O venres 29 de marzo visitou as tres escolas do CRA, Brais Moure, o fillo do "Carballo con botas". 

Ensinounos unha maleta chea de elementos da natureza: paos, piñas, carrabouxos, variñas máxicas de teixo, sobreira e sons de paxaros. E contounos moitos contos, cantigas e música da natureza para aprender a coidar as nosas árbores. Tamén trouxo a súa Ciclobiblioteca, cargada de libros da natureza.

No seguinte video podedes ver o ben que o pasamos.

Este ano fomos celebrar o día da Poesía nos montes que temos arredor das nosas escolas.

Estas son algunhas das poesías que crearon os alumnos de 1º e 2º de primaria de San Cristovo.

Durante esta semana fixemos diferentes actividades

Como este ano estamos traballando nun proxecto sobre "Os montes", na escola de Francelos, o alumnado de infantil elixiu un animal do monte, neste caso o coello e representáronno empregando recortes do xornal.

E o alumnado de primaria aprendeu as distintas partes que ten unha noticia: titular, subtítulo, corpo da noticia, fotografía, pé de foto, etc. Buscaron noticias, recortaron, pegaron e escribiron cada parte.

Na escola de San Cristovo fixeron as súas propias noticias

Na escola de San Paio, durante esta semana leron o xornal, crearon un recuncho para o xornal e elaboraron a partir de material de refugallo uns micrófonos de xornalistas.