[Actividade recente]

Título	Tipo	Nome	Data de envio
BECAS E AXUDAS PARA ESTUDOS DE NIVEIS POSTOBRIGATORIOS	Páxina	pipaca	19/03/2024 - 18:55
8 DE MARZO DÍA INTERNACIONAL DA MULLER	Historias	pipaca	09/03/2024 - 20:14
Punto laranxa contra o acoso escolar	Webform	pipaca	07/03/2024 - 18:46
ANDAINA CONMEMORACIÓN DÍA DA MULLER	Páxina	pipaca	29/02/2024 - 13:36
ADMISIÓN ALUMNADO	Historias	pipaca	28/02/2024 - 13:51
MENUDA CAMPIONA!	Páxina	pipaca	27/02/2024 - 21:07
MENÚ MES DE MARZO	Páxina	gedepevi	22/02/2024 - 20:18
ENTROIDO	Páxina	pipaca	21/02/2024 - 10:28

Matemáticas

AS MATEMÁTICAS SON ABURRIDAS E NON SIRVEN PARA NADA

O pasado 8 de Marzo o alumnado de 6º de Primaria, 3º e 4º de secundaria xunto co profesorado tivemos a oportunidade de asistir á charla temática AS MATEMÁTICAS SON ABURRIDAS E NON SERVEN PARA NADA dentro do ciclo de charlas "A Ponte entre o Ensino Medio e a USC" que oferta a Universidade de Santiago aos centros educativos.

Nesta ocasión acompañounos Elena Vázquez Abal, profesora da Facultade de Matemáticas da USC, que ademais da súa labor docente e investigadora realiza unha importante labor divulgadora como podemos ver na súa páxina web: http://webspersoais.usc.es/persoais/elena.vazquez.abal/divulgacion/. Neste enlace podemos facernos unha idea da charla que disfrutamos no día da muller traballadora: https://vimeo.com/34773040.

O alumnado e profesorado agradecemos á profesora Elena Vázquez Abal todo o que nos trasmitiu nesa sesión: gusto polas matemáticas, valores de superación e actitude positiva ante os retos vitais que nos podemos atopar. Por todo isto foi un gusto tela connosco ofrecéndonos unha fermosa lección matemático-vital.

Sesións de Geogebra

Nas últimas semanas, os alumnos de 1º ESO están a acudir á aula de informática para ter un primeiro achegamento a Geogebra. O obxectivo das sesións é que se familiaricen cos elementos básicos do plano (puntos, rectas, ángulos...) a través deste software de xeometría dinámica.

Obradoiros de papiroflexia

Durante este curso traballaremos a xeometría e a arte a través da papiroflexia. Na primeira sesión, antes das vacacións de Nadal, os alumnos de 1º ESO construíron un calendario con forma de dodecaedro irregular. Na segunda sesión, antes das vacacións de Semana Santa, os alumnos de 1º e 2º da ESO construíron un cubo e un tetraedro regular.

Fai clic en calquera das imaxes para acceder á galería.

Traballando o razoamento a través dos xogos de mesa

Durante este curso estamos a traballar o razoamento abstracto e a estratexia a través de xogos de lóxica. Na primeira sesión (decembro de 2015) empregamos Abalone, Gobblet e Quarto e na segunda sesión (marzo de 2016) engadimos Quoridor.

A principal vantaxe destas sesións sobre as clases habituais é que son os propios alumnos os que descubren cales poden ser as mellores estratexias para vencer no xogo, preguntándose e deducindo eles mesmos como mellorar na seguinte partida.