Actividades curso 2022-2023

A cor na cafetería da man de 1º da ESO e 1º de bacharelato

Estes días podemos desfrutar na cafetería do centro de dúas exposicións promovidas polo departamento de EPVA:

 - Exposicion “Composicións de cor” 1º bach de Debuxo Artistico

 - Móbiles de cores con Baricentros, 1º ESO En colaboración cos departamentos de Matematicas e Debuxo

Pasádevos pola cafetería!

Musiqueando 2023

O pasado 28 de abril, 40 alumnos e alumnas de 2ºESO participaron na xornada musical coñecida como Musiqueando. Esta iniciativa impulsada por COAEM (Confederación de Asociacións de Ensinanza Musical do Estado Español) pretende compartir e poñer en valor a música que os rapaces realizan nas diferentes aulas do estado.

Neste ano 2023, o noso centro participou co alumnado de 2ºESO cantando na residencia xeriátrica "El Rocío" situado no barrio de Coia. Recibíronnos con moito agarimo e agardamos volver pronto a cantar para eles.

Máis fotos na galería!

 

CinVigo 2023

Esta pasada fin de semana o alumnado do club de ciencias de 3º e 4º da ESO participou xunto co alumnado do IES Alexande Bóveda na primeira edición de CinVigo, unha feira de ciencia na rúa organizada polo centro de investigación CinBio.

Aínda que a primeira hora do sábado o tempo non parecía acompañar moito, finalmente a xornada foi todo un éxito e o alumnado desfrutou transmitindo o aprendido e traballado no proxecto do parque da Bouza.

Agardamos xa pola próxima edición!

Máis imaxes na galería.

Rally sen fronteiras 2023

Este ano dous grupos de 2º de ESO e un grupo de 4º de ESO animáronse a participar no Rally sen fronteiras, un concurso de matemáticas por grupos para toda a ESO. Penso que pasamos unha boa tarde no centro, traballando nas probas de matemáticas cos compañeiros e compañeiras. Grazas por animarvos a participar!

Ademais, o grupo de 2º ESO D clasificouse para a fase galega en Santiago! Pasaron alí un bo día co profesorado de matemáticas, coñeceron a facultade de Química, viron algúns experimentos, deron unha volta pola cidade.

Deixámosvos as fotos na galería.

Mes do libro 2023

Dende a biblioteca do centro ofrecemos a posibilidade de prestar libros ás famlias durante este mes de abril, mes do libro.

Nesta listaxe podedes atopar algunhas novelas que poden ser do voso interese.

VIII Obradoiros de Primeiros Auxilios

O noso centro celebrou, o 20 e 21 de marzo, os VIII Obradoiros de Primeiros Auxilios, sendo o alumnado de 1º de bacharelato o encargado de organizar e trasmitir os distintos contidos expostos no mesmo. Participou nestes obradoiros todo o alumnado do centro, así como o alumnado de 6º de primaria dos centros adscritos. A actividade foi organizada polo Departamento de Educación Física.

Na galería tendes máis fotos do obradoiro!

 

O club de lectura visita Sada e A Coruña despois de ler A ladroa da biblioteca de Meirás

Esta semana o alumnado de 4º da ESO, despois de ler A ladroa da biblioteca de Meirás, de Eva Mejuto, achegouse ata Sada para coñecer o espazo da novela. Alí, cunha fantástica guía, percorremos os espazos da novela, só aqueles nos que están permitidos entrar. Foi unha viaxe pola historia do s.XX. Pola tarde subimos á Torre de Hércules, un símbolo da cidade da Coruña.

Aquí tendes as fotos da xornada!

 

Proxecto Competencial visitou a protectora de animais abandonados

O xoves o alumnado da materia Proxecto Competencial de 3º da ESO visitou a protectora de animais abandonados de Vigo e o zoo. Desfrutaron moito e sensibilizáronse coa importancia de adoptar animais e non mercalos, porque hai moitos que están faltos de cariño e desexando ter un fogar.

Aquí tendes as fotografías da xornada.

Visita ao Museo de Pontevedra e ao Parque Arqueolóxico Campo Lameiro.

O pasado xoves o alumnado de 1ºESO realizou unha saída escolar ao Museo de Pontevedra e ao Parque Arqueolóxico de Arte Rupestre de Campo Lameiro. 

A xornada comezou no museo de Pontevedra onde realizaron un percorrido polas salas de arqueoloxía desde o Paleolítico ata a romanización, no que descubriron, a partir dos restos arqueolóxicos expostos, algúns dos aspectos máis relevantes da vida dos nosos antepasados. Ademais, aproveitaron para realizar un paseo por Pontevedra e visitar os seus monumentos, o casco vello e as súas prazas.

Concurso Canguro Matemático 2023

O pasado Xoves 16 de marzo 40 alumnos e alumnas do IES ÁLVARO CUNQUEIRO, participaron no concurso Canguro matemático.

Este concurso pretende potenciar o gusto polas matemáticas, como paso previo para fomentar os estudos nestas asignaturas.

Distribuir contido