En 2º A de Primaria fixemos unha Mesa Redonda para conmemorar o día da Muller. Partimos das súas experiencias persoais para ir avanzando sobre como eles preciben este tema e as súas propias ideas.

Esta semana presentamos os nenos e nenas os xogos de números do Play Osmos de Ipad. Creamos o noso perfil de usuarios para que cada neno e nena poida ver os seus logros e avances. Logo por quendas de doce minutos os nenos  e nenas estiveron a explotar burbullas nun divertido xogo de tres niveis. Este grupo reducido de nenos e nenas son os expertos que teran que aprender a manexar o xogo para logo explicarllo aos seus compañeiros e compañeiras da aula.

Estamos a repasar e afianzar os contidos adquiridos no tema dos animais en ciencias da natureza. Elaborabomos un novo xogo no que repasan contidos como tipo de reprodución, grupos de animais, alimentación, hábitat...

As mestras de segundo andivemos argallando varios xogos para afianzar conceptos e repasar os contidos traballados na clase na área das ciencias. Este xogo que presentamos está composto por unha plantilla de fotografías e palabras ademais dunhas tarxetas con preguntas ou retos. Os rapaces e rapazas tiñan que ler en voz alta a súa pregunta, logo contestala, se acertan dirixen o bichiño ata a resposta e gardan a tarxeta (así contabilizan o número de acertos).

No tema de sociais de profesión e sectores analizamos a elaboración dun iogur dende o sector primario ata o terciario.

Os robots que o alumnado de segundo de primaria e segundo da ESO, xa están rematados. Na sesión de hoxe co profesor Fran estivemos a dar os últimos retoques e probando como se desprazaban por conexión BLUETOOTH gracias a un dispositivo como o móbil. Os equipos construiron os robots: Tanque, Balancín e Raptor.

Como xa mencionamos noutra entrada, segundo de primaria esta realizando un Proxecto de Robótica. Coa colaboración do profesor de secundaria Fran e o alumnado de segundo da ESO. Os nenos e nenas están a crear os seus propios robots. Os nenos e nenas forman catro equipos que están titorizados por tres ou catro alumnos e alumnas máis grandes. Explicaron os pequenos as diferentes pezas dun robot (e son moitas!). O seguinte paso foi comezar amontalo coa axuda do manual.

O día 2 de febreiro o alumnado de Educación Infantil, 1º e 2º de Educación Primaria fomos ao Salón de Actos de Lousame para entreternos, gozar e deixar voar a imaximación coa contacontos Paula Carballeira.