Fernández. 4º ESO B
• Adriana López Muíño. 4º ESO A
• Alex Álvarez Studnicka. 4º ESO B
• Ana Sofía Prieto Amador. 4º ESO A
• David Castañeda Vallejo. 4º ESO A
• Eva Vila Vaz. 4º ESO A
• Paula Vázquez Freijedo. 4º ESO B
• Víctor Angulo Cruz. 4ºESO A

O pasado 31 e maio, para completar a homenaxe do centro a Mª Victoria Moreno, tivemos unha sesión de lectura de  dous textos seus dramatizados. Participaron nesta actividade, en primeiro lugar, un grupo de alumnos de 4º da ESO do IES Torrente Ballester, centro onde impartiu clases a autora,  coa peza Un can chamado Morito; e, en segundo lugar, por parte do noso centro o alumnado de 2º PMAR leu a peza teatralizada Unha festa no faiado.

Pica na imaxe superior para ver algunhas fotos do acto. Podes ver tamén o seguinte vídeo da lectura:

     O xoves 24 de maio, o alumnado de 4º da ESO fixemos un roteiro literario pola vila de Cans guiados polo escritor Carlos Meixide, autor da novela homónima. Deste xeito, coñecemos os diferentes lugares que percorren os personaxes. A seguir, asistimos a unha palestra sobre subtitulaxe e linguas minorizadas no ghalpón de Alicia. Todo moi interesante.

Álbum: Curso 2017/2018 -> Roteiro pola vila de Cans

O gañador do 1º premio na modalidade de narrativa foi Samuel Fernández Torre de 4º ESO C.

Álbum: Curso 2017/2018 -> Premio Letras Galegas 2018

O pasado 21 de maio os alumnos de 2º da ESO do IES Castelao e do IES Carlos Casares fomos de excursión ao poboado mineiro de Fontao, onde se desenvolve a historia do  libro Nº atómico 74. Acompañáronnos as nosas profesoras  e a autora da obra, Raquel Castro.

Alí ensináronnos a historia das minas de wolframio do poboado, para que se utilizaba, tanto nos séculos pasados como na actualidade, así como os distintos propietarios que tiveron ao longo do tempo: alemáns, franceses…  A autora explicounos en que se baseou para escribir o libro e aclarounos as dúbidas.

Tras visitar o poboado, fomos xantar a un parque a Vila de Cruces, onde nos divertimos moito ata a hora de marchar.

                                                                                      Lucía Pereira 2º ESO C

Álbum: Curso 2017/2018 -> Excursión a Fontao

Entre as diversas actividades programadas no noso centro para celebrar o Día das Letras Galegas, o  alumnado  de 1º e 2º da ESO, dirixidos polas súas profesoras Esther, Isabel e Lorena, adicoulle unha pequena homenaxe a Mª Victoria Moreno  con lecturas, bailes e vídeo-poemas elaborados por eles mesmos. A actuación tivo lugar o 16 de maio no salón de actos.

Pica na imaxe para ver as fotos do acto.

Álbum: Curso 2017/2018 -> Homenaxe a María Victoria Moreno

“Unha historia de amor”. Con este título o profesor Serafín Marcos presentounos un  espectáculo no que afondou  na figura de Mª Victoria Moreno. Serafín Marcos foi contando ao noso alumnado de 1º de bacharelato e 3º e 4º da ESO, a través de divertidas escenas, aspectos da vida e obra da autora homenaxeada este ano no Día das Letras Galegas. A actuación desenvolveuse  no salón  de actos do centro o 16 de maio.

Preme na imaxe para ver o ben que o pasaron no espectáculo.

Álbum: Curso 2017/2018 -> Serafín Marcos. Unha historia de amor

Este ano o Día das Letras Galegas adícaselle a María Victoria Moreno. Estremeña de nacemento pero  pontevedresa de adopción, chegou a Galicia en 1963, con só 22 anos, e axiña asumiu a cidadanía en galego, a lingua que escolleu tanto para as súas obras narrativas infantís e xuvenís como para os seus estudos literarios, o ensaio, a poesía e a didáctica da lingua e da literatura galegas. Isto permítenos definila como "galega de elección".

No vestíbulo do centro fixemos unha pequena exposición coa súa obra. Pica na imaxe para vela.

Álbum: Curso 2017/2018 -> Letras Galegas 2018 María Victoria Moreno

          O  día 16 de maio o alumnado de 4º da ESO fomos ao Correlingua, unha andaina dende o Concello até Castrelos. Xunto ao noso instituto tamén foron outros centros de Vigo. Cando estabamos todos reunidos, comezamos a camiñar e ao chegarmos ao parque escoitamos uns grupos de música moi bos e un manifesto a prol do galego. Despois desta experiencia o alumnado de cada instituto e CPI voltou a cadanseu centro.

Raquel Fernández Arias, 4ºESO B