CPI Aurelio Marcelino Rey García

Para conmemorar o Día do Libro, desde a Biblioteca convidamos ao profesorado a compartir con toda a comunidade educativa a súa biografía lectora. Cada un dos mestres/as e profesores/as participantes elaborou unha pequena biografía lectora en forma de mural que despois expuxemos no corredor principal do centro para animar a todo o alumnado a mirar e tratar de adiviñar de quen é cada unha das lecturas.
Din que podemos coñecer a unha persoa a través dos seus libros preferidos. Así que non será tan difícil adiviñar que profesores/as están detrás de cada mural.

Premede na imaxe e botádelle un ollo a todo. Para a semana, as votacións do concurso: quen é quen?

Alumnado do noso centro, acompañado polo profesorado de educación física e algúns titores, participou na conmemoración do 25 de abril + EF! , Día da Educación Física na Rúa.

A intención da xornada era dar visibilidade á materia de educación física. Esta actividade permitíramos concienciar a toda a comunidade educativa da necesidade de incrementar o número de horas semanais de educación física no ensino obrigatorio como medida para evitar o sedentarismo e mellorar a saúde do alumnado. Na Praza da Constitución de 12:30 a 13:30 realizaron xogos, bailes e actividades que  pretendían ser unha pequena mostra dos contidos impartidos en nesta área. Agradecer ao Concello que colaborou con nos prestándonos a megafonía.

Premede nas imaxes ou visitade o blogue de Educación Física para ver unhas fotos da xornada.

O alumnado de 5º e 6º de primaria asistiu o xoves a “La maravillosa historia del violín trompeta” de Fetén Fetén no auditorio Afundación de Pontevedra. Neste espectáculo recórrense as diferentes culturas e ritmos da música popular europea do s.XX, pero ademais, pódense ver como vasoiras, serras, utensilios de cociña, cartóns de leite... se convirten en instrumentos musicais.

Despois do teatro, visitamos a exposición fotográfica «Oficios entre lusco e fusco» no Café Moderno. O obxectivo desta mostra é reflexionar sobre a desaparición de moitos oficios pola mecanización do traballo e a produción en masa. Tamén realizamos un obradoiro de tipografía.

Premede na imaxe e poderedes ver algunhas fotos da saída.

Este martes 18 de abril profesorado e familias compartiron unha xornada de formación en primeiros auxilios no noso colexio. Velaquí vos deixamos unhas fotos da xornada organizada polo departamento de Educación Física e un enlace ao blogue deste departamento onde podedes consultar máis actividades que estamos a facer no centro.

https://cuntiscaminodesaude.wordpress.com/2017/04/19/rcp-na-aula/

O alumnado de 3º de Educación Primaria traballou valores a través dun conto polo Día Internacional da Muller. Despois os/as alumnos/as elaboraron e leron para os/as pequechos/as de Educación Infantil o seu propio conto bilingüe "Piggy Book", "O libro dos Porcos". 

Premede nesta imaxe para ver o vídeo-conto que fixemos o alumnado da Sección Bilingüe de 3º de Primaria do noso centro e algunhas fotos que sacamos.  

                                VIDEO-CONTO                                                   FOTOS