Están publicadas na corcheira interior do centro as listaxes definitivas do alumnado admitido no reparto de máscaras.

Os días 15 e 16 de decembro, procederase á entrega das mesmas na secretaría, de 16:00 a 18:00 horas.

O venres, 13 de novembro, publicouse no DOG a ORDE do 6 de novembro de 2020 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería e en centros privados concertados no curso 2020/21 (código de procedemento ED330E)

Aspectos a ter en conta:

• O prazo de solicitude é do 16 ao 27 de novembro de 2020.

• Dirixidas ao alumnado de educación primaria.

• Destinatarios/as que non teñen que presentar solicitude posto que son beneficiarios/as sen necesidade de realizar ningún trámite: Alumnado beneficiario da axuda para material escolar no presente curso.

• Destinatarios/as que si deben presentar solicitude: Alumnado non beneficiario da axuda para material e que cumpra os requisitos recollidos na convocatoria.

• Lugar de presentación das solicitudes: Na secretaría do centro os martes e mércores de 16:00 a 18:00 horas (sen cita previa), e de luns a venres pola mañá (con cita previa).

Na seguinte ligazón atoparedes o Plan de Continxencia actualizado, onde se recolle a nosa planificación para o ensino virtual, en caso de que a situación sanitaria o requira.

PLAN DE CONTINXENCIA (actualizado)

NORMAS DE ORGANIZACIÓN, FUNCIONAMENTO E CONVIVENCIA PARA O ENSINO VIRTUAL 

PROTOCOLO COVID 19

PLAN DE ACOLLIDA

CURSO 2020/2021

Segundo a orde da Xunta de Galicia que podes consultar AQUÍ, a volta ao cole será escalonada:

• Xoves 10 de setembro: 4ºEI, 5ºEI, 1ºEP, 2ºEP e 3ºEP
• Venres 11 de setembro: 6ºEI, 4ºEP, 5ºEP e 6ºEP

Boa volta ao cole!

* Antes do comezo das clases todas as familias serán convocadas para unha reunión coas correspondentes titoras ou titores.

LISTAXES PROVISIONAIS DO FONDO SOLIDARIO DE LIBROS DE TEXTO, AXUDAS PARA A ADQUISICIÓN DE LIBROS DE TEXTO, E AXUDAS PARA A ADQUISICIÓN DE MATERIAL ESCOLAR

No día de hoxe publicamos na corcheira interior do centro as listaxes provisionais do fondo solidario de libros de texto e axudas para a adquisición de libros de texto e material escolar. Se non podedes achegarvos ao centro, a través de chamada telefónica, podémosvos informar da resolución da vosa solicitude.

As reclamacións á resolución provisional, serán os días 10, 13 e 14 de xullo.

A recollida no centro do vale de libros e/ou do vale material, levarase a cabo os días 15, 16 e 17 de xullo. No caso de non poder recollelos neses días, podedes facelo en setembro.

O reparto dos libros do fondo solidario de libros de texto, levarase a cabo no mes de setembro.

- Do 1 ao 17, ambos inclusive, de 10:00 a 13:00h.

- Os martes: 21 e 28, de 10:00 a 13:00h.

- Os xoves: 23 e 30, de 10:00 a 13:00h.

*Durante o mes de agosto o centro permanecerá pechado.

O COLE, UNHA FÁBRICA DE LUZ