NOVAS

CONVOCATORIA DE BECAS PARA ENSINANZAS POSTOBRIGATORIAS (UNIVERSIDADE, BACHARELATO, FORMACIÓN PROFESIONAL, ENSINANZAS ARTÍSTICAS, ENSINAZAS DEPORTIVAS, ENSINANZAS DE IDIOMAS…) PARA O CURSO 2024-2025

 

PRAZO DE SOLICITUDE: DO 19 DE MARZO AO 10 DE MAIO DE 2023

 

A  solicitude  deberá cumprimentarse mediante o formulario accesible por vía telemática a través da sede electrónica do Ministerio de Educación  no enderezo.  https://sede.educacion.gob.es 

RESUMO INFORMATIVO

MÁIS INFORMACIÓN

 

ADMISIÓN DO ALUMNADO PARA O CURSO 2024-25

PDF con toda a información relacionada

Alumnado de novo ingreso procedente de centros non adscritos (Prazo: do 1 ao 20 de marzo).

Presentación de solicitude de admisión única:

 

RESERVA DE PRAZA

Todo o alumnado que fixo a reserva no centro para o curso 2024-2025 está admitido.

A listaxe de alumnado admitido está publicada no taboleiro de secretaria.

AMANTIS

A compañía de teatro Rebordelos ofreceu esta mañá no noso centro a peza teatral AMANTIS, protagonizada polo actor Roque Ruíz. Conta a historia dun rapaz de barrio obreiro que quere ser “influencer”, amado, aceptado e que nese camiño topa coas trampas dun universo intanxible no que non todo é o que parece e no que descubrirá que el mesmo non é quen pensaba ser. 
A peza explora a brecha xeracional entre nativas/os e non nativos/as dixitais, tentando comprender como inflúen as redes sociais, o selfie e o sexting na formación da identidade propia e nas relacións interpersoais. Fai un retrato das novas linguaxes coas que se relacionan os adolescentes e de como estas inflúen dun xeito determinante.

VISITA DO "CLUB FERROL ABECONSA BASKETMI"

Desde o centro apostamos polo deporte inclusivo na escola.

É por iso que agradecemos a visita do "Club Ferrol Abeconsa Basketmi" para explicarlle ao alumnado de 4º de ESO e 1º de bacharelato a práctica do baloncesto en cadeira de rodas.

En próximas datas volverán para facer unha sesión práctica.

 

ARRANCA A ESCOLA DE NAIS E PAIS

O IES Breamo e a ANPA APERTA en colaboración co CFR de Ferrol puxo a andar a Escola de Nais e Pais co obxectivo de falar de todos aqueles temas que preocupan ás familias e dos que queiran informarse.
O pasado xoves 24 de novembro celebrouse a primeira xuntanza que, impartida por 

ASEIA (Asociación para a Saúde Emocional na Infancia e na Adolescencia), versou sobre o uso e control das redes sociais: adultos e adolescentes nas TRIC (tecnoloxías de relación, información e comunicación).

A charla, que discorreu nun ambiente distendido, con alta participación das familias, foi todo un éxito. 

Á palestra saíron numerosas anécdotas interxeracionais das familias sobre tempos pasados na relación cos pais e nais nun mundo “off line” e as dificultades  para o acompañamento ós fillos e fillas  nas RRSS.

As familias, sumamente satisfeitas polo debate enriquecedor con Cristina Martínez Bernárdez (psicóloga e psicoterapeuta da asociación ASEIA), pensan xa na segunda xuntan do próximo mes de xaneiro que levará por título: adolescencia e saúde emocional: entre a comunicación e os límites.

25N

No IES Breamo cremos que educar na convivencia, na igualdade, no control emocional e na inclusión é fundamental para ofertar unha formación integral da persoa. 

Con motivo da conmemoración do día internacional da violencia de xénero sensibilizámonos especialmente contra a violencia ás mulleres a través de diversas actividades: concurso de ilustracións, espazo de información e sensibilización (Punto Violeta Arcoíris  - EuroEume), lectura do manifesto (en colaboración co concello de Pontedeume)...

Chapas premiadas:

Andrea Doval (4ºESO A)

Matías Rodríguez (1º ESO B)

 

 

CURSO SOBRE A RADIO ESCOLAR NO IES BREAMO

Hoxe visitou o centro Isidoro Valerio, periodista e presentador do programa Voces de Ferrol, en Radio Voz, para impartir un curso de Radio Escolar. O curso forma parte do traballo do itinerario de Polos Creativos, dentro do Plan de Formación do Profesorado no Centro (CFR Ferrol).

POSTA EN FUNCIONAMENTO DA ESCOLA DE NAIS E PAIS DO IES BREAMO

O IES Breamo conxuntamente coa ANPA APERTA poñemos en marcha a Escola de Nais e Pais.

De que imos falar? De todos aqueles temas que vos preocupan e dos que queirades

Informarvos.
Pois como ben di un proverbio africano, "para educar ben a un individuo precisamos unha tribu, e para educar ben, cómpre unha boa tribu".  Como familias, somos un dos piares desa gran tribu, e través desta escola, coñeceremos moitos temas do noso interese que nos poden facilitar esta tarefa.
Sen máis preámbulos, comunicamos que o 
xoves 24 de novembro ás 18:00 h terá lugar a primeira xuntanza.

Esta primeira xornada estará impartida por ASEIA (Asociación para a Saúde Emocional na Infancia e na Adolescencia) e leva por título O USO E CONTROL DAS REDES SOCIAIS: ADULTOS E ADOLESCENTES NAS TRICS (TECNOLOXÍAS DE RELACIÓN, INFORMACIÓN E COMUNICACIÓN).

 

BOLETÍN INFORMATIVO

CONFIRMACIÓN DE ASISTENCIA POR FORMULARIO

 

ESTAMOS DE VOLTA

Comeza a campaña de captación de socios e socias da ANPA APERTA do IES BREAMO.

Co desexo de integrar nesta comunidade a todas as persoas interesadas na educación dos seus fillos e fillas, facemos unha chamada para ter máis forza de representación.

Desde a ANPA traballamos voluntariamente, sen ningún tipo de compensación económica e animámosvos a ser socios e socias e colaborar activamente na asociación.

Podedes formalizar a vosa inscrición no seguinte formulario.

PARA FORMALIZAR A ENTREGA DO FORMULARIO É IMPRESCINDIBLE ADXUNTAR O XUSTIFICANTE DE INGRESO BANCARIO DE 12,00 € NA CONTA DA ANPA APERTA (IBAN: ES48 2080 0201 9730 4002 7454).

LIGAZÓN AO FORMULARIO 

CONCURSO DE ILUSTRACIÓNS 25N

Desde o IES Breamo queremos impulsar a participación do alumnado no concurso contra a Violencia de Xénero 25N. Para participar, o alumnado que o desexe poderá facer o deseño dun debuxo relacionado con esta temática RESPECTANDO EN TODO MOMENTO O DIÁMETRO DA CIRCUNFERENCIA (58mm), xa que as ilustracións gañadoras serán utilizadas para facer chapas, que se repartirán no centro durante ese día conmemorativo. 
Para iso, deixamos a plantilla subida á web, pero recomendamos que a collades impresa en Vicedirección (por se ao imprimila desde as vosas casas houbera cambios na escala: deberedes fixarvos que o diámetro sexa exactamente 58 mm). Adxuntamos tamén o cartel coas bases que tedes que seguir.
Unha vez teñades o debuxo na plantilla, teredes que entregala en Vicedirección antes do luns 14 de novembro ás 14:10.

PLANTILLA

Animádevos! E moita sorte a todos/as!

PROGRAMA AXENTE TITOR

Esta mañá acompañáronnos, nas aulas de 1º da ESO, axentes da policía local de Pontedeume e de Fene para sensibilizar sobre un tema tan importante e tan actual como é o acoso escolar e a prevención do mesmo.

Deron a coñecer as sinais de alarma para detectalo, os perigos deste tipo de comportamentos e a forma en que todos e todas podemos axudar a atallalos.
Dámoslle ás grazas ós tres axentes participantes, así como ao alcalde de Pontedeume e á concelleira de educación por acompañarnos nestas sesións.

 

É HORA DE LER (SAMAÍN 2022) - 28/10/2022

O IES Breamo celebrou o SAMAÍN baixo o lema É HORA DE LER. Despois da benvida terrorífica polo GARDIÁN DO IES, con berros e algunha risa incluída, a SANTA COMPAÑA encargouse de vixiar as lecturas de terror para que ninguén se atrevese a dicir que non á antoloxía de textos de terror feita polo equipo da biblioteca, o club de lectura e os departamentos de linguas.

Theme by Danetsoft and Danang Probo Sayekti inspired by Maksimer