Entre as cousas máis difíciles que podemos chegar a facer nunha lingua estranxeira está sen dúbida facer unha presentación oral en público. Os nosos estudantes de B2 de francés xá son quén de replicar o formato das charlas TEDx para practicar as suas habilidades como oradores e a profesora de francés está a ter unha estupenda resposta entre os estudantes á iniciativa de simular na aula as esixentes condicións e circunstancias da vida real: unha entrevista de traballo, una presentación comercial ou técnica, unha breve conferencia. Os nosos alumnos teñen unha morea de intereses e inquedanzas que van dende a fotografía, distintas formas de abordar a terapia conductual en psicoterapia, os proxectos ecolóxicos locais no Morrazo, persoeiros culturais da elite intelectual francesa ou aspectos técnicos da aviación. Realmente grazas a aportación dos alumnos a clase colle unha nova dimensión como lugar de intercambio e enriquecemento para todos os participantes.
Nun mundo no co francés é sen dúbida unha das linguas máis importantes por número de falantes e extensión xeográfica, nos felicitamos de que tamén no Morrazo teñamos xente capaz de facerse entender con eficacia e elegancia nunha enorme diversidade de temas. Eso non é algo que se poida improvisar senón que é o froito de anos de adicación e traballo.!!!