3 anos

Temos novo material de aula para traballar o nome e a motricidade fina! Son tarxetas individuais co nome de cada neno/a, onde teñen que identificar cada unha das letras do seu nome e colocar a pinza coa letra correspondente. 

Aproveitamos as tapas dos iogures para clasificalas por cores.

Hoxe, Icía rematou o seu período de prácticas. Dános moita pena que se marche pero ten que acabar o curso na universidade. Agasallounos cun regaliño para cada gatiñ@ e un conto para a aula. Nós tamén tivemos un detalliño para ela e, ademais, MOITOS DEBUXOS.

Icía, esperámoste para o vindeiro curso!!

Esta semana estivemos a traballar de moitas formas o nome propio. Xogamos cos crebacabezas dos nomes, 

con papel charol de cores decoramos a inicial de cada un, 

con selos de diferentes formas decoramos cada unha das letras que compoñen os nosos nomes, 

e para rematar, escribimos o nome con selos de letras!!!!!

e aínda temos algunha proposta

máis para seguir traballando o nome propio!!!

Boa fin de semana familias! 

Hoxe a profe Nati contounos o conto de Leotolda. É un conto moi bonito que, ademais,  ten unhas cores fosforescentes que quedan moi intensas coa luz dunha lanterna.

@s gatiñ@s tamén debuxaron a Leotolda. Só sabían que era redonda e tiña moitas cores.