Xa se pode consultar o calendario escolar deste curso 2024-25 no seguinte ENLACE.
Titorías
APUNTÁMONOS A NON BEBER
Neste curso, dentro do Plan Proxecta, temos un programa novo para o alumnado de 1º e 2º de ESO: APUNTÁMONOS A NON BEBER.
O obxectivo é a prevención do consumo de alcol en menores e o retraso na idade de inicio do seu consumo.
O consumo de bebidas alcohólicas xera cambios físicos e mentais e, ademais pode desenvolver dependencia e tolerancia. Estes riscos agrávanse cando quen consume alcohol é unha persoa menor de idade.
O alumnado recibirá 3 charlas ao ongo do curso da man de diferentes profesionais do ámbito sanitario, coa finalidade de tomar conciencia ante os riscos do alcol, así como a realización de diferentes actividades na hora de titoría.
Ao final do curso, cada grupo clase deseñará unha campaña publicitaria destinada á prevención do seu consumo, coa que participarán no concurso a nivel autonómico, na que o grupo ganador pasará un día no Parque Acuático de Cerceda.
Hoxe o alumnado recibiu a primeira destas charlas de sensibilización a cargo de Ángel Usero, médico de Sanidade e un dos coordinadores do programa na provincia.
IMAXE CORPORAL E AUTOESTIMA
O alumnado de 3º e 4º de ESO recibiu este luns unha charla sobre Imaxe Corporal e Autoestima a cargo de Xose Mosteiro, traballador social do centro Quérote + de Lugo, con quen puideron abordar diferentes aspectos claves do desenvolvemento socioafectivo na adolescencia: a importancia da autoaceptación da propia imaxe, a diversidade corporal, a necesidade do fomento da autoestima, ou cómo desenvolver o sentido crítico ante os valores estéticos imperantes.
Os centros Quérote dispoñen dun servizo gratuito e anónimo no que poderás consultar mediante Whatsapp tódalas dúbidas que teñas en relación á sexualidade, a afectividade, ou problemáticas relacionadas coa conduta alimentaria ou e as adicións.
Escanea o seguinte código QR e garda o contacto no teu móbil para consultar cando o precises.
A charla forma parte do programa de orientación O mundo que queremos, no que se traballa co alumando da ESO temáticas de interese social e de actualidade.
(Imaxe do Centro Quérote + en Lugo)
Titorías e EI, EP e ESO Curso 2021/2022
- EI de 3 anos: María Lamela García
- EI de 4 anos: Natalia López Fernández
- EI de 5 anos: Mª Fe Vilares Álvarez
- 1º e 2º EP: Montserrat Payo Méndez
- 3º EP: Lois Manoel Toirán Vázquez
- 4º EP: Cristina García Ouro
- 5º EP: Esther Nuñez Vilares
- 6º EP: Lorena Poy Pardo
- 1º ESO: David Díaz Martínez
- 2º ESO: Raúl Hidalgo Cortijo
- 3º ESO: Jorge Vázquez Fraga
- 4º ESO: Mercedes Fernández Méndez