Ábrese o prazo de admisión de solicitudes para actuar como colaboradores/as voluntarios/as nas tarefas de atención e apoio ó alumnado usuario do comedor escolar durante o curso 2013-14.

Poden presentar as solicitudes na Secretaría do centro.

Segundo as instrucións ditadas pola Consellería sobre o funcionamento dos comedores escolares, as familias que desexen que os seus fillos/as poidan usar o servizo de comedor durante o curso 2013-14, deben presentar, no centro, unha solicitude.

Lémbrase que o vindeiro curso, o servizo de comedor non estará vinculado ó servizo de transporte, polo que o feito de que un alumno/a sexa usuario do transporte non garantiza que teña dereito á gratuidade no servizo de comedor, senón que só terá este dereito o alumnado que se atope nalgunha das seguintes situacións:

-         Que pertenza a unidades familiares que se atopen en situación socioeconómica de exclusión social certificada polos servizos sociais autonómicos ou municipais corrrespondentes.

-         Que se atope en situación de acollemento residencial ou familiar.

-         Que teña un grao de discapacidade declarado igual ou superior ó 33%.

-         Que pertenza a unidades familiares vítimas de terrorismo ou de violencia de xénero acreditada documentalmente.

-         Que pertenza a unidades familiares cunha renda familiar anual neta per cápita inferior a 7000€

De non cumprirse ningún destes requisitos, as familias deberán pagar as cantidades de 1€, 2.50€ ou 4.50€ por día no que se use o comedor, dependendo da declaración da renda (o centro fará chegar ás familias un modelo de autodeclaración en canto se aprobe o Decreto que regulará os comedores escolares).

Ó abeiro do Plan Director, o xoves, 30 de maio, un membro da garda civil impartirá unha charla para pais/nais sobre os riscos de Internet, dita charla terá lugar ás 16.25 na aula de audiovisuais do centro.

Para o curso escolar 2013/2014 os prazos previstos para a tramitación dos procedementos de admisión e de matriculación do alumnado, son os seguintes:

1. Reserva de praza no centro de adscrición: 18 - 22 de marzo.

2. Data do sorteo público a efectos de desempate: antes do 2 de abril.

3. Publicación de postos escolares vacantes: 4 de abril.

4. Presentación da solicitude de admisión: 5 - 17 de abril.

5. Presentación da documentación acreditativa dos criterios de baremo: 22 de abril – 3 de maio.

6. Publicación das listaxes provisionais de admitidos e non admitidos: até 10 de maio.

7. Publicación das listaxes definitivas de admitidos e non admitidos: antes do 31 de maio.

8. Formalización da matrícula en educación infantil e primaria: 20 - 30 de xuño.

9. Formalización da matrícula en ESO e bacharelato: 25 de xuño - 10 de xullo.

10. Prazo extraordinario de formalización de matrícula ESO e bacharelato: 1 - 10 de

Na páxina da Xunta aparece publicado o Proxecto da Orde pola que se desenvolve o procedemento para a admisión do alumnado, que indica os prazos que rexirán para reservar praza e matricularse.

Para ver o Proxecto da Orde, pódese pinchar aquí.

No arquivo adxunto pódense consultar os prazos (para o curso 2013-14).

Podedes consultar aquí o novo decreto de adminisión de alumnado.

A Consellería acaba de anunciar, para o mércores, 23 de xaneiro, a suspensión da actividade docente e do transporte escolar nos centros escolares situados nas zonas de montaña de Lugo e de Ourense, entre os que se atopa este centro.

Mañá, día 22 de xaneiro de 2013, suspéndense as actividades docentes e o servizo de transporte por previsión de fenómeno meteorolóxico adverso.

- O prazo de presentación de candidaturas será desde o día 13 ó 20 de novembro ata as 17.15 (ambos incluídos). Poderase solicitar o modelo de presentación de candidaturas na Secretaría do centro, e entregarase no mesmo lugar.

- O xoves, 29 de novembro, na biblioteca, terán lugar as votacións para a representación de alumnado, persoal de administración e servizos, pais/nais/titores,-as legais, no seguinte horario:

a) Persoal de administración e servizos: de 12.00 a 12.30

b) Alumnado: de 12.45 a 13.45

c) Pais/nais/titores,-as legais: de 17.30 a 20.30

- O sorteo dos membros das mesas electorais celebrarase, na biblioteca, o xoves, 22 de novembro, ás 15.20 horas.

O martes, 6 de novembro, ás 12.45, na biblioteca do centro, procederase ó sorteo público dos membros da Xunta Electoral, que estará formado, ademais de pola directora, por un membro do profesorado, un pai ou unha nai (ou titor/a legal), unha persoa representante do PAS e un membro do alumnado de ESO