Celebramaos un Samaín de cine. O Equipo de Dinamización da Lingua Galega e o Equipo da Biblioteca organizan a proxección de varios curtametraxes "de medo".

Para ver as fotos da actividade clica na imaxe.

Os nenos e nenas de 5º de Primaria participaron nunha sesión de Divermaxia na Biblioteca Municipal.

Para ver as fotos da actividade clica na imaxe.

O mago Richard parte da importancia de aprender sempre a partires dun libro. A historia, a natureza,as viaxes...todo, todo se aprende nos libros, e todo tamén ten a súa parte de maxia...

Pasámolo xenial. Moitas grazas Mago Richard!

Eva, de 6º curso de Educación Primaria, foi a gañadora do concurso “Sada lee” que o noso centro gaña por segundo ano consecutivo. 

O concurso foi convocado pola Concellería de Educación do Concello de Sada e Eva presentou o traballo “Cuaderno de bitácora” que podedes ver no vídeo. O premio consistiu nun lote de libros para a gañadora e una tableta para o Colexio. Ademais, pola participación do centro, a Concelleira Raquel Bolaño fixo entrega dun lote de libros para a biblioteca.

Felicitacións para a Eva e animámosvos a participar para o vindeiro ano.

Clicando na imaxe podedes ver as fotos.

O 23 de abril celebramos o Día do Libro. No patio do cole houbo apadriñamento lector e os nenos e nenas de 6º participaron na “Biblioteca secreta”, unha actividade da Concellería de Educación do Concello de Sada.

Mirade o vídeo no que se ve como algúns van pasando de apadriñados a padriños lectores.

Clica na foto para ver as imaxes.

Sara e Alex viñeron a visitarnos ao noso Colexio desde o lugar onde se fabrican os libros para soñar.

Álex é músico e anda cunha chea de instrumentos. É capaz de inventar ou de atopar as melodías que mellor lle acaen ás palabras que saen dos contos. O seu instrumento favorito ten un fol moi grande que estira e encolle, encolle e estira. Sabedes cal é?  A ver quen o adiviña! 

A Sara encántalle ler, por iso coñece moitos contos. Algúns lévaos na maleta para poder compartilos con vós. É o que máis lle gusta! 

Estivemos moi atentos e gozamos xuntos dunha mañá fantástica na que espertaron a nosa imaxinación. 

Clica na imaxe para ver as fotos.

Ada Lucía Cardelle de 5º curso de Educación Primaria foi a gañadora do concurso “Sada lee” deste ano.

O concurso foi convocado pola Concellería de Educación do Concello de Sada e o traballo  sobre un libro de Harry Potter, presentado por Lucía, levou o primeiro premio que consistiu nun lote de libros para a gañadora e una tableta para o Colexio. Ademais, pola participación do centro, a Concelleira Raquel Bolaño fixo entrega dun lote de libros para a biblioteca.

Noraboa a Lucía e gracias polos agasallos recibidos.

Clicando na imaxe pódense ver as fotos.

A mascota da biblioteca Suárez Picallo visitou o noso colexio animando a todos a visitar a biblioteca municipal polo Día do Libro.

Para ver as fotos da visita pica na imaxe.

No palacio real andan buscando alguén para traballar nas cociñas. Unha persoa que saiba guisar, asar e cocer para reis, raíñas, marquesas, duquesas e príncipes de todas as cores e condicións… Martiño quere preparar o mellor biscoito da súa vida, pero antes debe conseguir os ingredientes que precisa.

O cociñeiro Martiño estivo coas nenas e nenos de 1º e 2º cursos de Educación Primaria na biblioteca do noso colexio.

Picando na imaxe pódense ver as fotografías de Martiño.