Magosto con xogos populares
Castañas e xogos populares para celebrar o magosto en Baión.
O 11 de novembro, día de San Martiño, foi unha xornada especial, chea de diversión. Puidemos xogar como o facían os nosos maiores. Estes enredos foron todo un éxito entre os nenos, nenas e profes. Os xogos pertencen á colección de xogos populares da Concellaría de Xuventude do Concello do Grove a que agradecemos o seu empréstito así como a Cándido Mascato que é o responsable da colección.
