Durante o mes de novembro deste ano procederase á renovación parcial dos membros do Consello Escolar dos centros de ensino de Galicia.

No seguinte cadro recóllense as fases xerais do proceso:

Dende a dirección do centro, animámosvos a que participedes neste proceso tanto como candidatos/as coma electoras/es. Lembramos que o Consello Escolar é un órgano fundamental no goberno da nosa vida educativa. Por conseguinte, é moi importante que todos os sectores estean ben representados.

Ao longo das próximas semanas recibiredes máis información. Para calquera outra consulta, estamos á vosa disposición no centro.

As persoas que xa foron beneficiarias da axuda para adquirir material escolar por importe de 50 Euros, ao abeiro da orde do 29 de abril de 2022, percibirán unha contía individual de 25 Euros adicionais, tal e como se publicou no DOG de hoxe (RESOLUCIÓN do 5 de outubro de 2022 de concesión directa da ampliación da axuda para adquirir material escolar, regulada na Orde do 29 de abril de 2022).

Podedes recoller os vales na secretaría do centro, nos días e horas que se indican a continuación:

MARTES: de 09:00h a 09:50h e de 16:00h a 17:00h

VENRES: de 09:00h a 09:50h

Estimada comunidadade educativa;

Xa estamos a organizar o novo curso escolar, polo que vos indicamos algúns aspectos organizativos a ter en conta.

• O día 8 de setembro dará comezo a actividade lectiva en horario habitual, de 09:00 a 14:00 horas (o alumnado de educación infantil sairá 5 minutos antes).
• O servizo de transporte escolar e comedor funcionarán con normalidade.
• As cancelas do centro abriranse ás 08:55 horas, podendo acceder ao recinto o alumnado e as familias.
• O alumnado de educación infantil poderá acceder ao recinto pola cancela das escaleiras e pola cancela de corredera, debendo entrar posteriormente no patio cuberto. Sairá pola porta traseira do edificio.
• O alumnado de 1º e 2º de primaria accederá ao centro pola cancela pequena, e sairá pola porta traseira do edificio.
• O alumnado de terceiro e cuarto, poderá acceder ao recinto pola cancela das escaleiras e pola cancela de corredera. Sairá pola porta traseira do edificio.
• O alumnado de 5º e 6º poderá acceder ao recinto pola cancela das escaleiras e pola cancela de corredera. Sairá pola pola cancela pequena.

As reunións de inicio de curso, levaranse a cabo nas aulas de referencia de cada grupo, nas horas e datas que se indican a continuación:

 Bo curso a todos e todas! 

LINGUA EXTRANXEIRA: INGLÉS

RELIXIÓN CATÓLICA

"Xogando coa música" rematamos este curso 2021-2022. Así se titulou o noso proxecto de centro, con él, o alumnado achegouse á cultura dos xogos populares e ao seu vencellamento coa música, empregou a música como recurso valioso para achegarnos a diversidade de temas, bailou múltiples coreografías que lle permitíu realizar actividade física, e puxemos en valor o emprego do galego na súa vertente oral a través do xogo. Grazas pola participación de toda comunidade educativa, sen vós, todo isto non sería posible.

Vémonos en setembro con novos proxectos! Bo verán e felices vacacións! 

O Concello de Mugardos pon en marcha unha campaña de sensibilización á cidadanía mugardesa co obxectivo de educar e concienciar en materia de educación afectivo sexual, relación sans de parella, violencias de xénero e violencias sexuais partindo do protagonismo das súas rapazas e rapaces que actúan como axentes reais de cambio.

Logo de desenvolver diversos obradoiros nos centros educativos do concello , o alumnado saiu ás rúas para sensibilizar a comercio e empresas locais sobre a prevención e identificación da violencia de xénero. A imaxe da campaña son 4 cartaces deseñados polo alumnado, nos que figuran os valores da igualdade e os teléfonos aos que se pode acudir para denunciar ou solicitar información sobre violencia de xénero, ciberseguridade, violencia contra a infancia, e Diversidade sexual (LGTBI).

Esta campaña enmárcase dentro da programación de prevención da violencia de xénero financiada cos fondos do Pacto de Estado contra a Violencia de Xénero.

Vero Rilo visitou o noso centro e contounos unhas apaixoantes historias. Moitas grazas a Vero e á nosa ANPA por organizar esta actividade!

Traballamos o ritmo con diferentes materiais de refugallo e executamos diversidade de composicións.

O alumnado desfrutou dunha mostra do proceso de elaboración de instrumentos de música tradicional galega. Moitas grazas Salva por ensinarnos a orixe dos instrumentos e deixarnos facer música con eles!

Este día tan importante para tódalas galegas e galegos adícase este ano a Florencio Delgado Gurriarán, e na súa honra, levamos a cabo varias actividades.

Flores por palabras:

Como se poido observar, no aparcadoiro próximo ao centro, houbo un posto especial no que se trocaban palabras en galego por flores. Agradecemos enormemente a boa acollida que esta proposta tivo... agasalláchedenos con palabras ben bonitas!

Xincana de Florencio:

O xogo non pode faltar! Tódolos cursos participamos dunha xincanana que, respostando a diferentes preguntas coas que demostrabamos o coñecemento que temos de Florencio, iamos conseguindo un código que nos permitiría abrir o tesouro cun pequeno agasallo para cada un/unha de nós... Foi moi divertido e, ademais de aprender unha chea de cousas... pasámolo xenial!

Os camiños de Florencio:

Creamos unha instalación no aparcadoiro con dúas liñas do tempo no que poder coñecer os datos máis relevantes da vida e obra de Gurriarán. Achegádevos a ler e coñecer a Florencio!

Galegas e galegos do mes:

Este mes, especialmente, estivemos demostrando o dominio que temos do galego. Noraboa a todas aquelas persoas que lográchedes ser "Galegas e galegos do mes"!

Agora... todo o mundo a procurar ser "Galegos e galegas do ano"!