Actividades conxuntas

San Valentín no CPI

Ven, 2020-02-14 13:40 — secretaria

Este ano celebramos o San Valentín cun concurso de postais coordinado polo Equipo de Dinamización da Lingua Galega. O trato era escribir unha dedicatoria amorosa a un obxecto de uso habitual, non a persoas. A acollida foi super amorosa. Participou o alumnado de Primaria e Secundaria e entre os obxectos elixidos estaban o móbil, as lentes, a mochila, a lingua galega, as mascotas... En fin, postais cheas de amor e creatividade a partes iguais.

Ollade que bonito nos quedou o corredor central, coas postais do alumnado.

DÍA DA PAZ. XOGOS COOPERATIVOS.

Mér, 2020-02-12 13:15 — secretaria

O día 7 de febreiro, xa que as condición climatóloxicas foron adversas, conmemoramos o día da paz coa celebración da primeira edición dos xogos da paz. A actividade consistiu en superar diferentes retos cooperativos por parte do alumnado e profesorado do centro.

Aquí vos deixamos diferentes mostras das actividades.

Aquí podedes consultar fotos das actividades:

CICLO DE CINEMA (DEREITOS HUMANOS)

Lun, 2020-02-10 09:33 — secretaria

Coincidindo coa celebración do día paz, no CPI desenvolveuse un ciclo de cinema sobre os dereitos humanos, onde todo alumnado do centro visionou diferentes filmes que despois traballáronse na clase. Os nosos paraguas do corredor central, desta volta,convertíronse na carteleira do cineclube.

Aquí vos deixamos unha pequena mostra da actividade.

Os filmes seleccionados foron os seguintes:

Cuerdas (Educación infantil)
Chicken run.Evasión en la Granja (1º EP)
The box (2º EP)
De la India a París en un armario de Ikez (3º e 4º de EP)
La sal de la tierra (5º de EP)
Cadena de favores (6º de EP)
Persépolis (1º da ESO)
Promises (2º da ESO)
También la lluvia (3º da ESO)
El gran dictador (4º da ESO)

20 D. ACTUACIÓNS DO FESTIVAL DE INVERNO.

Sáb, 2019-12-21 11:26 — secretaria

O 20 de decembro celebramos o festival no CPI. Clicando abaixo podedes ollar a variedade de propostas dos diferentes grupos de Educación Infantil e Primaria.

4º de EI: "Os meses do ano"

1º de EP:"We will jingle"

5ºA de EP: "Acrosport Alegría"

5º de EI: "A miña tía"

2º de EP: "O paxariño malferido"

5ºB de EP: "Acrosport Alegría"

6ºA de EI: "Movendo o pé"

2º de EP:"Reindeer Hip Hop"

6ºB de EP: "A foto de Nadal"

6ºB de EI: "Esto báilase así"

3º e 4º de EP: "O valo"

6ºA de EP:"Feliz Navidad

te deseo cantando"

Para ver as fotos do festival consultade aquí

VISITA DOS PAXES REAIS

Ven, 2019-12-20 13:31 — secretaria

Como cada ano, o luns 16 de decembro, recibimos aos paxes reais que visitaron ao alumnado de Educación Infantil e 1º e 2º de Educación Primaria.

Aquí vos deixamos unha pequena mostra desta visita.

A ÁRBORE SOLIDARIA

Ven, 2019-12-20 13:19 — secretaria

Facendo unha chiscadela ao noso tema transversal: "Somos diferentes, Somos iguais. Os dereitos humanos", no noso centro decidimos facer unha árbore solidaria onde as familias depositaban xoguetes e alimentos. Estas achegas foron donadas a Cáritas de Cuntis.

Grazas pola colaboración das familias do CPI.

OS NOSOS PARAGUAS PARTE I e II

Ven, 2019-12-20 13:13 — secretaria

Este curso decidimos encher o corredor principal do centro con paraugas que se adaptan as diferentes festividades e conmemoracións do CPI.

Presentamos unha pequena evolución desde o magosto/samaín ata o Nadal.

Estade moi atentos a estes trebellos, xa que irán mudando ata o remate do curso.

VISITA AO CENTRO DE DÍA

Ven, 2019-12-20 00:13 — secretaria

Este mércores 18 de decembro o alumnado de 6ºB de Educación Infantil, 2º de Educación Primaria e 6º B de Educación Primaria visitaron o centro de día de Cuntis. Alí representaron actuacións que incluíron desde a música, pasando polo teatro e o baile.

Aquí vos deixamos unha pequena mostra da actividade.

DÍA INTERNACIONAL DAS PERSOAS CON DISCAPACIDADE

Mér, 2019-12-18 17:22 — secretaria

O Martes 17 de Decembro conmemorouse o Día Internacional da discapacidade no CPI, cunha charla de Susi Fandiño, da asociación Avanzar, que lle contou ao alumnado da ESO as súas vivencias a súa infancia até o de agora.

O alumnado de Educación Infantil e de Educación Primaria participou durante este mes de decembro, como vén sendo tradicional, no concurso de debuxos e de redaccións promovidos pola xente de Avanzar. Os premios destes concursos entregáronse no festival de inverno para o alumnado, que se celebrou o xoves 19 de decembro.