Skip to main content

Blog de infantil

Semana das letras galegas e día nacional da linguaxe de signos.

Posted in
A LINGUA
Chegou unha nena labrega
coa boca cargada de mel
á porta pechada da escola
e non llo quixeron coller.
Dicía:
laranxa,
paxel,
pelouro,
árbore,
tixola,
trepia,
perixel.
Volveu a meniña prá casa
coa boca amarguexa de fel.
¡Coitado o meniño galego,
Se o mestre non fala como el! 
                         
 
Así, con este poema de Helena Villar e Xesús Rábade, comezaba o noso traballo vinculado á semana das letras galegas.
Nesta liña, parecíanos imprescindible mostrarlles o outro lado da nosa lingua, a  súa parte máis triste e, o momento no que, non sempre foi admitida na escola, así como noutros moitos lugares. Afortunadamente, mostráronse un pouco incrédulos e pareceulles incrible que non deixasen entrar a alguén no cole polas súas "palabras de mel".
 
Por todo isto, decidimos representar simbólicamente este poema, escribindo todas as nosas palabras favoritas en galego na nosa porta de entrada ó cole, como un acto que reivíndicase que o galego SI pode traspasar as portas do ámbito educativo.
 
Máis tarde, démoslle unha volta máis, e intentamos chegar a todo o mundo a través da interpretación das nosas verbas en  linguaxe de signos.
 
Un traballo de varios días que deu resultados tan bonitos como este.
 
SODES UNS CRACKS, PEQUENOS XIGANTES!!!!
 

 

 

Clícade na imaxe para poder ver todo o noso traballo.

Agardamos que vos guste!!!

Novamente grazas pola vosa colaboración e paciencia todo este curso!!!

AS ÚLTIMAS PEGADAS DO CAMIÑO...

Posted in

E de súpeto chegou o momento de rematar o proxecto "Neda no Camiño". Despois de percorrer parte da etapa que pasa por Neda, chegamos ao cole e deixamos gravadas os últimos pasos desta andaina.

Quitamos zapatos, calcetíns, e traballando en equipo pintamos os pés de moitas cores.

Pintamos e rimos moitísimo, non imaxinades a cantidade de cóxegas que fan os pinceis nos pés!

 

Camiñamos con moito coidado sobre o papel. E por último... a remollar!

 

Pechamos esta andaina...

pero deixamos gravadas "AS ÚLTIMAS PEGADAS DO CAMIÑO".

 

MERGÚLLETE NO CAMIÑO...

Posted in

Despois de estar todo o curso mergullidos no proxecto de centro "Neda no camiño", decidimos recopilar todas as aprendizaxes, momentos e materiais elaborados, para crear unha pequena exposición na escola.

Os nenos e nenas de infantil quixemos crear un pequeno recuncho máxico, onde as vieiras, un símbolo clave do camiño gañara un especial protagonismo.

Todo comezó coa axuda de Julia, a nosa profe de música, que un día apereceu nas aulas cun bo montón de cunchas de vieiras. Tocámolas, vímolas... e como non tiñan moita cor... collimos pinceis e pintura e solucionamos o problema!!

 

Despois empregamos uns rotus algo "máxicos", a simple vista non se veían moito pero se os achegabamos á luz negra, brillaban como as estrelas!

Pintamos, pintamos, pintamos... e desfrutamos moitísimo desta luz tan máxica!

Unha vez feitas, quedabanos ensiñarllas aos amigos e amigas dos demais cursos, ás familias, ao resto de profes... polo que creamos nun recunchiño da exposición unha instalación artística baixo o nome "O camiño das estrelas", un camiño que se atopa nunha cova no fondo do mar, entre corales e multitude de algas, e onde as nosas vieiras brillan como se foran estrelas nunha noite despexada.

As instrucións para conseguir ver "O camiño das estrelas" son moi sinxelas:

1. Agachade a cabeza.

2. Abride a xanela pola vieira dorada.

3. Ollade e desfrutade!

Agora entendemos o que din a canción que nos acompañou durante este proxecto e que din...

"Imos seguir as frechas que nos levan ata Compostela, 

imos sentir as forzas que nos da o camiño das estrelas"...

 

 

EXPERIMENTAMOS...

Posted in

A semana pasada comezamos a experimentar con cousas relacionadas coa primavera. Como a celebración dos  "Maios" estaba á vista e a clase a tiñamos chea de flores, decimos experimentar con elas!

O experimento consistía en xogar coas cores. Seriamos quen de transformar esos caraveis brancos en caraveis de cores?

Na asemblea comezamos a formular hipóteses... "Os podemos pintar", dicían algúns compas... "podemos botarlles auga con pintura", dicían outras compas...

Presentamos o colorante alimentario, que xa o coñeciamos de facer algunha que outra actividade durante o Samaín.

Preparamos os materiais:

-Auga

-Caraveis

-Colorante alimentario

Cortamos os talos, engadimos auga, botamoslle o colorante... e os fomos colocando nos distintos recipientes.

Colocamos os caraveis na xanela, e tocaba facer a parte máis complicada... AGARDAR O RESULTADO!

Cada pouco mirabamos a ver se xa mudaran a cor! Pero seguían brancos...

Ao día seguinte quedamos coa boca aberta cando descobrimos que os caraveis do frasco azul xa se tiñeran!