Skip to Content

SOMOS FINALISTAS NO XII CONCURSO DE SONDAXES E EXPERIMENTOS

Ven, 03/06/2022 - 18:20

Con data 02/06/2022, publicouse no sitio web da SGAPEIO o fallo do xurado que valora os traballos presentados á XII Incubadora de Sondaxes e Experimentos.

https://sgapeio.es/index.php/formacion-e-actividades/premios-sgapeio/3513-xii-concurso-incubadora-de-sondaxes-e-experimentos

Na Categoría de 1º e 2º ESO, o grupo conformado por Érika, Alejandro, Leo e Anxo de 1ºA do CPI de Bembibre conseguiu participar na final galega polo que optará a ser o mellor traballo de Galicia co “É posible aprobar un exame facéndoo ao chou?”. Ademais dos premios, pelexarán por representar a Galicia na fase nacional!

Amais, dous grupos conseguiron mencións especiais do xurado:
- "Como caen os zapatos?" de Diego, Tania, Julia e Samuel de 1ºA
- "As marcas inflúen nos gustos?" de Sergio, Iván, Sabrina, Pablo e Adrián de 1º B

A fase final galega terá lugar na facultade de matemáticas da Universidade de Santiago de Compostela nunha data aínda a determinar pola organización.

Dende o CPI de Bembibre presentáronse traballos de 13 grupos dos cursos 1º e 2º ESO, todos eles cunha calidade moi significativa. Aínda que só tres deles teñan recoñecemento da organización en forma de premios, dende o Departamento de Matemáticos queremos extender os nosos parabéns a todas e todos os participantes polo esforzo na execución e redacción dos diferentes estudos estatísticos.

Parabéns!

LISTAXE DEFINITIVA ALUMNADO ADMITIDO PARA O CURSO 2022/23

Lun, 23/05/2022 - 19:03

Pódese consultar no tabolerio do noso centro ou mediante a aplicación admisionalumnado o listado definitivo do alumnado admitido no proceso de admisión para o vindeiro curso 2022/23.

BOLSAS PARA O ALUMNADO CON NECESIDADES ESPECÍFICAS DE APOIO EDUCATIVO

Lun, 23/05/2022 - 18:54

Ábrese o prazo para solicitar axudas para o alumnado con necesidades espeíficas de apoio educativo. O prazo remata o 30 de setembro de 2022. Máis información no arquivo adxunto.

 

FONDO SOLIDARIO DE LIBROS DE TEXTO CURSO 2022/23

Mér, 18/05/2022 - 12:50

Ábrese o prazo para a participación no fondo solidario de libros de texto e convócanse axudas para adquirir libros de texto e material escolar destinadas ao alumnado matriculado en educación primaria, secundaria e educación especial en centros docentes sostidos con fondos públicos para o vindeiro curso. Poden consultar a ORDE na seguinte ligazón:

https://www.xunta.gal/dog/Publicados/2021/20210520/AnuncioG0598-070521-0001_es.html

As solicitudes poderán presentarse por vía electrónica empregando a aplicación "fondolibros" (https://www.edu.xunta.es/fondolibros/), a través da sede electrónica da Xunta de Galica (https://sede.xunta.gal/detalle-procedemento?codtram=ED330B) ou presencialmente no centro docente.

Prazo de presentación das solicitudes: do 19 de maio ao 22 de xuño de 2022.

 

 

III CONCURSO DE FOTOGRAFÍA MATEMÁTICA

Lun, 11/04/2022 - 11:12

O Departamento de Matemáticas convoca o III Concurso de Fotografía Matemática para o alumnado de secundaria. Pódense consultar as bases e o cartel nos arquivos adxuntos.

LISTAXE PROVISIONAL ALUMNADO ADMITIDO PARA O CURSO 2022/23

Mér, 30/03/2022 - 13:05

Pódese consultar no tabolerio do noso centro ou mediante a aplicación admisionalumnado o listado provisional do alumnado admitido no proceso de admisión para o vindeiro curso 2022/23.

REVISTA SECUNDARIA

Mér, 30/03/2022 - 10:46

Achégase a revista que recolle as actividades realizadas polo alumnado de secundaria durante a segunda avaliación.

BECAS DE CARÁCTER XERAL PARA O CURSO 2022/2023

Mar, 22/03/2022 - 10:58

O sábado 10 de marzo publicouse no BOE a nova convocatoria de bolsas de carácter xeral para o curso 2022/2023.

O prazo para presentar as solicitudes é do 30 de marzo ao 12 de maio, inclusive.

Máis información na seguinte ligazón:

https://www.becaseducacion.gob.es/portada.html

ABERTO O PRAZO DE ADIMISIÓN PARA O CURSO 2022/23

Mér, 02/03/2022 - 10:50

Do 1 ao 21 de marzo está aberto o prazo de admisión para o alumnado que se incorpora ao sistema educativo ou cambia de centro. A solicitude pódese cubrir na aplicación admisionalumnado e presentar en Sede electrónica, ou pódese entregar de forma presencial no centro. Nos arquivos adxuntos pódese descargar a o impreso da solicitude e a documentación a presentar.

 

 

LISTAXE DEFINITIVA DE ALUMNADO PROCEDENTE DE CENTROS ADSCRITOS

Mér, 23/02/2022 - 10:16

Xa se pode consultar no taboleiro do centro, ou mediante Chave 365 a listaxe definitiva do alumnado procedente do centro adscrito que obtivo praza neste centro.

REVISTA SECUNDARIA

Xov, 20/01/2022 - 21:02

Achégase a revista que recolle as actividades realizadas polo alumnado de secundaria durante a primeira avaliación.

 

 

APERTURA DO PERÍODO DE RESERVA DE PRAZA PARA OS CENTROS ADSCRITOS

Ven, 14/01/2022 - 11:06

Dende o 11 de xaneiro ata 8 de febreiro estará aberto o prazo de reserva para os centros adscritos. 

A solicitude poderá cubrirse na aplicación admisionalumnado e presentarase na Sede Electrónica, ou de forma presencial no centro de orixe do alumnado.

ELECCIÓNS DE REPRESENTANTES AO CONSELLO ESCOLAR

Mar, 16/11/2021 - 17:31

Xa están expostas no taboleiro da entrada do edidicio de educación infantil e primaria, as listaxes coas candidaturas dos diferentes sectores.

As eleccións celebraranse o vindeiro 23 de novembro cos seguintes horarios de voto:

- Nais e pais: das 9:00 horas ás 16:15 horas.

- Persoal de servizos: das 9:30 horas ás 10:00 horas.

- Alumnado: das 12:50 horas ás 13:10 horas.

- Profesorado: claustro extraordinario ás 16:30 horas.

 

ELECCIÓNS AO CONSELLO ESCOLAR DO CPI DE BEMBIBRE

Xov, 28/10/2021 - 11:44

No vindeiro mes de novembro celebraranse as eleccións para designar aos novos membros do Consello Escolar. Nese proceso elixiranse representantes dos colectivos do profesorado, alumnado, persoal de servizos, nais e pais, ANPA e Concello.

Durante o tempo que dure o proceso, os diferentes sectores da comunidade escolar recibirán información detallada sobre o procedemento para que poidan presentar as súas candidaturas, ou exercer o seu voto para elixir aos candidatos. 

LISTAXE DEFINITIVA FONDOLIBROS SECUNDARIA

Mér, 15/09/2021 - 17:00

Xa se pode consultar no centro ou na aplicación Fondolibros a listaxe definitiva do préstamo de libros de texto para secundaria para o curso 2021-22.

Distribuir contido


by Dr. Radut