Skip to Content

ENDL

Festa das Letras Galegas 2016

A semana do nove ao trece de Maio celebramos no noso centro a Festa da Língua cunha serie de actividades en torno á figura do homenaxeado deste ano, Manuel María.

O alumnado de Infantil, Primaria e Secundaria xunto co profesorado programamos unha morea de actividades ao abeiro da vida e fructífera obra do autor chairego. Os maiores fixeron unha obra de teatro, os cativos/as aprendemos poesías e ata tivemos concurso de vídeos a favor da nosa Língua. Non podemos esquecernos da colaboración, un ano máis, do noso colexio coa Asociación Fervedoiro na posta en marcha dos premios Carme de Xinzal.

E ademáis, este ano temos unha novidade que parece que gustou moito a todos e todas, o noso Photocall da Língua, un lugar de reunión onde podes tirar unha foto cos amigos/as, sacando a língua, e por enriba levas un caramelo máxico que che pinta de azul a língua, todo un exitazo.

Coma sempre, visitade a nosa galería de fotos ou premede nas fotos para botarlle un ollo á nosa Semana das Letras Galegas.

                

        

 VÍDEOS DAS LETRAS GALEGAS 2016

A escritora Ledicia Costas visita o noso centro

Este martes 15 de marzo visitou o noso centro a escritora Ledicia Costas, autora de historias coma Unha Estrela no vento, O corazón de Xúpiter, Recinto gris, Escarlatina, a cociñeira defunta.... entre os que se atopan varios premios de literatura infantil nacional. O alumnado da ESO desfrutou dun pequeno encontro coa autora e levaron consigo algúns exemplares das súas obras literarias asinadas pola autora.

Podedes visitar a nosa galería de imaxes para ver algunhas fotografías que sacamos ou premendo nalgunha destas imaxes.

                            

3º Certame Poético Carme de Xinzal

O pasado martes 26 de maio tivo lugar no noso centro a entrega de premios do certame poético "Carme de Xinzal", que organiza a asociación cultural O Fervedoiro; o alumnado galardoado foi Paula Eiras Campos (2º ESO), Abraham Amor Amado (3º ESO) e Jennifer Mesejo Puga (4º ESO). Se queredes ver máis fotos sobre o acto, premede sobre as seguintes imaxes:

   

Concerto de Paco Nogueiras: "Brinca Vai"

Por fin chegou e non decepcionou a tan esperada visita do músico compostelán Paco Nogueiras ao noso centro o pasado venres 15 de maio. Con motivo da celebración das Letras Galegas o Equipo de Normalización Lingüística levou a cabo unha serie de actividades para todo o alumnado e como fin de festa para os/as máis cativos/as, que mellor que convidar ao músico Paco Nogueiras para que nos presentara en vivo o seu novo traballo musical "Brinca Vai" da editorial Kalandraka;o alumnado de infantil e 1º e 2º ciclo desfrutou dun concerto moi animado e divertido, cantou, bailou e brincou ao ritmo das alegres cantigas e coreografías deste traballo musical tan completo na nosa língua.

Moitas grazas Paco por brincar con nós e por amosarnos que En Galego, Noso o Mundo É!

Visitade a nosa galería de fotos e vídeos ou premede nestas fotos e enlaces para que vos fagades unha pequena idea da festa que vivimos o día das Nosas Letras.  

                 

VII CONCURSO de MICRORRELATOS e MICROPOEMAS "TERRAS do UMIA"

 A coordinadora comarcal de Equipos de Dinamización da Lingua Galega convoca o VII concurso de microtextos (curso 2014-2015). Poderán participar  todos os centros educativos que integren a Coordinadora Comarcal “Terras do Umia” dos concellos de Barro, Caldas de Reis, Cuntis, Moraña e Portas.

Bases do concurso:

-Sección de Microrrelatos: O texto presentado debe de ser en galego e non conter máis de 100 palabras.

-Sección de Micropoemas: O texto presentado debe constar dun mínimo de dous versos e un máximo de catro.

-Cada persoa só poderá enviar un texto para cada sección.

- A temática será libre, mais debe aparecer necesariamente a palabra “cincocentas”.

- Os traballos deberán entregarllos aos integrantes do EDLG do centro, previa selección de dous textos por grupo. No texto presentado debe constar o nome e apelidos do/a participante, o curso, o centro, así como a categoría á que pertence.

- O prazo límite para entregar os textos será o martes, 18 de febreiro e cada centro escollerá dous finalistas por categoría e presentará os textos “corrixidos”.

 

                                 Categorías:

                                 A: Infantil

                                 B. 1: 1º ciclo de primaria.

                                 B. 2: 2º ciclo de primaria.

                                 B. 3: 3º ciclo de primaria

                                 C: Secundaria

                                 D: Bacharelato.

                                 E: Profesorado, persoal non docente e familias.

 

Premios: Cada centro outorgará os premios que considere oportunos aos seus finalistas. Un xurado designado pola coordinadora dos Equipos de Dinamización da Lingua Galega dos distintos centros concederá un premio comarcal por categoría . Valorarase a orixinalidade e creatividade, así como a calidade lingüística e literaria.

Os traballos premiados en todas as categorías, así como os finalistas dos distintos centros, serán expostos nas rúas dos Concellos participantes co nome do autor e do centro, dentro da programación cultural dos respectivos concellos. Tamén aparecerán nas páxinas webs ou blogs dos centros educativos participantes,  así como nas respectivas revistas escolares.

Certame poético Carme de Xinzal

O martes 17, no salón de actos do CPI Aurelio Marcelino,  fíxose entrega dos premios do certame poético Carme de Xinzal organizado pola asociación cultural O Fervedoiro. O cantautor cuntiense Manoele de Felisa amenizou o acto.

O fallo foi o seguinte:

3) Pola defensa directa da liberdade de expresión e a liberdade de ensino, así como pola clara crítica ao elemento censor; cumprindo todas as bases, resulta galardoado co 3º Premio do II Certame Poético Carme de Xinzal o autor da composición Censura, asinada polo Rapaz do Quinteiro; que aberta a súa plica resultou ser o pseudónimo de Abraham Argibay González, alumno de 2º da ESO.

2) Pola forza transmitida e o xogo de imaxes, polos recursos estilísticos (paralelismos, metáforas,…) e incluso polo ritmo que xeran os seus versos; cumprindo todas as bases resulta galardoada co 2º Premio do II Certame Poético Carme de Xinzal a autora do poema Ninguén, asinado por Vento que sopra do norte; que aberta a súa plica resultou ser o pseudónimo de Laura Lobato, alumna de 3º da ESO.

1) Polas metáforas, pola gran forza visual que transmite, polo xogo que se xera ao comparar a liberdade de expresión cun merlo que pode ser apresado nunha gaiola, e incluso polo suspense e intriga coa que nos deixa de non facemos uso –nós, os seres humanos– dos dereitos que nos son propios; e cumprindo todas as bases resulta galardoada co 1º Premio do II Certame Poético Carme de Xinzal a autora da composición Branco, asinada por Eire; que aberta a súa plica resultou ser o pseudónimo de Regina Touceda Rey, alumna de 3º da ESO.

 

 

           

Calendario 2014

Estreamos o ano co novo calendario do centro. Non esquezades botarlle unha ollada ás efemérides galegas que escollemos para cada mes.

 

 

 

Videoconferencias do IV Día da Ciencia en Galego

O pasado 12 de novembro soubemos un pouco máis de ciencia. O noso centro participou nas videoconferencias do IV Día da Ciencia en Galego organizado pola Coordinadora Galega de ENDL. O 3º ciclo de primaria e o 1º ciclo de secundaria asistiu á charla “Benqueridos insectos” da escritora e catedrática de Ciencias Naturais Marilar Aleixandre. O alumnado do 2º ciclo de ESO fixo o mesmo coa conferencia “Como medir tamaños e distancias da Terra, a Lúa e o Sol” do doutor en Física Jorge Mira Pérez. Todos mostrastes interese polos distintos temas e o número de preguntas formuladas foi considerable.

Desde aquí podedes acceder de novo a elas:

 
Benqueridos insectos (Marilar Aleixandre)   Como medir tamaños e distancias da Terra, a Lúa e o Sol (Jorge Mira)

 Marilar Aleixandre colgou na rede para todos vós a presentación que empregou para apoiar a súa conferencia

 

Lendas polo Samaín

  

Ó longo do mes de outubro fómonos preparando para o Samaín e o alumnado de 1º e 2º de ESO fixo un traballo de recollida de toda unha serie de lendas do seu entorno relacionadas coa Santa Compaña e outra temática de medo. O pasado mécores 30 un grupo destes alumnos/as dramatizounas diante dos nenos de 1º, 2º, 3º e 4º de Educación Primaria.

O alumndo de 5º e algúns de 6º fixeron o mesmo pero foron interpretándo as lendas polas clases de Educación Infantil.

Pasámolo de medo...!!

 

Distribuir contido


by Dr. Radut