Skip to Content

Benvidos á nosa páxina web!

O CPI de Bembibre é un centro educativo de titularidade pública, dedicado a impartir ensinanzas de Educación Infantil, Primaria e Secundaria Obrigatoria ubicado na vila coruñesa de Val do Dubra. Actualmente dispón de comedor, de transporte escolar e de actividades extraescolares.

 
Teléfono de contacto: 881866981
 
Correo electrónico: cpi.bembibre@edu.xunta.es

ELECCIÓNS DE REPRESENTANTES AO CONSELLO ESCOLAR

Xa están expostas no taboleiro da entrada do edidicio de educación infantil e primaria, as listaxes coas candidaturas dos diferentes sectores.

As eleccións celebraranse o vindeiro 23 de novembro cos seguintes horarios de voto:

- Nais e pais: das 9:00 horas ás 16:15 horas.

- Persoal de servizos: das 9:30 horas ás 10:00 horas.

- Alumnado: das 12:50 horas ás 13:10 horas.

- Profesorado: claustro extraordinario ás 16:30 horas.

 

ELECCIÓNS AO CONSELLO ESCOLAR DO CPI DE BEMBIBRE

No vindeiro mes de novembro celebraranse as eleccións para designar aos novos membros do Consello Escolar. Nese proceso elixiranse representantes dos colectivos do profesorado, alumnado, persoal de servizos, nais e pais, ANPA e Concello.

Durante o tempo que dure o proceso, os diferentes sectores da comunidade escolar recibirán información detallada sobre o procedemento para que poidan presentar as súas candidaturas, ou exercer o seu voto para elixir aos candidatos. 

LISTAXE DEFINITIVA FONDOLIBROS SECUNDARIA

Xa se pode consultar no centro ou na aplicación Fondolibros a listaxe definitiva do préstamo de libros de texto para secundaria para o curso 2021-22.

LISTAXE PROVISIONAL FONDOLIBROS SECUNDARIA

 

Hoxe publicamos a adxudicación provisional do Fondo solidario de libros de texto para secundaria. Poden consultar o número de libros que lle foron adxudicados a través de internet na aplicación FONDO LIBROS, se dispoñen de certificado dixital ou chave 365. 

No caso de que non poidan facelo de xeito telemático, as listaxes estarán dispoñibles no centro.

IMPORTANTE: CAMBIOS NO TRANSPORTE ESCOLAR PARA OS USUARIOS EXCEPCIONAIS

Esta nota informativa só está dirixida para aquelas familias que teñen as paradas de transporte escolar en Bembibre: Caixa Galicia ou San Lorenzo (Os Porches).

Hai uns días notificáronnos unhas variacións no procedemento de utilización do transporte escolar integrado para aqueles alumnos/as que fan un uso excepcional (residentes en Bembibre).

Ata o curso pasado, tiñamos que meter a todo ese alumnado excepcional na aplicación de transporte escolar e a Consellería de Educación autorizábaos a utilizalo. Para este curso o procedemento varía e o alumnado que colla o autobús nesas paradas de Bembibre xa non estará rexistrado na aplicación, polo que será considerado como un pasaxeiro máis de liña regular, co que terá que utilizar obrigatoriamente a tarxeta XENTE NOVA cada vez que accedan ao bus (tanto na viaxe de ida como na de volta).

Hai que puntualizar, que aínda que teñan que utilizar a tarxeta XENTE NOVA, o servizo de transporte escolar seguirá sendo gratuíto para eses alumnos/as (os nenos/as menores de 4 anos non utilizarán a tarxeta e accederán libremente ao bus sen ela).

TARXETA XENTE NOVA: na seguinte ligazón teñen toda a información sobre esta tarxeta (quen a pode utilizar, como se solicitala a través de ABANCA, como recargala, etc...):

https://www.bus.gal/gl/xente-nova

 

RESOLUCIÓN DEFINITIVA FONDOLIBROS PRIMARIA CURSO 21-22

Xa se pode consultar no centro ou na sede electrónica da Xunta de Galicia a listaxe definitiva do préstamo de libros de texto para 3º, 4º, 5º e 6º de educación primaria para o curso 2021-22.

RESOLUCIÓN PROVISIONAL FONDOLIBROS

Poden consultar no centro ou na sede electrónica da Xunta de Galicia a resolución das axudas  para material escolar en educación primaria e a listaxe provisional de libros de texto para o alumnado de 3º, 4º, 5º e 6º de primaria (nesta listaxe só aparece o número de libros que lle corresponde a cada alumno/a).

EXAMES DE SETEMBRO 2021

Adxúntase un arquivo co calendario de exames de setembro.

REVISTA SECUNDARIA

Adxúntase o último número da revista que recolle as actividades realizadas polo alumnado de secundaria no terceiro trimestre.

SOLICITUDE DE TRANSPORTE E COMEDOR ESCOLAR

Ata o día 23 de xullo poden pasar polo centro para entregar os impresos de solicitude de transporte e comedor escolar.

Os impresos poderán recollelos nas dependenzas do colexio, ou descargalos a través da aplicación Tokapp e na páxina web do CPI de Bembibre.

Aquelas familias que soliciten o servizo de comedor escolar, ademais do impreso de solicitude, deberán presentar cuberto o Anexo II (autodeclaración).

Xunto cos impresos, achegamos unha nota informativa sobre o proceso de solicitude.

 

LIBROS DE TEXTO PARA O CURSO 2021-22

Publícase no arquivo adxunto a relación de libros de texto para o curso 2021-22 para as etapas de primaria e secundaria.

FONDO SOLIDARIO DE LIBROS DE TEXTO E AXUDAS PARA MATERIAL ESCOLAR CURSO 2021-2022

No DOG do 20/05/21 publicouse a ORDE  do 6 de maio de 2021 pola que se regula a participación no fondo solidario de libros de texto e se convocan axudas para adquirir libros de texto e materia escolar destinadas ao alumnado matriculado en educación primaria, secundaria e educación especial en centros docentes sostidos con fondos públicos para o vindeiro curso. Poden consultar a ORDE na seguinte ligazón:

https://www.xunta.gal/dog/Publicados/2021/20210520/AnuncioG0598-070521-0001_es.html

As solicitudes poderán presentarse por vía electrónica empregando a aplicación "fondolibros" (https://www.edu.xunta.es/fondolibros/), a través da sede electrónica da Xunta de Galica (https://sede.xunta.gal/detalle-procedemento?codtram=ED330B) ou presencialmente no centro docente.

Prazo de presentación das solicitudes: do 21 de maio ao 22 de xuño.

 

 

LISTA DEFINITIVA DE ADMITIDOS CURSO 2021-22

Publicadas as listaxes definitivas do alumnado admitido e non admitido neste centro para o vindeiro curso académico 2021-2022.

De forma non presencial poderán consultarse só a través da aplicación  "admisionalumnado"  empregando a chave 365 ou un certificado dixital. De forma presencial poderán consultarse no taboleiro de anuncios situado no interior do edificio escolar.

REVISTA DE SECUNDARIA

No arquivo adxunto poden consultar as revistas que recollen as actividades de secundaria levadas a cabo durante as dúas primeiras avaliacións. 

Distribuir contido


by Dr. Radut