Skip to Content

Diagnose e seguimento da convivencia escolar 2020/2021

A Consellería de Cultura, Educación e Universidade vén de poñer en marcha unha enquisa que permite analizar o estado da convivencia na comunidade educativa, e das novas formas nas que se está a desenvolver como consecuencia do impacto da COVID-19.

Esta sondaxe de carácter censual “Enquisa de diagnose da convivencia 2021” ten por finalidade coñecer a opinión dos distintos colectivos (profesorado, alumnado, persoal non docente e familias) e permitirá, a través do análise das respostas obtidas, posibles avances e melloras neste ámbito dun xeito global e integrador. No tocante á organización no noso centro, destacar que:

  • enquisa estará operativa ata o 29 de abril de 2021 (ambos dous días incluídos) para todos os colectivos.
  • Cubrir a enquisa toma un tempo estimado de 15 minutos.
  • profesorado debe acceder a través da ligazón https://www.edu.xunta.gal/convdoce e introducir a clave de único acceso e unipersoal facilitada polo centro. Este é un código que permite entrar á plataforma da enquisa, e que garante o total anonimato na recollida dos datos.
  • alumnado dende 1º a 4º ESO debe acceder a través da ligazón https://www.edu.xunta.gal/convobrig, e introducir unha clave de único acceso, que serán facilitadas polo/a profesor/a acompañante do grupo no momento de cubrila. Ao igual que as do profesorado, estes códigos garanten o anonimato.
  • alumnado de BAC e CICLO debe acceder a través da ligazón https://www.edu.xunta.gal/convpost, e introducir unha clave de único acceso, que serán facilitadas por vicedirección antes da data de execución das mesmas ao profesor/a acompañante do grupo. Ao igual que as do profesorado, estes códigos son de único acceso e garanten o anonimato.
  • As familias accederán á enquisa a través da ligazón https://www.edu.xunta.gal/convfamil e introducirán a clave de acceso único que lle chegue, nunha circular remitida polo centro, a través do seu fillo/a. A participación nesta iniciativa é totalmente anónima.
  • O persoal non docente cubrirá a enquisa na ruta https://www.edu.xunta.gal/convpas, introducindo a clave de acceso único facilitada polo centro. De igual maneira que o resto de colectivos, a participación é totalmente anónima.

Moitas grazas pola colaboración.

Vacacións de Semana Santa e entrega de notas da segunda avaliación

Recordamos á comunidade educativa do centro que as clases correspondentes ao segundo trimestre rematarán o vindeiro venres, 26 de marzo, e retomaranse o martes, 6 de abril, despois das vacacións de Semana Santa.

Asimesmo, o 26 de marzo serán entregados, a partir das 10h, os boletíns de notas da segunda avaliación a través de AbalarMóbil.  

Día Internacional da Muller

O Equipo de Dinamización da Lingua Galega, en colaboración coa materia de Valores éticos, decidiu conmemorar o Día Internacional da Muller (8 de marzo) cun orixinal vídeo compilatorio a modo de homenaxe e recordo a todas aquelas mulleres, coñecidas e anónimas, que loitaron e batallan cada día na procura dunha sociedade máis xusta e paritaria. O material audiovisual presentado fai referencia ás súas cualidades persoais e profesionais: a amizade, o traballo en equipo, a creatividade, a curiosidade, a capacidade para soñar que enxendra grandes e pequenos proxectos, a loita pola supervivencia e a superación, a súa entrega para o coidado e o acompañamento dos demais, o rexeitamento da marxinación social e de xénero... E remata cun sentido repaso ás mulleres pioneiras nos distintos ámbitos do saber e do progreso social: Clara Campoamor, Coco Chanel, Emilia Pardo Bazán, Isabel Zendal, Rosa Parks, Margarita Salas..., así como todas aquelas cuxo nome non aparece escrito na historia, pero que si obtiveron e desempeñan un papel fundamental na loita diaria a prol da igualdade. 
 

Publicación do Protocolo ABAU 2021

A Comisión Interuniversitaria de Galicia (CIUG) acaba de publicar o Protocolo de actuación para as ABAU 2021, que inclúe a enumeración das medidas informativas de carácter xeral, as normas de acceso ao centro e á aula, as indicacións para a distribución e permanencia na clase e as medidas específicas de prevención fronte á COVID. Pódese descargar o documento nesta ligazón: Protocolo ABAU 2021

Admisión de solicitudes de reserva de praza dos centros adscritos

Tras a finalización do período de reserva de praza do alumnado procedente dos centros adscritos ao IES Agra de Raíces, comunicamos que todas as solicitudes entregadas foron debidamente rexistradas. Asimesmo, recordamos que o proceso de presentación das solicitudes de admisión comezará o vindeiro luns, 1 de marzo, e rematará o 22 do mesmo mes. 

Educar en tempos de COVID

Os profesores da Universidade de Santiago de Compostela Jesús Rodríguez e Tania Caamaño, xunto co alumnado da materia Deseño e Elaboración de Materiais Didácticos da Facultade de Educación e a deseñadora Antía Bagni, crearon o banco de recursos “Educar en tempos de COVID”, ao que se pode acceder a través da seguinte ligazón: https://obancoderecursos.wixsite.com/temposdecovid

Trátase dun proxecto colaborativo que ofrece materiais relacionados coa educación, a creatividade, o coidado e a prevención fronte á COVID para todas as etapas educativas, así como para as familias, os docentes e os centros educativos.

"Amor ao galego"

Con motivo do Día da Candeloria e da festividade dos Namorados, a alumna Andrea Iglesias García (2º ESO C) elaborou esta emotiva composición poética dedicada ao coidado e o amor por Galiza, pola súa lingua, pola súa cultura, os seus costumes, o seu folclore, a súa xente..., nunha sensitiva louvanza cara á terra e ás orixes. 

Parabéns a Andrea polo magnífico traballo realizado, así como á súa profesora de Lingua Galega, Anxos Corral, e ao Equipo de Dinamización da Lingua Galega pola creación, promoción e difusión desta iniciativa entre o noso alumnado. 

Comezo das clases de maneira presencial

Recordamos á comunidade educativa do centro que as clases correspondentes ao segundo trimestre do curso darán comezo o vindeiro venres, 8 de xaneiro, con total normalidade de maneira presencial. 

Aproveitamos a ocasión para desexarvos un feliz ano novo. 

Postal de nadal

O alumnado do IES Agra de Raíces impulsou unha iniciativa para a creación dunha postal de Nadal coa que trasmitir á comunidade os mellores desexos para estas festa e para os tempos que corren. Naceu así a campaña "Os desexos de Fede". O alumno de 3º ESO, Federico Giommarini Uriburu, propuxo intercambiar bos desexos a través da confección de marcapáxinas. A idea foi tan ben acollida, que os compañeiros de 1º ESO acabaron por darlle forma de composición fotográfica aos seus traballos para unha postal de Nadal. Aquí podedes ver, e descargar, o fantástico resultado. Desfrutádeo e boas festas.

 

Premios concursos Prevención COVID 19 e Logo Club de Letras

Despois do cómputo de votos entre os finalistas dos concursos que tiveron lugar este fin de trimestre, presentámosvos aos gañadores.

Concurso de carteis para a Prevención da COVID 19 (Categoría 1º ESO)

Concurso de carteis para a Prevención da COVID 19 (Categoría 3º ESO)

Concurso Logo Club de Letras IES Agra de Raíces

 

 

Distribuir contido


by Dr. Radut