Prazo de solicitude: Do 21 de maio de 2024 ao 21 de xuño de 2024 (ambos inclusive).

Devolución dos libros do curso 2023- 2024: ata o 21 de xuño.

Publicación da listaxe provisional: luns 24 de xuño.

Reclamación ás listaxes provisionais: días 25 e 26 de xuño.

Publicación de listaxes definitivas: xoves 1 de xullo.

Entrega de vales e libros do fondo: dende o día 2 ao 9 de xullo, de 10:00 a 13:00 horas.

*As persoas que non recollan os vales e os libros do fondo nas datas fixadas, poderán recollelos na primeira semana de setembro.

Orde do 7 de maio de 2024 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obligatoria e educación especial en centros docentes sostidos con fondos públicos para o curso escolar 2024/25

O prazo de presentación de solicitudes é do 21 de maio ao 21 de xuño de 2024.

Alumnado destinatario:

Fondo solidario de libros de texto: alumnado matriculado en 3º e 4º de primaria, posto que 5º e 6º ao participar no proxecto E- DIXGAL está excluído da partcipación no fondo solidario de libros de texto e das axudas para adquirir libros de texto. Non obstante, poderá solicitar a axuda para adquirir material escolar cando reúna os requisitos establecidos na orde.

Axudas para adquirir libros de texto: alumnado matriculado en 1º e 2º de educación primaria.

Axudas para adquirir material escolar: alumnado matriculado en educación primaria.

O alumnado que promociona á ESO presentará a solicitiude no IES onde reservou praza.

As solicitudes presentaranse a través da aplicación Fondolibros (Sede electrónica da Xunta) mediante o Certificado dixital ou a Chave 365, ou presencialmente na secretaría do centro, mediante a presentación dos Anexos I e II.

O horario de secretaría do centro para poder presentar as solicitudes é o seguinte:

Martes e mércores: de 09:05 a 09:50.

Mércores: de 13:10 a 14:00 horas.

O alumnado clasificado na fase local previa, participou no Campionato Provincial de cros de centros educativos, celebrado en Porto do Son. Parabéns aos participantes!

A Policía Local e o GES de Mugardos, visitáronnos para darnos unha pequena charla sobre a importancia da loita contra a vespa velutina, elaboración de trampas, e colocación das mesmas na contorna do centro.

Alumnado de educación infantil e de primeiro e segundo curso de primaria, desfrutaron dunha sesión con Inma Soto Iglesias, autora do conto "Xela, a superheroína de aldea".

Grazas á nosa ANPA por achegarnos esta actividade!

Todo o alumnado que presentou solicitude de admisión, resultou admitido. As listaxes están publicadas na corcheira interior do centro.

Durante o presente curso o noso centro está a participar no Programa Acompaña, dirixido ao alumnado da etapa de Educación Infantil e dos dous primeiros ciclos de Educación Primaria dos centros educativos públicos dependentes da Consellería de Cultura, Educación, Formación Profesional e Universidades.

Na seguinte ligazón tedes máis información sobre as actuacións que se están a levar a cabo.

INFORMACIÓN PROGRAMA ACOMPAÑA

O prazo para presentar solicitudes de admisión é do 1 ao 20 de marzo. Nos arquivos adxuntos tedes o impreso de solicitude, un documento co número de prazas vacantes que se ofertan por curso, e unha nota informativa sobre o procedemento de admisión do alumnado.

Xunto co impreso de solicitude tamén deberase adxuntar unha fotocopia do libro de familia e (para o alumnado de primaria que provén doutro centro), un certificado de matrícula.

Para realizar a solicitude de admisión de xeito telemático, farase a través da seguinte páxina da Consellería.

 https://www.edu.xunta.gal/admisionalumnado/PaxinaInicio.action

- Documento de solicitude de admisión

 -Nota informativa sobre o procedemento de admisión

- Vacantes admisión curso 24-25