LISTAXES PROVISIONAIS DE FONDOLIBROS

As listaxes provisionais pódense consultar xa no taboleiro do colexio ou accedendo á aplicación Fondolibros. Nela aparece o número de libros que recibirá cada alumno.

Se son seis libros, corresponderán ás áreas de Matemáticas, Lingua Castelá, Lingua Galega, Naturais, Sociais e Lingua Inglesa. Se son catro, corresponderán ás áreas de Matemáticas, Lingua Castelá, Lingua Galega e Naturais.

As listaxes definitivas publicaranse o día 9 de xullo.

A entrega de vales para a adquisición de libros de texto (1.º e 2.º de Primaria) e/ou material escolar (de 1.º a 6.º de Primaria) será entre o luns 6 e o venres 10 de xullo en horario de 10:00 a 13:00  na secretaría do colexio.

CONVOCATORIA AXUDAS Á ESCOLARIZACIÓN DO CONCELLO

O Concello das Pontes de García Rodríguez vén de convocar as AXUDAS ÁS FAMILIAS PARA A ESCOLARIZACIÓN DOS SEUS FILLOS para o vindeiro curso. Pódese ver a información e descargar o impreso premendo aquí.

FORMALIZACIÓN DE MATRÍCULA 2020/2021

 

 

O prazo para a formalización de matrícula será do 1 ao 10 de xullo de 2020. A documentación a presentar será a seguinte:

- Impreso de matrícula. Pódese descargar aquí ou recollerse na secretaría do centro.

- Certificado de empadroamento.

- 4 fotografías tamaño carné.

- Fotocopia da tarxeta sanitaria.

- Fotocopia do libro de vacinas ou certificado médico.

LISTA DE LIBROS E MATERIAL CURSO 2020/2021

Para ver a lista de libros e material para o curso 2020/2021, preme na imaxe.

 

UNHA DESPEDIDA MOI ESPECIAL

Hoxe remata o curso e, aínda que non podemos estar xuntos, sentímonos moi próximos na distancia. Só temos que ver este vídeo para darnos conta.

 
 
Queremos recoñecer a confianza e o esforzo das familias e do alumnado nesta situación tan especial. Desde o centro mandámosvos o noso cariño e agradecemento.
 
Desexámosvos unhas merecidas e moi felices vacacións!

BOLETÍN DE NOTAS

 

O boletín de notas farase chegar o venres 19 de xuño a partir das 14:00 horas a través da aplicación AbalarMóbil.

DESPEDIDA DOS ALUMNOS QUE REMATAN EI E EP

Estimadas familias, este curso tan atípico e diferente chega esta semana ao seu fin. Para os alumnos de 6.º de Educación Infantil e 6.º de Educación Primaria é especial, porque os pequenos cambian de etapa e os maiores deixan o noso centro para comezar a Educación Secundaria.

Non podemos permitir que marchen sen que leven o recordo do seu paso. Por iso o día 19, último día de curso, farémoslles entrega do diploma de finalización de etapa, da orla e do vídeo da súa graduación. Sentimos que teñan que irse sen o festival de despedida que nos gustaría facer a todos, pero nesta excepcional situación non é posible.

As titoras destes dous cursos mandarán pola aplicación Abalar a hora de recollida.

Moita sorte nesta nova andadura!

 

 

AVISO SOBRE SORTEO TABLETA

Xa chegou o día. O sorteo da tableta farase o 15 de xuño coincidindo co primeiro sorteo da ONCE.

MOITA SORTE A TODOS!!!

IOGA

O ioga encántanos no noso cole, sobre todo aos peques. Ao rematar as nosas clases de Educación Física ou Psicomotricidade,  moitísimas veces faciamos algunha postura.

Unha das iniciativas que levariamos a cabo no noso centro, dende o grupo de traballo Santa María Saudable, era celebrar unha xornada de Ioga para tod@s. Como non puido ser así pola situación que estamos a vivir, a COVID-19, a monitora de ioga das Pontes, Lidia Vilaboy, preparou para nós esta clase. Preme na imaxe para poder vela.

 
Moitísimas grazas, Lidia!!!

ESCENAS DE CINE

Dentro do noso proxecto CINELILI, contamos coa colaboración do alumnado e as súas familias para levar a cabo estas estupendas recreacións de películas moi coñecidas.

Desfrutade con este marabilloso traballo!!!

 
 
Distribuir contido