Blogues

Hoxe, 9 de abril, os alumnos e alumnas de 5º e 6º, tiveron unha charla impartida polo SPAD de Vilagarcía de Arousa, titulada " Os perigos das TICS". Tema que preocupa a toda a sociedade educativa, polo que tentaremos repetila o vindeiro curso.

Hoxe recibimos no centro a visita de Antonio Magariños, neto do mestre ao que lle da nome o centro. Estivo acompañado de Xoan Antonio Pillado, tamén mestre e compañeiro de promoción de Antonio. Quedamoslle moi agradecidos pola súa visita e invitámolo  a acompañarnos na celebración do 50º aniversario da creación do colexio, que será dentro de dous anos.

Hoxe estivo no centro o Conselleiro de Cultura, Educación e O.U. acompañado do Delegado Territorial de Pontevedra, o Xefe Territorial, o presidente da Deputación, o alcalde de Cambados, o xefe da Unidade Técnica, o inspector da zona e outras autoridades. O Conselleiro explicoulle aos diferentes medios de comunicación presentes as obras realizadas e os proxectos previstos a curto plazo no Concello de Cambados. Procedeuse logo á visita das instalacións polideportivas. Vistas as obras realizadas comprometéronse a ultimar o máis brevemente posible os detalles que quedan pendentes: aillado lateral, mellora do pavimento ... O Conselleiro estivo nunha das aulas, falou con algúns alumnos sobre a Paz e estes sorprendérono coa canción que estaban preparando para celebrar este evento o vindeiro Día 30. Despedímonos co compromiso de realización da parte pendente nas instalacións durante as vacacións de Semana Santa.