Desde o departamento de Música quixemos participar no MUSIQUEANDO 2023. O pasado venres o alumnado de bacharelato ofreceulle ós pequerrechos da Escola Infantil do Chalé Rosa unha pequena actuación. Que cariñas puxeron!, os máis atrevidos bailaron con nós. 

O EQUIPO ATHENEA REPRESENTARÁ A GALICIA NA FASE NACIONAL QUE SE CELEBRARÁ EN GRANADA O 19 DE MAIO.

O pasado 27 de abrill celebrouse o acto de exposición de proxectos e a entrega de premios no auditorio Xosé Neira Vilas da Cidade da Cultura. 

Os equipos que culminaran con éxito, o lanzamento o pasado día 24 no aeródromo de Rozas defenderon os seus proxectos ante un tribunal de expertos.

O equipo Noxus composto por David Freijomil, Pablo Zárate, Teo Álvarez, David Varela e Brais Fraga, que tiña como obxectivo o deseño dunha aboia mariña que permita monitorizar a salinidade e as ondadas dos océanos e equipada cun localizador GPS para situar xeograficamente as medidas obtidas, conseguiu o premio ao mellor logro técnico.

Noel Amado, Daniel García, Mateo Lourido e Miguel Anxo (do equipo Athenea) que tiñan o compromiso de defender o reto de afrontar o desabastecemento de medicamentos tras un desastre natural, obtivo o premio á misión científica máis destacada.

O centro educativo IES Breamo quere felicitar publicamente ao alumnado implicado e ao seu profesor mentor, Daniel Cabal (profesor de tecnoloxía)  polo seu compromiso e o traballo tan frutuoso realizado no presente curso.

O Equipo de Dinamización da Lingua galega do IES Breamo convoca de novo o Concurso de Microrrelatos do IES Breamo, que chega este curso á súa undécima edición, dirixido á comunidade educativa do IES Breamo.

Preme aquí para ver as bases do concurso.

No IES Breamo a partir de hoxe... exposición do libro e a escritura, coa colaboración do IES Fernando Esquío de Neda. Durante estas semanas os alumnos da ESO e 1ºBAC visitarán a exposición e farán un breve cuestionario. Levarán tamén un marcapáxinas de agasallo! Se tedes algunha suxerencia para a nosa biblioteca, podedes escribila en comentarios.

O alumnado de 1º de ESO participa no programa “Fai click ao tu bocata”, enmarcado dentro da campaña “Galicia sabe a Mar” da Xunta. O obxectivo é transmitir a importancia dos produtos en conserva, do pescado e marisco na dieta, en relación ás súas propiedades nutritivas.

Así, un total de 69 alumnos do noso centro participaron o pasado mércores nun dinámico obradoiro  no que degustaron bocadillos elaborados a base de conservas de pescado e mariscos. 

Carolina Panadeiro e Laura Picos fotografadas no instituto tras o seu paso por Canta Ferrol. As alumnas do IES Breamo que pasaron a criba para ser semifinalistas (33 de 160 inscritos) someteron as súas actuacións na primeira gala ás votacións a través de YouTube. 

Para a gala final, na que tamén se tivo en conta os votos do xurado, houbo 15 elixidas. Carolina foi unha delas.

Parabéns para Laura e Carolina!

O Concello de Cabanas desenvolve no IES Breamo para o alumnado de 2º ESO un obradoiro de cocina sostible e saudable.

A iniciativa, organizada polo Fondo Galego de Cooperación e Solidariedade e promovida por People & Planet aposta polo aproveitamento dos alimentos e primando o emprego dunha ampla variedade de produtos repercutindo positivamente tanto na saúde como na pegada medioambiental.

O alumnado gozou cociñando e coa degustación dos pratos: salpicón de peixe e fabas con ovo encurtido, ñoquis de grelo en salsa carbonara e musse de requeixo con toffe e confitura de arándanos.

20 alumnos e alumnas de 1ºBAC, 4ºESO e 3ºESO participaron nun échange scolaire (intercambio escolar) co lycée Notre Dame du Mur e o collège Saint-Joseph de Morlaix. Dito intercambio tiña a súa base nun proxecto non só lingüístico, senón tamén medioambiental, baixo o lema “protejamos nuestra tierra”. É por iso que, entre as actividades organizadas en Morlaix e vilas cercanas, como Roscoff e Saint-Pol-de-León, destacan a visita a unha empresa ostrícola, mercados e invernadoiros ecolóxicos que promoven o mercado local e de proximidade.

Hoxe o alumnado de 2º de ESO desprazouse a Casa da Cultura de Pontedeume para participar nun videoforum sobre a igualdade e o deporte. 

Baixo o título “Elas sempre levan o 8”,  Joshua Dopico López (Concelleiro de deportes), Óscar Losada Castro (director de las revistas deportivas “O Dez” e “Zona Press”) e Carlos Castro Pinhão (director da revista de fútbol feminino) analizaron, xunto ao alumnado do noso IES, a discriminación e a desigualdade que sufriron e seguen padecendo as mulleres no mundo do deporte.

Coa escaseza cada vez maior de reservas de combustibles fósiles, estanse a formular unha serie de alternativas para satisfacer a cada vez máis importante demanda de enerxía por parte do ser humano. Unha das posibilidades é a utilización de enerxía nuclear, unha enerxía que non ten moi boa aceptación por parte da opinión pública. Nesta charla divulgativa expuxéronse as principais vantaxes e problemas da utilización deste tipo de enerxía co fin de que o alumnado teña unha idea global e poida opinar por si mesmo se é ou non unha aposta segura.