Desta volta celebramos o día facendo o noso particular "amigo invisible". Así lembramos o importante que é para cada un de nós a xente da que estamos rodeados cada día, e o necesario que resulta amosar afecto e sentirse querido/a. Nesta ocasión agasallamos a unha compañeira ou compañeiro do cole cun ramallete de herbas e flores que podemos atopar nesta época do ano, e que realizamos axudándonos mutuamente. 

Tampouco faltou a música nesta celebración tan especial: Imagine, de John Lennon, Só con tres letras, de Gloria Fuertes, e un "Rap pola paz", elaborado polo alumnado de sexto curso de primaria.

Dende o día 16 de xaneiro ata o 6 de febreiro, está aberto o prazo para realizar a reserva de praza no centro de adscrición (IES de Mugardos), para o alumnado que cambia de etapa educativa.

As solicitudes deberán presentarse na secretaría do noso centro os martes e venres de 09:00 a 09:50 horas, e o martes pola tarde de 16:00 a 17:00 horas, ou telemáticamente,  a través da aplicación "admisionalumnado" (https://www.edu.xunta.gal/admisionalumnado/), utilizando o menú: solicitudes- reserva- crear.

As familias que non queiran facer reserva  no centro adscrito, deberán solicitar praza para os/as seus/súas fillos/fillas no centro da súa elección entre o 1 e o 20 de marzo.

O profesorado do CEIP Plurilingüe Unión Mugardesa, quere desexarvos a todo o alumnado e familias, unhas felices festas e próspero 2023.

Durante o primeiro trimestre realizamos diferentes excursións, que nos permiten desfrutar e aprender de diferentes ámbitos culturais, artísticos e deportivos. Visitamos a exposición "Ferrol no tempo", na sede de Afundación en Ferrol, asistimos a diferentes obras de teatro no auditorio de Narón e na sede de Afundación, participamos nunha actividade de remo proposta pola escola de remo do Club do Mar de Mugardos, fixemos campo a través no estadio Municipal de Río Seco en Narón, e visitamos o Museo Caldoval.

Como cada curso, participamos no "Plan Director" organizado pola Garda Civil. Este Plan pretende previr calquera risco que afecte á seguridade e o benestar d@s nos@s menores, na escola e na súa contorna. O alumnado de 5º e 6º recibiron formación e información preventiva en torno ás seguintes temáticas: Violencia de xénero, riscos de internet, e acoso escolar.

Para conmemorar o Día Internacional da Eliminación da Violencia contra a Muller,  participamos na andaina organizada polo Concello de Mugardos para os centros educativos do mesmo. Ao remate da mesma, na plaza do Concello, levouse a cabo a lectura dunha declaración institucional, a celebración dun minuto de silencio, e o lanzamento de globos simbólico. 

Tamén realizamos no centro distintas actividades, entre elas, un baile para a canción de Sofía Espiñeira "Non teño medo".

No seguinte vídeo recollemos unha xornada chea de aprendizaxes, convivencia e celebración das nosas tradicións. A nosa esfolla e Magosto.

Grazas á asociación Apelón é a ANPA pola vosa colaboración!

Unha vez rematado o prazo de presentación de candidaturas dos pais/ nais, persoal de administración e servizos e profesorado, ao Consello Escolar, proclámanse as seguintes candidaturas presentadas.

CANDIDATURAS CONSELLO ESCOLAR NAIS/PAIS

CANDIDATURAS CONSELLO ESCOLAR PERSOAL DE ADMINISTRACIÓN E SERVIZOS

CANDIDATURAS CONSELLO ESCOLAR PROFESORADO

Nestas eleccións elixiranse un/unha representante das familias, un/unha respresentante do persoal de administración e servizos e tres representantes do profesorado.

O vindeiro martes, 29 de novembro de 2022, terán lugar as votacións para a elección dos pais/nais, na aula de informática, no seguinte horario:

De 09:00 a 09:30 horas, de 13:30 a 14:00 horas e de 16:00 a 16:30 horas

A continuación, vos deixamos un mapa co roteiro en dónde poderedes atopar as cabazas expostas:

Agardamos que o pasedes de medo nesta noite tan especial!