ENDL

PREMIOS LINGUA DE NAMORAR 2017

A alumna do noso centro Inés Amado Rodríguez, de 4º da ESO, acadou o SEGUNDO PREMIO DO CONCURSO "LINGUA DE NAMORAR" na categoría de alumnado de Educación Secundaria coa seguinte mensaxe:

"Decidiches escribir poesía comigo, empregando metáforas atopadas nos meu ollos, redactando versos sacados dos meus beizos, engadindo refráns arrincados das nosas vivencias... Desexaches que formase parte desta historia, sendo así o capítulo culminante da túa vida. Decidiches escribir poesía comigo, e nela me enclaustrei para non perderte xamais..."

Moitos parabéns Inés, de parte de todos/as os/as teus compañeiros/as e todo o profesorado do teu colexio.

Se queredes máis información premede nesta imaxe

                                          

Obradoiro de Toponimia con Vicente Feijoo

Na tarde do martes, visitou o noso centro Vicente Feijoo Arán, responsable da Comisión de Onomástica e Toponimia da Real Academia Galega, que lle transmitiu a todo o alumnado de secundaria a importancia da toponimia como patrimonio inmaterial e animou á investigación dos topónimos e micropónimos cuntienses para posteriormente incluílos na aplicación informática oficial.

O alumnado estivo atento e amosou moito interese polos nomes dos lugares. O tempo quedou curto xa que houbo moitas preguntas e por iso esperamos que poida volver dentro duns meses para aclarar dúbidas e aspectos sobre os nomes dos lugares onde vive o noso alumnado.

Esta actividade está vinculada con dous proxectos que se están a levar a cabo no centro: o proxecto Dragal e o de Dimanización lingüística.

Premede na imaxe para ver algunhas fotos.

                                

Photocall do Día de Rosalía

O 24 de febreiro celebramos o Día de Rosalía cunha serie de actividades organizadas pola profesora do departamento de Lingua Galega e coordinadora do EDNL do noso centro Natividad Diéguez, e coa colaboración da profesora do departamento de língua castelá Susana Sánchez; entre estas actividades, que ademáis foron gravadas e emitidas pola TVG no espazo Galicia Noticias, estaba un photocall no corredor principal do colexio e un ManequinChallenge que fixeron os/as rapaces/as de primeiro da ESO.

Premede nestas imaxes ou visitade a nosa galería de fotos para botar unha ollada aos mellores momentos do photocall.

       

Celebrando a Rosalía na TVG

Un equipo de informativos da TVG visitou esta mañá o noso centro para grabar unha das actividades que estamos a desenvolver con motivo do Día de Rosalía. Tiñamos preparado un photocall no corredor principal e volvemos por en marcha o MannequinChallenge que fixeron os rapaces de primeiro da ESO coa colaboración das profesoras de língua galega Natividad Diéguez e de língua castelá e coordinadora do Club de lectura Susana Sánchez
Aquí vos deixamos o enlace á reportaxe no minuto 49,34.

Cambio de roles

Esta semana, a alumna de 1º da ESO, Sara Sabir Moussaqhi estivo dando clase en 4º da ESO sobre a súa cultura de orixe, a árabe.

Na súa exposición, tratou varios aspectos como a comida, o alfabeto árabe, a vestimenta e a música. O alumnado, curioso polos costumes árabes, fixo moitas preguntas e ao final Sara organizou un pequeno concurso de preguntas sobre a súa intervención.

Como podedes ver, a adaptación de Sara é estupenda e é unha marabilla escoitala falar en galego.

Velaquí o vídeo da súa exposición e algunhas FOTOS desta clase tan diferente.

                                    

Concurso Telearqueoloxía

O alumnado da materia de Paisaxe e Sostibilidade de primeiro da ESO do noso colexio realizou co profesorado de Plástica e Galego unha curtametraxe titulada "Castrolandín" para un concurso, premede no seguinte enlace para velo e se vos gusta votádeo por favor! Graciñas!

                   

                                        http://telearqueoloxia.museo.depo.es/index.php/lascas/

Falando con Manuel Núñez da súa obra

Este martes 22 de novembro de 2016 visitou o noso centro o autor Manuel Núñez Singala coas súas obras Mar de Fondo e Camiños na Auga. Mantivo un encontro moi interesante con todo o alumnado de Secundaria do noso colexio no que intercambiou opinións e moitas máis historias humanas e vitais. 

                                             

Aquí podedes ver algunhas das fotos que sacamos deste encontro premendo nas imaxes ou visitando a nosa galería.

Festa das Letras Galegas 2016

A semana do nove ao trece de Maio celebramos no noso centro a Festa da Língua cunha serie de actividades en torno á figura do homenaxeado deste ano, Manuel María.

O alumnado de Infantil, Primaria e Secundaria xunto co profesorado programamos unha morea de actividades ao abeiro da vida e fructífera obra do autor chairego. Os maiores fixeron unha obra de teatro, os cativos/as aprendemos poesías e ata tivemos concurso de vídeos a favor da nosa Língua. Non podemos esquecernos da colaboración, un ano máis, do noso colexio coa Asociación Fervedoiro na posta en marcha dos premios Carme de Xinzal.

E ademáis, este ano temos unha novidade que parece que gustou moito a todos e todas, o noso Photocall da Língua, un lugar de reunión onde podes tirar unha foto cos amigos/as, sacando a língua, e por enriba levas un caramelo máxico que che pinta de azul a língua, todo un exitazo.

Coma sempre, visitade a nosa galería de fotos ou premede nas fotos para botarlle un ollo á nosa Semana das Letras Galegas.

                

        

 VÍDEOS DAS LETRAS GALEGAS 2016

A escritora Ledicia Costas visita o noso centro

Este martes 15 de marzo visitou o noso centro a escritora Ledicia Costas, autora de historias coma Unha Estrela no vento, O corazón de Xúpiter, Recinto gris, Escarlatina, a cociñeira defunta.... entre os que se atopan varios premios de literatura infantil nacional. O alumnado da ESO desfrutou dun pequeno encontro coa autora e levaron consigo algúns exemplares das súas obras literarias asinadas pola autora.

Podedes visitar a nosa galería de imaxes para ver algunhas fotografías que sacamos ou premendo nalgunha destas imaxes.

                            

3º Certame Poético Carme de Xinzal

O pasado martes 26 de maio tivo lugar no noso centro a entrega de premios do certame poético "Carme de Xinzal", que organiza a asociación cultural O Fervedoiro; o alumnado galardoado foi Paula Eiras Campos (2º ESO), Abraham Amor Amado (3º ESO) e Jennifer Mesejo Puga (4º ESO). Se queredes ver máis fotos sobre o acto, premede sobre as seguintes imaxes:

   

Distribuir contido