Skip to Content

Residencia de Maiores Fundación San Rosendo

Esta mañá o alumnado de 2° da ESO A achegouse á Residencia de Maiores Fundación San Rosendo, en Coia, para compartir as cartas que realizaron na materia de Lingua Galega. Levabamos tamén doces e todo o noso cariño, pero saímos máis que compensados polo agarimo e a alegría recibida! Volveremos, como nos pediron!

 

ResidenciaMaiores_2022

O club de Ciencia na Bouza

No Club de Ciencia o alumnado de 3º e 4º ESO está a desenvolver, xunto a alumnado do IES Alexandre Bóveda, un proxecto de catalogación das especies do parque da Bouza que agardamos podan compartir con nós ao remate do curso.

Da gusto traballar no barrio cos nosos veciños!

aBouza_CCiencia_2022

Naves negras ante Troya - Cultura Clásica

O alumnado de 3º da ESO que cursa a materia de Cultura Clásica estivo traballando sobre o libro Naves negras ante Troya, unha adaptación da obra de Homero, A Ilíada. Aquí algunhas imaxes do resultado, que non puido ser mellor.

 

Exposición de arte na cafetería

O alumnado de 3º da ESO traballou na materia de Plástica diferentes obras de arte para as que buscaron unha reinterpretación.

Así de ben quedou o seu traballo e convertiron a cafetería do centro nun espazo cheo de arte.

Se queredes ver máis, aquí tendes o album!

O alumnado de Historia da Arte visita Compostela

O alumnado de Historia da Arte de 2° de Bach, acompañado da súa profesora, visitou Santiago de Compostela, onde desfrutaron do Pórtico da Gloria, do interior da catedral e das cubertas, a pesar do día de chuvia que tiveron.

2022_XeH_Santiago

Charla sobre os riscos en internet para 1º e 2º da ESO

O oficial da Policía Nacional, Pelayo Blanco, visitou o mércores o noso centro para dar dúas charlas ao alumnado de 1º e 2º da ESO sobre os riscos de internet.

Durante máis de unha hora, alertounos sobre adicións, delitos, seguridade ou incluso as penas ás que se enfronta un menor por compartir imaxes ou vídeos da intimidade doutra persoa. Ao mesmo tempo, reflexiounou coa rapazada sobre as falsas crenzas que hai detrás dos "influencers" e da inseguridade de moitas aplicacións.

O alumnado de 2º de bacharelato afonda no mundo da economía

Nestas últimas semanas o alumnado de Economía de 2º de bacharelato tivo a oportunidade de coñecer de primeira man algunhas das posibilidades de continuación de estudos nese campo en Vigo.

Emilio García Roselló, profesor da Facultade de Comercio da UVigo, explicoulles as saídas profesionais e as posibilidades que ofertaba o seu grado. A semana seguinte, o profesor Benito Gil, da Universidade Intercontinental da Empresa, con sede en Vigo, tamén os informou sobre a oferta formativa que teñen e as bolsas dispoñibles para o alumnado.

1º de ESO na pista de xeo de Samil!

O pasado 2 de decembro, o alumnado de 1º ESO desfrutou dunha mañá diferente na pista de xeo de Samil. A actividade, organizada polo Departamento de Educación Física, é un éxito cada Nadal. A rapazada puido patinar nun entorno inusual como é o xeo, vivindo unha experiecia novidosa para moitos.

PistaXeo_2022

Charlas culturais en Inglés

O pasado luns 28 de novembro, o alumnado de bacharelato tivo a oportunidade de desfrutar dunhas charlas culturais en inglés ofrecidas pola editorial dos seus libros de texto, Burlington Books.

O ponente faloulles de cuestión culturais e lingüísticas de distintos países anglofalantes, profundizando nalgunhas das diferenzas entre as distintas variedades da lingua respecto da británica estándar, a través da música e de distintos xogos.

Esperamos repetir a experiencia o ano próximo!

Mostra viva de instrumentos musicais 2022

O pasado luns 28 de novembro celebrouse no IES Álvaro Cunqueiro a edición número trece da MOSTRA VIVA DE INSTRUMENTOS onde, preto do corenta alumnos do propio centro, compartiron con todos a súa dedicación e talento en distintas especialidades instrumentais. Repartidos en tres espazos diferentes, ao longo do día a totalidade do alumnado viaxou por esta mostra que cada curso dende 2010 pon en primeiro plano o talento, entusiasmo e o esforzo dos que dedican, parte do seu tempo, á práctica instrumental.

Distribuir contido


by Dr. Radut