SAMAÍN 2019: EXPOSICIÓN DE CABAZAS

SAÍDA DIDÁCTICA AO AUDITORIO DE GALICIA: ANIMALIA

O xoves, 24 de outubro, o alumnado de Educación Infantil, 1º e 2º de Educación Primaria realizará unha saída ao Auditorio de Galicia para asistiren á representación da obra Animalia por Cristina Collazo, Josito Porto e a Banda Municipal de Santiago.

Web compostela capital cultural

VISITA AO BALANDRO JOAQUÍN VIETA

O venres, 20 de setembro o alumnado de Educación Primaria realizou unha visita guiada ao balandro Joaquín Vieta en Porto so Son.

 

 

HORARIO DE INICIO DE CURSO 2019-2020

O inicio das clases en Educación Infantil e Primaria é o mércores, 11 de setembro 

Horario: de 9.45 a 14.45

 

Orde de Calendario Escolar 2019-2020  

BOAS VACACIÓNS!!!

Nós imos para primeiro!!!

EXCURSIÓN DE FIN DE CURSO 6º EP: PARQUE NATURAL FRAGAS DO EUME

O 17 e 18 de xuño, o alumnado de 6º de Educación Primaria saíu de excusión de fin de etapa ao Parque Natural das Fragas do Eume (reserva protexida de bosque atlántico situada preto de Pontedeume).

Durante estes dous días conviviron cun grupo da mesma idade dun colexio de Mugardos no Albergue Alvarella, onde realizaron diversas actividades de coñecemento e protección do medio natural; e outras máis lúdicas de socialización e disfrute da natureza. 

O martes 18 de tarde, realizou unha visita guiada polo Museo de Historia Natural de Ferrol.

 

EXCURSIÓN DE FIN DE CURSO DE 3º e 4º EP: MUSEO DE PONTEVEDRA

O venres 14 de xuño, o alumnado de 3º e 4º de Educación Primaria saíu de excursión de fin de curso á vila de Pontevedra onde realizaron as seguintes actividades: visita guiada ao Museo de Pontevedra, ruta guiada polo casco histórico e xantar no Lago Castiñeiras (Vilaboa-Pontevedra). 

PLAN DIRECTOR: CHARLA SOBRE O USO RESPONSABLE DO TELÉFONO MÓBIL

O venres 7 de xuño, o alumnado de 5º e 6º EP asistiu a unha charla, enmarcada no Plan Director para a convivencia e mellora da seguridade dos centros educativos e os seus contornos, que tratou sobre o uso responsable do móbil e que foi impartida pola Garda Civil.

O xoves 30 de maio, tamén se realizou esta charla enfocada ás familias do alumnado.

  

SAÍDA DIDÁCTICA: CASCO HISTÓRICO DE NOIA

O mércores 29 de maio, o alumnado de 5º e 6º de EP realizou unha visita didáctica ao casco histórico de Noia acompañados polo artista local Serafín Marcos.

SEMANA DAS LETRAS GALEGAS 2019: ANTONIO FRAGUAS

Durante a semana do 13 ao 15 de maio celebramos con varias actividades o Día das Letras Galegas 2019 dedicado ao profesor e escritor Antonio Fraguas.

Como actividade colectiva, o mércores 15 de maio cantamos a canción Chea de vida de Guadi Galego na biblioteca do centro.

Distribuir contido