Novas relevantes

REPORTAXE NO FARO DE VIGO
O Faro de Vigo publica unha reportaxe sobre o noso instituto ao ser un referente na provincia para alumnado con sordeira. A intérprete de signos, Irene Fontán, acompaña nas materias a ese alumnado para a súa mellor inclusión na aula e o maior entendemento das explicacións.
 
FdV_1 
 
 

LISTAXE DE LIBROS DE TEXTO
 
Xa están penduradas no apartado Libros de texto da web, as listaxes dos diferentes cursos.
 
 
OUTRA INFORMACIÓN RELEVANTE:
 

- A tarxeta PassVigo Estudante a poden solicitar todos os estudantes de calquera centro de ensinanza de Infantil, Secundaria, F.P. ou Bacharelato de Vigo, tendo una tarifa bonificada polo Concello de Vigo e o Ministerio de Transportes, Mobilidade e Axenda Urbana de 0,60 €/viaxe. Máis información en: https://passvigo.vigo.org/

 
 
 

 

CUALIFICACIÓNS ABAU ORDINARIA

 

 

Segundo informa La Voz de Galicia, o noso centro ten a 5ª mellor media de ABAU de Galicia e a 2ª mellor media de Vigo! Deixámosvos aquí o enlace á noticia.

 

 

Ademais, as catro matrículas de honra desta promoción de 2º de bacharelato foron convocadas ao Acto de Recoñecemento aos mellores expedientes organizado pola USC. Parabéns rapazas!

 

Finalmente, dende o centro queremos extender a felicitación a todo o alumnado de 2º de bacharelato que se presentou á convocatoria ordinaria de ABAU polas súas cualificacións, xa que o 100% do alumnado de matrícula ordinaria superou a proba.

 

 

 

 

 

 

 

 


 

AXUDAS PARA ALUMNADO CON NECESIDADES ESPECÍFICAS DE APOIO EDUCATIVO 2022/2023

O Ministerio de Educación e Formación Profesional publicou a convocatoria destas axudas para o curso 2022 - 2023  o 18 de maio de 2022.

O prazo de presentación abrangue dende o 19 de maio ata o 30 de setembro de 2022.

 Mais información nesta ligazón: https://www.becaseducacion.gob.es/becas-y-ayudas/ayudas-apoyo-educativo/tipos-de-becas.html

 


 

INFORMACIÓN DO CONCELLO DE VIGO SOBRE SEGURIDADE NO TRANSPORTE ESCOLAR

 


  Publicamos os novos criterios de promoción, titulación e concesión de matrículas:

[Enlace á páxina correspondente]

 


 

 

Erasmus+ K210 “Sustainable and safe education“

O noso centro está inmerso nun proxecto Erasmus+ k210 xunto con outros 3 centros educativos de Hungría, Turquía e Alemaña.

Do 18 ao 26 de xuño tres profesores do Álvaro Cunqueiro tivemos a oportunidade de iniciar este proxecto viaxando a Budapest. Ademais de ter a oportunidade dunha inmersión na cultura e educación Húngara, elaboráronse os calendarios das visitas do profesorado a cada país ( ao noso centro virán en Abril do 2023), fixéronse xornadas de coñecemento dos distintos centros educativos e  visitamos o colexio organizador e ás súas instalacións. Tamén convivimos cos outros profesores e intercambiamos experiencias e materiais pedagóxicos. Comprobamos como a cultura española e tamén a galega teñen un lugar no seu sistema educativo xa que na actualidade están interesados pola nosa cultura e teñen profesores de español en todos os centros, tamén que as ratios educativas non exceden os 15 alumnos por clase. Cada profesor aproveitamos a viaxe e a estancia para afondar naqueles aspectos que podían repercutir na nosa disciplina: museos, concertos, natureza, historia, arte,...todo serviu para incorporar coñecementos de Hungría, algúns sorprendentes e dramáticos.

Agardamos que este proxecto chegue xa ao alumnado, profesorado e ás  familias para seguir afondando na internacionalización do noso instituto  e na mellora das competencias e da calidade educativa que sen dúbida repercutirá, en todos, progresivamente. O profesorado comprometido co proxecto Erasmus+, coa coordinación imprescindible da profesora Asunción González, estamos ilusionados de que así sexa e seguiremos traballando por conseguilo.

Teresa Comesaña (Inglés) ; Montserrat Estévez ( Educación Física);  Xaime Estévez ( Música)

Resumo da estancia

 

 

Probas de nivel B1, B2 y C1 da Universidade de Cambridge

PARABÉN a todo o noso alumno que superou con éxito as probas de nivel B1, B2 e C1 da Universidade de Cambridge! O pasado 28 de xuño tiveron a oportunidade de recibir o seu diploma acreditativo de mans dunha representante do programa Kerstin Heubuch. Well done!!
 

BOAS NOVAS DO DEPARTAMENTO DE FRANCÉS

 

Os alumnos de francés poderán optar ás bolsas de Vigo en francés a partir do curso 23-24.

 

Dende o departamento de Francés queremos transmitirvos que o día 21 de xuño fíxose pública a nova oportunidade que terá o alumnado de francés para optar ás bolsas que destinará o Concello de Vigo aos estudantes desta lingua para pasar 3 semanas no país galo do mesmo xeito que ven facendo, desde hai anos co inglés. Isto é posible grazas á iniciativa dunha profesora de francés deste centro que llo propuxo ao Alcalde e por suposto contou en todo momento co apoio do resto dos compañeiros de francés.