CEIP VÍCTOR LÓPEZ SEOANE

Este ano querémosvos agasallar cun conto para cada un dos días antes do Nadal. Todos eles cunha temática relacionada coa igualdade, diversidade, repecto e a tolerancia representados polo noso alumnado con todo o seu agarimo. Abride o cartel que corresponde ao día da semana e gozade do conto! Cada día estrearase un deles (non se poderán ver antes do día). Podedes deixar o voso comentario no blog despois de velos para que os creadores poidan velos.

No DOG de hoxe saíu publicada a orde pola que se regulan os criterios e o procedemento de distribución de máscaras entre o alumnado de EDUCACIÓN PRIMARIA. 

Orde do 6 de novembro do 2020 (publicada no DOG do 13 de novembro de 2020)

BENEFICIARIOS:

1. Alumnado de Educación Primaria. 
2. O alumnado que fose beneficiarios da axuda para adquirir material escolar (o cheque de material de 50 euros). ESTAS FAMILIAS NON TERÁN QUE PRESENTAR SOLICITUDE, CONCÉDESELLES DE OFICIO. 
3. Familias que non tiveron cheque de material escolar para este curso e, ainda así, teñen unha renda per cápita igual ou inferior a 6.000 euros (renda correspondente ao exercicio 2018).
4. Alumnado matriculado en Educacíón Especial, ou suxeito á tutela ou garda da Xunta de Galicia ou que teñen unha discapacidade igual ou superior ao 65%, con independencia da renda da unidade familiar. 

PRAZO DE PRESENTACIÓN

• O prazo de presentación das solicitudes serán de dez (10) días hábiles contados a partir do día seguinte ao da publicación desta orde no DOG (é dicir, do luns 16 de novembro ata o venres 27 de novembro).
• As solicitudes presentaranse de maneira presencial no colexio PREVIA CITA (solicitarase por correo electrónico no mail ceip.victor.seoane@edu.xunta.es)

DOCUMENTACIÓN

• Impreso de solicitude
• Copia do Libro de familia ou documento equivalente, onde figuren o alumno/a e os demais membros da unidade familiar. 
• Outra documentación acreditativa en caso de separación ou divorcio, discapacidade do alumnado, situación de violencia de xénero...

AVISO IMPORTANTE PARA O ALUMNADO QUE CURSABA 6º NO CURSO 19-20

Dende Manzaneda xa realizaron a devolución dos cartos da reserva da excursión programada o pasado curso e que foi cancelada por mor do confinamento. Realizaremos a entrega dos cartos o xoves 22 de outubro de 2020 de 16:00 a 18:00. Poderán pasar a recollelo as nais, pais ou titores legais. Por mor do COVID-19 a entrega realizarase do seguinte xeito: Chamades ao timbre e o conserse achegarase co sobre e o listado para anotar a recollida. Moitas grazas.

ELECCIÓNS CONSELLO ESCOLAR

Resolución do 30 de setembro de 2020 (DOG do 08/10/2020)

MARTES 29 DE OUTUBRO ÁS 12:00 HORAS, 

SORTEO PÚBLICO PARA A DESIGNACIÓN DOS 

MEMBROS DA XUNTA ELECTORAL

(Titulares e Suplentes)

IMPORTANTE: A RENOVACIÓN DO CONSELLO ESCOLAR QUEDA POSPOSTA ATA NOVO AVISO

Deixámosvos información sobre o proxecto E-Dixgal, soporte e seguro dos ordenadores. 

No lateral da páxina, no apartado de protocolo COVID, en documentos, tedes colgados os protocolos adaptados da ANPA FARO e o da FEDERACIÓN DE ANPAS.

Familias, cando deixemos aos peques no cole temos que dar exemplo, sexamos puntuais e manteñamos as distancias!!! É duro, pero necesario.

Agradecemos a colaboración das familias pola boa entrada no día de hoxe. 

Recordade que debedes chegar ao centro no voso horario, nin antes nin despois para evitar aglomeracións. 

GRAZAS, GRAZAS E GRAZAS!!!

A continuación podedes ver por qué camiño terá que entrar o/a voso/a fillo/a. Cada curso ten unha cor pola que deberán entrar para garantir a distancia. 

Lembrade que o horario de entrada/saída son distintos para cada nivel. 

                                        EDUCACIÓN INFANTIL

                4 e 5 ANOS.      ENTRA 5 ANOS ÁS 9:05h. E 4 ANOS ÁS 9:10h.

                                     EDUCACIÓN PRIMARIA

                                           1º e 2º   ENTRAN ÁS 9:00h.

                                            3º e 4º   ENTRAN ÁS 8:55h.

                                            5º e 6º     ENTRAN ÁS 8:50h.

          CAMIÑOS QUE DEBERÁN SEGUIR SEGUNDO A SÚA COR.

O alumnado que se incorpora por primeira vez ao centro terá que esperar ata ás 9:15horas no exterior do recinto para que o profeosrado os acompañen as súas respectivas aulas.