O IES Breamo, en colaboración co Centro de Innovación Tecnolóxica en Edificación e Enxeñaría Civil, presenta o deseño e construción dunha mesa de sacudidas nas xornadas de exhibición dos proxectos de Polos Creativos.

O coordinador do Polo Creativo no centro, Daniel Cabal de Celis, explicou  os detalles da construción e dos condicionantes a ter en conta para levar este proxecto.

O soño de Raúl, traballo realizado polo alumnado de 4º ESO na clase de música, foi finalista na categoría de imaxe.

O pazo Torre de Goians de Boiro acolleu o pasado venres a gala de entrega dos premios do festival audiovisual escolar Olloboi 2023. O concurso, dirixido a alumnos e profesores de centros educativos desde infantil ata a educación superior, recibiu un total de 111 curtametraxes  procedentes de 55 centros educativos.

O premio, acadado pola curta Na biblioteca hai (moita) vida, consiste nun lote de libros de Aira Editorial, una charla no centro por parte dun cineasta, trofeo Olloboi e camiseta. 

O IES Breamo participaba con 2 traballos: 

O soño de Raúl, pequena curta creada polo alumnado de 4º ESO do IES Breamo na clase de música (curso 2021-22), reflexionando sobre a consecución dos obxectivos e a vida saudable, tocando igualmente aspectos como o impacto da pandemia sobre os máis xóvenes e tamén sobre os maiores. Foi feita marco do proxecto Innova de hábitos saudables.

Na biblioteca hai (moita) vida, unha ficción fantasmagórica baseada en feitos librescos realizada polos compoñentes do Equipo de Biblioteca e o Club de Lectura do centro. Poida que moitos de vós pensedes na biblioteca como un lugar aburrido repleto de obxectos inertes moi ben colocadiños nos seus andeis… Eu tamén pensaba así ata que un día quedei durmida e esquecida nun curruncho da biblioteca.

O quipo directivo quere felicitar publicamente a todo o profesorado e alumnado implicado na realización destas dúas curtas.

Profesores, persoal de administración de servizos (PAS), familiares, amigos y por suposto o propio alumnado de 2º de BAC, gozamos dun evento que tivo por ingredientes: discursos, actuacións musicais, improvisacións teatrais, proxección de vídeo e a imposición de becas.

No acto fíxose memoria do acontecido nestes anos durante a estancia do alumnado noso IES, para facer un recoñecemento ao seu esforzo tanto persoal como colectivo. 

Agradecendo tamén, por suposto, a labor do profesorado, do PAS, e das súas familias polo seu seguimento e respaldo nestes anos de estudo.

O final do discurso do director animaba ao alumnado a continuar camiño, a seguir formándose para exercer como protagonistas nun mundo incrible, onde as profesión se reinventan constantemente.

Parabéns para o noso alumnado!!!

O equipo Athenea, que representou a Galicia o día 18 e 19 de maio na la fase nacional del desafío CANSAT de da  Axencia Espacial Europea, regresa de Granada con sabor agridoce.

Despois dunha brillante posta en escena técnica tras o lanzamento, rexistro de datos e exposición do proxecto, os representantes do IES Breamo esperaban con impaciencia que se pronunciase a xurado. Non poido ser, e o equipo madrileño representará a España na fase internacional.  

Parabéns para os dous equipos do IES Breamo e o seu mentor, Daniel Cabal (profesor de tecnoloxía), participantes na edición CANSAT 2023.

Equipo  Athenea (Noel Amado, Daniel García, Mateo Lourido e Miguel Anxo): premio á misión científica máis destacada na fase autonómica.

Equipo Noxus (David Freijomil, Pablo Zárate, Teo Álvarez, David Varela e Brais Fraga): premio ao mellor logro técnico na fase autonómica.

En conmemoración ao Día das Letras Galegas, desde o IES Breamo levamos a cabo diferentes actividades que serviron para promover e concienciar ao noso alumnado sobre o uso da nosa lingua: os rapaces e rapazas de 1ºESO decoraron a entrada do centro con moitos debuxos e frases en prol do uso do galego. Pola súa banda, o alumnado de 4ºESO púxose mans á obra cun podcast, facendo uso da radio do centro. Por último… as curtas e os vídeos estiveron á orde do día con alumnado de diferentes cursos.

A relatora para esta cuarta xornada é Mª Victoria Fernández Mosquera, especialista en trastornos da conducta e membro do grupo da Consellería de Educación responsable da elaboración do plan de benestar emocional e do protocolo de prevención de risco suicida infanto - xuvenil.

Baixo o título “O coidado da dignidade humana como resposta ao acoso escolar”, abordará os seguintes temas: 

.- A  función da familia na adolescencia, hoxe.

- Concepto de acoso e elementos actuais de análise no acoso escolar.

- O papel das familias e do profesorado

- Respostas e retos colectivos fronte ao acoso escolar. 

PDF CO BOLETÍN INFORMATIVO

ANPA Aperta e equipo directivo do IES Breamo.

A raiña sen trono é o título que Arjé Teatro deu á adaptación da traxedia de Shakespeare O rei Lear estreada en 1606.

Excelente representación a do pasado venres.

Deixámosvos aquí o "trailer" da obra.

A pasada semana estivo chea de actividades para o noso alumnado: os de 2BAC, xa enfocados nas ABAU, recibiron a charla dun especialista que lles explicou cómo funcionaba o proceso. Pola súa banda, os de 1BAC coñeceron de primeira man a oferta educativa das universidades galegas. 

Na ESO, destacamos o curso de onte OPS (O Portugués Simple) para 4ESO, que aproveita o que o noso alumnado xa sabe de galego para aprender portugués! Hoxe, en cambio, a Intelixencia Artificial tivo o seu papel: aprendimos dende cómo funciona a IA nun coche e como nos axuda na conducción, ata as utilidades do CHAT GPT no ámbito escolar. 

Por último… Para conmemorar o día da Visibilidade Lésbica, tivemos con nós, de novo, a EuroEume, que chegou ao noso alumnado dunha maneira divertida, pero traballando ao mesmo tempo elementos importantes sobre o colectivo LGTBI.

Desde o departamento de Música quixemos participar no MUSIQUEANDO 2023. O pasado venres o alumnado de bacharelato ofreceulle ós pequerrechos da Escola Infantil do Chalé Rosa unha pequena actuación. Que cariñas puxeron!, os máis atrevidos bailaron con nós. 

O EQUIPO ATHENEA REPRESENTARÁ A GALICIA NA FASE NACIONAL QUE SE CELEBRARÁ EN GRANADA O 19 DE MAIO.

O pasado 27 de abrill celebrouse o acto de exposición de proxectos e a entrega de premios no auditorio Xosé Neira Vilas da Cidade da Cultura. 

Os equipos que culminaran con éxito, o lanzamento o pasado día 24 no aeródromo de Rozas defenderon os seus proxectos ante un tribunal de expertos.

O equipo Noxus composto por David Freijomil, Pablo Zárate, Teo Álvarez, David Varela e Brais Fraga, que tiña como obxectivo o deseño dunha aboia mariña que permita monitorizar a salinidade e as ondadas dos océanos e equipada cun localizador GPS para situar xeograficamente as medidas obtidas, conseguiu o premio ao mellor logro técnico.

Noel Amado, Daniel García, Mateo Lourido e Miguel Anxo (do equipo Athenea) que tiñan o compromiso de defender o reto de afrontar o desabastecemento de medicamentos tras un desastre natural, obtivo o premio á misión científica máis destacada.

O centro educativo IES Breamo quere felicitar publicamente ao alumnado implicado e ao seu profesor mentor, Daniel Cabal (profesor de tecnoloxía)  polo seu compromiso e o traballo tan frutuoso realizado no presente curso.