Medidas a adoptar en todos os centros de ensino en relación coa pandemia covid- 19 para os vindeiros 14 días naturais contados dende o día 16 de marzo de 2020

MEDIDAS A ADOPTAR EN TODOS OS CENTROS DE ENSINO NON UNIVERSITARIO

• Suspensión de todo tipo de actividade lectiva regulada en todos os centros de ensino non universitario. Esta suspensión inclúe tamén os servizos educativos complementarios, nomeadamente, o comedor, transporte e servizo de madrugadores, con independencia de quen sexa o organizador dos devanditos servizos.
• Suspéndense no ámbito educativo todas as viaxes de estudos, excursións, ou calquera tipo de desprazamento de grupos de alumnado ou de profesorado.
• Suspéndense no ámbito educativo todo tipo de festivais, galas ou actividades que impliquen a reunión de alumnado.
• O persoal docente e non docente terá a obriga de acudir ao centro educativo. Para os efectos de favorecer a conciliación do persoal con fillos e fillas menores de 18 anos ou maiores que presenten algunha discapacidade e persoas maiores dependentes, o equipo directivo poderá reorganizar o horario de permanencia no centro educativo de cada docente ou persoal de administración e servizos, cumprindo co cómputo total anual do mesmo e debendo reorganizar as tarefas para adecuar a prestación dos servizos básicos de información, atención e tutorización non presencial da súa comunidade educativa. Todo elo dentro do horario de apertura habitual do centro. Esta medida é de aplicación ao persoal que non presente sintomatoloxía.
• Como medida extraordinaria para facilitar a conciliación da vida familiar e laboral de aquel persoal con fillos e fillas menores de 18 anos ou maiores que presenten algunha discapacidade e persoas maiores dependentes, este poderá realizar a súa actividade laboral mediante o sistema de teletraballo nunha porcentaxe non superior ao 50% do seu horario total de permanencia no centro
• O profesorado programará nas páxinas web dos centros ou por outros medios telemáticos, accesibles ao seu alumnado, actividades xenéricas relacionadas cos contidos curriculares para que o seu alumnado as poida realizar no seu domicilio, e fará o seu seguimento, pero non terán carácter de avaliables.
• Para o alumnado de 2º de Bacharelato o profesorado adoptará todas  as medidas específicas necesarias (telemáticas) para garantir de forma non presencial a continuidade das actividades lectivas dos contidos curriculares.
• Suspéndense as prácticas de Formación Profesional (módulo FCT) que se realicen en empresas, incluídas as asociadas a Erasmus +
• Reprogramarase individualmente para cada alumno ou empresa a actividade formativa nos centros de traballo para as ensinanzas impartidas na modalidade de FPDual.
• Nos centros de Educación Especial con servizo de residencia NON se suspende a permanencia do alumnado, agás no caso en que presente sintomatoloxía, en cuxo caso, as autoridades sanitarias adoptarán as medidas pertinentes que garantan o non contacto co resto dos usuarios.
• Suspéndese a permanencia de usuarios nos centros residenciais docentes.
• Suspéndense todas as actividades de formación do profesorado que teñan carácter presencial.

MEDIDAS PARA O ENSINO UNIVERSITARIO

• Suspéndense as actividades académicas no ensino universitario.
• Permanecerán abertas as residencias universitarias, con servizos comúns básicos.
• As bibliotecas universitarias poderán admitir alumnado ata un terzo do seu aforo.

PROCEDEMENTO DE ADMISIÓN DO ALUMNADO

E MATRÍCULA 2020- 2021

Regulado por:

• Decreto 254/2012 do 13 de decembro polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei Orgánica so 2/2006, do 3 de maio de educación. 
• ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
• Corrección de erros. ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

• Orde do 25 de xaneiro de 2017 pola que se modifica a O. do 13 de marzo de 2013. 

CALENDARIO DE ACTUACIÓNS:

·   Do 1 ao 17 de FEBREIRO: reserva de praza nun centro de adscrición para alumnado que cambia de etapa. O noso centro de adscrición é o IES de Mugardos. 

·   Antes do 1 de MARZO: publicación das vacantes dispoñibles no centro.

  Do 1 ao 20 de MARZO: PRESENTACIÓN DE SOLICITUDES DE ADMISIÓN (asinada polos titores que teñan a patria potestade) 

Poden cubrir o formulario de admisión na páxina https: //www.edu.xunta.es/admisionalumnado/a través do menú Solicitudes - Admisión - Crear solicitude de admisión.

Feito iso poden optar por:

Imprimir dito formulario e achegalo ao centro educativo que escollan para o seu fillo ou filla en primeiro lugar.

Se dispoñen de certificado dixital, presentalo en Sede Electrónica a través da aplicación.

Tamén poden cubrir o formulario ED550A proporcionado polo Centro escolar

·   Do 23 de MARZO ao 13 de ABRIL: presentación de documentación para a aplicación do baremo no caso de maior demanda que oferta de prazas.

·   Antes do 25 de ABRIL: publicación provisional do alumnado admitido. Prazo de 5 días para reclamacións e prazo de 5 días para a resolución das reclamacións.

·   Antes do 15 de MAIO: publicación das listaxes definitivas.

·   Do 20 ao 30 de XUÑO: formalización de matrícula.

NOTA INFORMATIVA:

   Cada alumna e alumno só pode presentar unha única solicitude no centro no que solicite praza en primeiro lugar, a infracción desta norma determinará a perda dos dereitos de prioridade que poidan corresponderlle

   O alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.

   O alumnado que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión.

Exposición dos traballos realizados no 1º trimestre no ambiente de ARTE.

 25 DE NOVEMBRO

Co motivo do Día da Violencia Machista (25 N), toda a comunidade educativa participou en diversas actividades.

O alumnado e profesorado elaborou un video a partir do conto "Me llamo Pecas" de Raquel Díaz Reguera, co fin de eliminar estereotipos de xénero.

As familias foron convidadas pola tarde a un encontro no que se visualizou o video e se reflexionou sobre estes aspectos tan importantes na educación dos seus fillos e fillas.

Estas actividades pretenden dinamizar un dos aspectos recollidos na Plan de Igualdade do Centro (eliminación de esteriotipos de xénero).

Queremos agradecer a implicación e participación de toda a comunidade educativa na actividade.

A continuación amosámosvos as actividades realizadas. (pinchade nos seguintes enlaces)

- "ME LLAMO PECAS"

- REFLEXIÓNS DOS NENOS E NENAS

BENVIDOS E BENVIDAS AO CURSO 2019-2020!!

Arrancamos este curso con moitas novas que queremos compartir con toda a nosa comunidade educativa:

• Somos centro PLURILINGÜE!! Aumentamos as seccións bilingües a 1º de primaria, e no vindeiro curso a 2º. A partir de agora o noso cole chámase:"CEIP PLURILINGÜE UNIÓN MUGARDESA" 

• Participamos no proxecto de Educación Dixital (E-Dixgal) en 5º de primaria, para amplialo no próximo curso a 6º.

• Renovamos a nosa Biblio e creamos novos espazos!! Pincha en Dominicus para ver o vídeo