Benvida
Benvid@s ao sitio web do C.E.I.P. San Isidro de Neda
Día da Paz
Con motivo do Día da Paz, os nenos e nenas do CEIP San Isidro tivemos unha xornada moi bonita. Bailamos, cantamos e gozamos deste día tan sinalado. Á nosa celebración acompañounos Carmen, psicóloga de ALMAT (Asociación de Loita contra os Malos Tratos), que nos adicou unhas palabras sobre o significado da Paz e explicounos o gran labor que fan na súa asociación.
Para colaborar con ALMAT, os nenos/as, mestres/as e familias fixemos unha donación para esta causa tan especial.
Moitas grazas Carmen por amosarnos que todos/as xuntos/as podemos facer cousas grandes!
Unha visita moi especial.
O pasado mércores visitou o colexio o árbitro de primeira división de fútbol Ignacio Villanueva, que impartiu unha interesante charla ao alumnado de quinto e sexto de educación primaria sobre a paz, a igualdade e o respecto. Tamén falou acerca da súa traxectoria persoal e profesional.
Finalmente, contestou a diversas e moi variadas e interesantes preguntas que os nenos e nenas lle fixeron. Foi un pracer que compartira con nós a xornada e todas as súas experiencias e anécdotas.
Moitas grazas Nacho!
RESERVA DE PRAZA NO IES FERNANDO ESQUÍO PARA O CURSO 2019/20
Ábrese o prazo para a reserva de praza no IES Fernando Esquío de Neda, para os alumnos/as que están matriculados en 6º de Educación Primaria no noso centro.
Clicando na imaxe podedes acceder a toda a información. O impreso de reserva deberá entregarse no CEIP San Isidro.
Plan Director
Concurso Pilabot
Estimadas familias:
Dende o centro estamos a participar nun concurso de recollida de pilas, que ten como finalidade fomentar a súa recollida nun punto limpo e informar e concienciar á sociedade sobre a necesidade de realizar este xesto tan importante para o medio ambiente.
É por iso que solicitamos a vosa colaboración e axuda. Os nenos/as levarán, ao longo destes días, un pequeno colector para que poidan ir enchendo e logo baleirar no colexio. Considéranse validas para este concurso: calquera pila, pilas de botón, acumulador ou batería de uso doméstico que estea precintada.
A duración do concurso vai dende o día de hoxe ata o próximo día 11 de febreiro do 2019.
Podedes consultar os premios aos que podemos optar na seguinte ligazón de pilabot
Recicla con enerxía!
Eleccións ao Consello Escolar
O día 20 de novembro, en segunda reunión da xunta electoral, aprobáronse as candidaturas do sector pais/nais de alumnos do CEIP San Isidro de Neda. Os pais e nais que presentaron a súa candidatura para asumir a representación ao Consello Escolar foron os seguintes:
- Dª. Paula Romero Fernández.
- Dª. Beatriz Rodríguez González.
- D. Luís Moledo Pereiro.
A continuación, expoñemos a relación de pais/nais designados mediante sorteo público que formarán parte da mesa electoral. Resultaron elixidos:
1. Vogais titulares para a mesa de pais e nais:
- Noelia Nieto López.
- Manuel Mosquera Estraviz.
- Inés Caballero Jareño.
- Ángel López Romero.
2. Vogais suplentes:
- Esther Carballeira Rego.
- Juan Carlos Aguilar Freire.
- Fernando Saavedra Casas.
- Antonio Pena Martínez.
A formación da mesa electoral farase o vindeiro martes 27 de novembro ás 9:00 horas.
Magosto- Samaín
Queridas familias:
Dende o CEIP San Isidro queremos agradecervos a vosa participación neste “terrorífico día” e que puidésedes celebralo con todos/as nós.
Do mesmo xeito, agradecer a todos os mestres/as e á ANPA polo gran traballo realizado e, por suposto, aos nenos/as pola súa implicación.
Esperamos que o pasásedes de medo!
A Directora
Información das eleccións ao Consello Escolar
Estimadas familias:
Como sabedes, o que caracteriza o éxito nos centros é que as familias mostran unha grande implicación na vida escolar dos seus fillos/as e tenden a participar activamente nos centros educativos, evidenciando así que existe unha relación neta entre logros educacionais e o grao de participación das nais e pais no proceso educativo. Por eso animamos á presentación das vosas candidaturas para formar parte do consello escolar do CEIP San Isidro.
A continuación vos presentamos as seguintes normas, en base á convocatoria de eleccións ao Consello Escolar, SECTOR DE PAIS E NAIS DO ALUMNADO (poden consultar o documento orixinal na páxina web do centro):
1.- Corresponde elixir no presente proceso electoral a 3 pais/nais.
2.- Poden consultar dende o día de hoxe o Censo que está na secretaría do centro.
3.- As candidaturas poderán ser presentadas ata as 14:00 horas do 20 de novembro. Poden recoller na secretaría do centro o impreso de modelo de candidatura.
7.- As votacións realizaranse neste centro o día 27 de novembro, de 08:50 a 09:40 e de 13:00 a 13:45 horas.
Sorteo público para designación de membros da xunta electoral
O vindeiro martes 30 de outubro, ás 17:00 horas, celebrarase na biblioteca do centro o sorteo público para a designación dos integrantes da xunta electoral, que será a encargada de organizar e supervisar o procedemento de elección dos membros do consello escolar do colexio.
As eleccións celebraranse a finais do mes de novembro. Aqueles membos da comunidade educativa que desexen presentar a súa candidatura voluntaria para formar parte do novo consello escolar deberán seguir as instrucións que figurarán nas distintas convocatorias que proximamamente se farán públicas pola xunta electoral do centro.
- 1
- 2
- 3
- 4
- seguinte ›
- última »
