Estimadas familias:

Queremos informarlles que a Consellería de Educación ven de publicar a convocatoria que regula a participación no fondo solidario de libros de texto e as axudas para a compra de libros de texto e material escolar para os alumnos/as matriculados en educación primaria para o curso 2024/25.

Os alumnos/as matriculados nos cursos de 5º e 6º para o curso 2024/25, que son cursos E-DIXGAL, están excluidos da participación no fondo solidario libros de texto, poderán solicitar a axuda para adquirir material escolar.

As solicitudes descargaranse da aplicación informática Fondo libros (https://www.edu.xunta.gal/fondolibros) ou nesta páxina, descargando os anexos de abaixo.

O prazo de presentación de solicitudes rematará o 21 de xuño, inclusive, e entregaranse, preferiblemente, por vía telemática ou, de forma presencial no centro. Por vía telemática a través da aplicación de fondolibros ou a través da sede electrónica da Xunta de Galicia.

ANEXO I y II

 DOCUMENTACIÓN

 ----------------------------------------------------------------------------------------------------------------------------------------------

 NORMATIVA QUE REGULA O FONDO LIBROS

• ORDE do 7 de maio de 2024 pola que se regula a participación no fondo solidario de libros de texto e se convocan as axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2024/25 (códigos de procedemento ED330B, ED330G e ED330H).

A partir do 1 de marzo ábrese o prazo de admisión de novos alumnos e alumnas para o vindeiro curso académico 2024/25.

O alumnado que desexe iniciar a súa escolaridade na etapa de Educación Infantil de 3 anos será o nado no ano 2021

Os impresos de solicitude poden recollerse no colexio ou ben descargalos aquí:

SOLICITUDE DE PRAZA

DOCUMENTACIÓN

Ou cubrilos electrónicamente na aplicación da Xunta:

https://www.edu.xunta.es/admisionalumnado/------------------Manual familias para cubrir a instancia na aplicación

E entregala firmada no centro. Tamén se pode cubrir por sede electrónica para o que se precisa certificado electrónico ou a chave 365 para poder asinala.

Os alumnos/as que xa están matriculados no presente curso escolar no colexio teñen a reseva de praza xa feita para a continuidade no mesmo o vindeiro curso escolar.

Se algún alumno/a vai cambiar de centro no vindeiro curso, terá que facer a solicitude de admisión nese centro no prazo establecido e comunicalo a súa vez no noso colexio.

A listaxe provisional de admitidos publicarase no taboeiro de anuncios do centro o 25 abril. Contra a listaxe provisional, poderanse formular reclamacións no prazo de 5 días hábiles contados a partir do seguinte á súa publicación. Estas reclamación entenderanse estimadas ou desestimadas coa publicación da listaxe definitiva.

A listaxe definitiva de admitidos publicarase no taboeiro de anuncios do centro o 15 maio. Contra a relación definitiva, as persoas interesadas poderán interpoñer recurso de alzada ante a persoa titular da xefatura territorial, no prazo de un mes contado a partires do día seguinte á súa publicación.

O prazo de formalización de matrícula será do 20 ao 30 de xuño.

VACANTES CURSO 2024/2025

 Normativa reguladora do proceso de admisión para o curso 2024/25

• Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
• Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

Do 15 de xaneiro ao 5 de febreiro ábrese o prazo para a reserva de praza dos alumnos e alumnas de 6º de Educación Primaria que vaian cursar os seus estudos de ESO no centro adscrito ao noso, IES FERNANDO ESQUÍO.

Para facer reserva deben cumprimentar o anexo I (pódese descargar en galego ou castelán) e entregalo asinado no noso centro antes do 5 de febreiro.

                  Anexo I (Galego)

                  Anexo I (Castelán)

A solicitude tamén a poden cumprimentar de forma electrónica, a través da aplicación: www.edu.xunta.es/admisionalumnado/, no menú:

Solicitudes - Reserva - crear

E logo entregala no noso centro asinada. Ou asinala en sede electrónica para o que se precisa a Chave 365 ou un certificado dixital.

Se van cursar a ESO noutro centro terán que facer a solicitude de admisión nese centro, no prazo establecido para ese trámite (1 ao 20 de marzo).

 LEXISLACIÓN APLICABLE 

• Orde do 21 de outubro de 2022 pola que se desenvolve o Decreto 13/2022, do 3 de febreiro, ese regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica2/2006, do 3 de maio, de educación (códigos de procedemento ED550A, ED550B e ED550C).

• Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

Está aberto o prazo para solicitar as becas e axudas para alumnado NEAE para o curso 2023-2024. O prazo está aberto dende o 8 de MAIO ata o 20 de setembro inclusive.

Os destinatarios son o alumnado matriculado en centros españois, que acrediten a necesidade específica de apoio educativo e que cumpran os requisitos establecidos na convocatoria:

CONVOCATORIA NEAE 2023-2024

A solicitude cubrirase ONLINE no seguinte enlace:

ACCESO AO SERVIZO

Se non se ten certificado electrónico, a solicitude hai que imprimila, firmala e presentala no centro antes do 20 de setembro.

PINCHADE PARA MÁIS INFORMACIÓN

As principales novidades deste ano son:

• Subsidio de 400 euros para gastos de carácter xeral que se concederán de xeito automático a todos os beneficiarios, independentemente da renta familiar e dos resultados académicos dos estudantes e sen necesidade de xustificación
• Non é requisito imprescindible que o solicitante dispoña de centificado de discapacidade

As vacantes provisionais resultantes:

De conformidade co establecido na Resolución do 19 de setembro de 2022. DOG do 30 de setembro, realizarase proximamente neste Centro a renovación do CONSELLO ESCOLAR que é o instrumento de participación na vida escolar de todos os sectores educativos do Colexio.

Animamos a toda a comunidade educativa do CEIP San Isidro de Neda a participar.

As votacións serán o día 29 de novembro.

Para máis información pinchade na imaxe

 Lista material 1º Educación Primaria

  Lista material 2º Educación Primaria

  Lista material 3º Educación Primaria

  Lista material 4º Educación Primaria

  Lista material 5º Educación Primaria

  Lista material 6º educación Primaria

POR SER FESTIVO LOCAL EN NEDA O DÍA 8 DE SETEMBRO

O PRIMEIRO DÍA DE COLE SERÁ O 9 DE SETEMBRO (VENRES)

Informamos que todas as solicitudes de admisión presentadas para o curso 2022-2023, no CEIP San Isidro de Neda, obtiveron praza.  As listaxes poden consultarse con chave 365, ou no taboeiro de anuncios sito no interior do centro escolar.

O prazo de matrícula será do 20 ao 30 de xuño.