ESCOLARTE

Como xa sabedes este ano estamos participando en ESCOLARTE, un proxecto no que participamos os tres colexios de primaria de As Pontes. A arte é o eixo fundamental deste proxecto, cuxo obxectivo fundamental é potenciar e fomentar o uso da nosa lingua. O proxecto consta de tres partes:

  • SocializARTE: Consiste en intercambios comunicativos entre os diferentes coles. E-mail, carta, vídeo..., calquer formato é válido para conseguir que o noso alumnado se comunique na nosa lingua.
  • CulturizaARTE: Nesta fase invitamos aos centros a que compartan o seu traballo sobre a ARTE mediante visitas presenciais ou audiovisuais.
  • LembrARTE: A última parte será unha gran Xornada de Convivencia dos tres colexios no lago da localidade. Toda a Comunidade Educativa dos tres centros e de ASPANAES participará o vindeiro 21 de xuño nesta gran "festa" que suporá o broche final a un proxecto que contamos se volva a repetir no futuro.

Aquí vos deixamos o link ao blog que se creou para este proxecto. Esperamos que vos guste. Preme na foto para acceder ao blog.

 

 

 

DÍA DAS LETRAS GALEGAS 2019

O pasado 16 de maio tivo lugar no Cine Alovi o noso Festival das Letras Galegas. A celebración foi un homenaxe a Antonio Fraguas e á nosa lingua. Coa axuda de cancións, poesías, contos, bailes e obras de teatro celebramos esta importante data. Noraboa ao noso alumnado, que, coma sempre, fixo un gran traballo.

Ademais durante toda a semana nas aulas traballouse a figura do autor homenaxeado este ano.

Preme na imaxe para ver as fotos desta conmemoración.

 

AXUDAS PARA A ADQUISICIÓN DE LIBROS DE TEXTO, MATERIAL ESCOLAR E PARA A PARTICIPÀCIÓN NO FONDO SOLIDARIO DE LIBROS DE TEXTO 19/20

 

        No DOG do día 20 de maio de 2019 publícase a Orde do 3 de maio de 2019 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2019/20 (Código de procedemento ED330B).

O prazo para presentar as solicitudes estará aberto ata o venres 21 de xuño de 2019.

Preme na foto para obter máis información.

 

 

Para acceder á aplicación fondolibros, segue este enlace.

 

PROGRAMA DE CONSUMO DE FROITA

OBRADOIRO PRODUCTOS LÁCTEOS

 Como xa sabedes, o centro participa no Programa Escolar de Consumo de Froitas, Hortalizas e Leite. Dentro deste programa, impartírase un obradoiro sobre Produtos Lácteos o vindeiro venres 24 de maio.

Alumnos, familias e profesorado deberán cubrir uns cuestionarios antes e despois da actividade. No caso das familias cubríranse online no seguintes enlaces:

àCuestionario anterior á actividade:

https://docs.google.com/forms/d/e/1FAIpQLSe1llJ2ThuLkfPaUxN7qDda-M7mbHkOUrGCZlqLxkWnxPclGQ/viewform

 

àCuestionario posterior á actividade:

https://docs.google.com/forms/d/e/1FAIpQLSeRIcx5TWuixssqUYiXgqC9gHHxZ0wuNyTJpX0AAkH0QiGrKw/viewform

 

Grazas pola súa colaboración.

LISTAXE DEFINITIVA DE ADMITIDOS CURSO 2019/2020

Nos seguintes archivo pódense consultar as LISTAXE DEFINITIVA DE ADMITIDOS PARA O CURSO 19/20. 

4º Educación Infantil

4º Educación Primaria

O prazo para a formalización de matrícula será do 20 ao 30 de xuño de 2019. 

 

CELEBRACIÓN DÍA DAS LETRAS GALEGAS 2019

Hoxe no noso centro celebramos o Día das Letras Galegas. Esperámosvos no cine Alovi a partir das dez e media.

No seguinte enlace veredes o programa! 

DÍA DO LIBRO 2019

A celebración do Día do Libro no noso centro tivo tres actividades principales. A primeira foi a entrega dos premios do Día da Poesía e de agasallos a todos os participantes. Tamén fixemos o Apadriñamento Lector que resoltou todo un éxito. Por último recibimos a visita de Érika González, cuxa animación foi, coma sempre, moi divertida. 

Ademais, e baixo o lema "LER, VAICHE QUE NIN PINTADO", todo o alumnado fixo e decorou, dun xeito moi artístico, un mini-libro baseado no seu libro favorito. Con todos eles fixemos dúas fermosas árbores de primavera.

Preme na imaxe para acceder á galería de fotos.

VACANTES DEFINITIVAS CURSO 2019/2020

No seguinte enlace pódense consultar as vacantes definitivas para o vindeiro curso 2019/2020.

AVALIACIÓN INDIVIDUALIZADA DE TERCEIRO CURSO DE EDUCACIÓN PRIMARIA

O vindeiro luns 14 de maio ás 16:00 horas terá lugar unha reunión coas familias de 3º de Educación Primaria sobre a Avaliación Individualizada. Preme na foto para obter máis información.

Distribuir contido