Unha vez finalizado o proceso para a elección de membros para a renovación parcial do Consello Escolar, a Xunta Electoral, dentro das súas funcións, fai a proclamación dos candidatos. 

ACTA DE PROCLAMACIÓN DE CANDIDATOS

Unha vez finalizado o prazo de presentación de candidaturas para a elección dos representantes de nais e pais do alumnado no CONSELLO ESCOLAR do Centro, segundo convocatoria do 8 do mes en curso, a XUNTA ELECTORAL deste centro fai pública a relación de nomes dos candidatos que se presentan á referida elección, segundo se indica de seguido por orde alfabético de apelidos: 

1. CENDÁN VILLADÓNIGA, ANA BELÉN

2. SOUTO FREIRE, MARÍA FERNANDA

Segundo o establecido no artigo 40 do Decreto 324/1996, do 26 de xullo (DOG do 09/08/1996)  corresponde elixir no presente proceso electoral a 3 pais/nais, dun total de 5 que debe ter o Consello Escolar. Un será nomeado pola ANPA. O outro representante de pais/nais continúa como consecuencia da súa elección anterior no ano 2021.

O que se fai público para xeral coñecemento.

Neda, 22 de novembro de 2022

Constituída a Xunta Electoral o día 8 de novembro de 2022, acordou:

• Calendario eleccións membros do Consello Escolar
• Convocatoria pais/nais
• Convocatoria mestres
• Solicitude para a presentación de candidatura
• Papeleta votación

De conformidade co establecido na Resolución do 19 de setembro de 2022 da Dirección Xeral de Centros e Recursos Humanos, Formación Profesional e Innovación Educativa da Consellería de Cultura, Educación e Ordenación Universitaria (DOG do 29 de setembro), realizarase proximamente neste Centro a renovación do CONSELLO ESCOLAR que é o instrumento de participación na vida académica de todos os sectores educativos do Colexio.

A organización e a supervisión do procedemento de elección dos novos membros do Consello Escolar estará a cargo da Xunta Electoral que se constituirá ao efecto, e está integrada por:

          - A directora do Centro.

          - Un profesor ou profesora.

          - Un pai ou nai ou titor legal.

          - Un representante do persoal de administración e servizos.

Os tres últimos serán designados por sorteo segundo establece o artigo 30 do Decreto 92/1988, do 28 de abril, redactado conforme ao establecido na disposición adicional primeira do Decreto 324/1996, do 26 de xullo (DOG do 9 de agosto). Dito sorteo, que será público e no que se preverá a designación de membros suplentes, celebrarase neste Centro o próximo día 2 de novembro, ás 11:45 horas.

Aqueles membros da comunidade educativa que desexen presentar a súa candidatura para formar parte do novo Consello Escolar deberán seguir as instrucións que figurarán nas distintas convocatorias que proximamente se farán públicas pola Xunta Electoral do Centro.

• RESOLUCIÓN de 19 de septiembre de 2022, de la Dirección General de Ordenación e Innovación Educativa, por la que se establece el calendario para la celebración de elecciones de miembros de los consejos escolares de centros docentes sostenidos con fondos públicos.

• Decreto 374/1996, de 17 de octubre, por el que se aprueba el reglamento orgánico de las escuelas de educación infantil y de los colegios de educación primaria 

• Regulamento orgánico dos institutos de educación secundaria (Decreto 324/1996, do 26 de xullo. DOG 09-08-96).

• Decreto 92/1988, do 28 de abril, polo que se regulan os órganos do goberno dos centros públicos de ensino non universitario. (DOG, 29/04/88).

• Decreto 7/1999, do 7 de xaneiro, polo que se implantan e regulan os centros públicos integrados de ensinanzas non universitarias. 

• CIRCULAR NÚMERO 1/98, DO 2 DE FEBREIRO, DA DIRECCIÓN XERAL DE CENTROS E INSPECCIÓN EDUCATIVA POLA QUE SE ACLARAN POSIBLES DÚBIDAS EN RELACIÓN CO PROCESO DE ELECCIÓN, COMPOSICIÓN E CONSTITUCIÓN DOS ÓRGANOS DE GOBERNO DOS CENTROS PÚBLICOS