Como xa sabedes de anos anteriores, o próximo 17 de maio, festexamos o Días das Letras Galegas. Este ano adícaselle a Ricardo Carvalho Calero.
En atención á situación excepcional que vivimos por mor da Covid-19 e ás especiais circunstancias en que se celebra este ano o Día das Letras Galegas, a editorial Bolanda, coa colaboración da Secretaría Xeral de Política Lingüística, pon no Portal da Lingua Galega, a disposición dos máis pequenos da casa, un novo volume da colección As miñas primeiras Letras Galegas dedicado a Ricardo Carvalho Calero.
Grazas a isto, os nenos e nenas galegos coñecerán, da man dos seus amigos Os Bolechas, o persoeiro a quen se lle dedica este 2020 o Día das Letras Galegas e achegaranse a unha das súas obras narrativas fundamentais: Scórpio.
Ademais o Equipo de Normalización Lingüística, a través do enlace http://aspitas.gal, pon en marcha unha iniciativa destinada a aproximar aos escolares de idades comprendidas entre os 3 e os 12 anos a figura e a obra de Ricardo Carvalho Calero.
Dende dito enlace temos acceso ao conto "As pitas baixo a choiva", a 4 pezas musicais inspiradas no conto e a unha unidade didáctica que ten como finalidade dar a coñecer de xeito lúdico a Ricardo Carvalho.
Queredes escoitar o conto???
Pois imos alá ... preme na imaxe para que comece.
Ademais, se o que queredes é lelo por vós mesmos e facer unhas actividades, aquí tedes os enlaces:
Demostrádenos o que aprendestes!!!
Entran no seguinte enlace e realizan as actividades destinadas ao nivel escolar no que te atopas:
http://seminariogalan.org/inicio/portada/actividades/
ou ben, atrévete co seguinte rosco:
https://es.educaplay.com/recursos-educativos/5768967-o_rosco_de_carvalho_calero.html
